ലോട്ടറിയിലൂടെ ഭാഗ്യം തേടിയെത്തി, പണം മുഴുവൻ ചെലവഴിച്ചത് ഐവിഎഫിന്.. ഇരട്ടി സന്തോഷം
ജീവിതത്തിൽ സന്തോഷവും സമാധാനവും ഒക്കെ വന്നുചേരുമ്പോഴാണ് ഭാഗ്യമെന്ന് നമ്മൾ കരുതുക. സാമ്പത്തികമായി ഉള്ള പ്രശ്നങ്ങൾ ഇല്ലാതാകുമ്പോൾ തന്നെ ജീവിതത്തിലെ വളരെ പ്രധാനപ്പെട്ട ഒരു പ്രശ്നം പരിഹരിക്കപ്പെടും. അതുകൊണ്ടുതന്നെയാണ് ഒരാൾക്ക് ലോട്ടറി അടിക്കുമ്പോൾ ഭാഗ്യശാലി എന്ന് പറയുന്നത്. ലോട്ടറി അടിച്ചാൽ സാമ്പത്തികമായ പ്രശ്നങ്ങൾക്ക് പ്രതിവിധി ആവുകയും ചെയ്യും, ഭാവിയിലേക്ക് സേവിംഗ് ആവുകയും ചെയ്യും.
അതുകൊണ്ട് തന്നെ ലോട്ടറി അടിക്കുന്നത് ജീവിതത്തിലെ പ്രധാനപ്പെട്ട ഒരു നേട്ടമായാണ് എല്ലാവരും കാണുന്നത്. എന്നെങ്കിലും ഭാഗ്യം വന്നുചേരുമെന്ന പ്രതീക്ഷയിലാണ് ഓരോ വ്യക്തിയും ലോട്ടറി എടുക്കുന്നത്. ചിലപ്പോൾ വളരെ വേഗത്തിൽ ലോട്ടറി അടിക്കാം.. ചിലപ്പോൾ വർഷങ്ങളായാലും ഭാഗ്യം തേടി വരണം എന്നില്ല.. എല്ലാം ഭാഗ്യം പോലെയിരിക്കും.
എന്നാൽ ലോട്ടറി അടിച്ചുകഴിഞ്ഞാൽ ആളുകൾ ആദ്യം ചെയ്യുന്ന കാര്യം എന്താണ്. കാർ വാങ്ങും ചിലപ്പോൾ വീട് വാങ്ങും..അല്ലെങ്കിൽ ആ പണം ഡെപ്പോസിറ്റ് ചെയ്യും, ബാധ്യതകൾ തീർക്കും..ആഗ്രഹങ്ങൾ പൂർത്തിയാക്കും. എന്നാൽ ഈ ദമ്പതികൾ ചെയ്തതെന്താണെന്ന് കേൾക്കുമ്പോൾ നിങ്ങൾ അത്ഭുതപ്പെടും.
ലോട്ടറി അടിച്ച പണം ജീവിതത്തിലെ ഏറ്റവും വലിയ ആഗ്രഹം സാധ്യമാക്കാണ് ഈ ദമ്പതികൾ ചെലവിട്ടത്.. കാറോ വീടോ ഒന്നുമല്ല ഒരു കുഞ്ഞിന് വേണ്ടിയാണ് ദമ്പതികൾ പണം ചെലവിട്ടത്. ദമ്പതികൾ തങ്ങളുടെ രണ്ടാമത്തെ കുഞ്ഞിനെ ഐവിഎഫിലൂടെ ജീവതത്തിലേക്ക് കൊണ്ടുവന്നിരിക്കുകയാണ്. 30000 പൗണ്ടാണ് ഇവർക്ക് ലോട്ടറി അടിച്ചത്.
എല്ലി ഹിന്റൺ ബ്രിസ്റ്റോളിലെ സൗത്ത്മീഡ് ഹോസ്പിറ്റലിലാണ് മട്ടിൽഡയ്ക്ക് ജന്മം നൽകിയത്, ഒരു ദശാബ്ദത്തിന് മുമ്പ് ക്രിസ്മസ് ദിനത്തിൽ ഭർത്താവിനെ ആദ്യമായി കണ്ടുമുട്ടിയ അതേ സ്ഥലത്താണ്.2018ൽ വിവാഹിതരായ എല്ലിയും കാമറൂണും ഫെർട്ടിലിറ്റി പ്രശ്നങ്ങൾ നേരിട്ടിരുന്നു. എന്നാൽ മാതാപിതാക്കളുടെ പിന്തുണയോടെ ഐവിഎഫ് ചികിത്സയ്ക്ക് പണം ഉണ്ടാക്കാൻ അവർക്ക് കഴിഞ്ഞു. ഐവിഎഫ് വഴി തന്നെയാണ് അവരുടെ ആദ്യ മകളായ ഹാറ്റിയെ പ്രസവിച്ചത്.
അവർക്ക് രണ്ടാമത്തെ കുട്ടി വേണമെന്ന് വളരെയധികം ആഗ്രഹം മനസ്സിൽ ഉണ്ടായിരുന്നു. ആഗ്രഹം ഉണ്ടായിരുന്നെങ്കിലും ഐവിഎഫിന്റെ ഒന്നിലധികം റൗണ്ടുകൾക്കുള്ള പണച്ചെലവ് വളരെ അധികം ആയതിനാൽ അവർ ആകെ ആശങ്കയിലായിരുന്നു. എന്നാൽ 2021 ഓഗസ്റ്റിൽ അവർ 30,000 പൗണ്ടിന് ലോട്ടറി അടിച്ചു. ഇതോടെയാണ് അവരുടെ ആശങ്കകൾ മാറിയത്. അങ്ങനെ വീണ്ടം ഒരു കുഞ്ഞ് എന്ന് ആഗ്രഹം വീണ്ടും മനസ്സിലെത്തി.
റിപ്പോർട്ടുകൾ പ്രകാരം, തങ്ങളും അയൽക്കാരും തമ്മിൽ പങ്കിട്ട മൊത്തം സമ്മാനമായ 360,000 പൗണ്ടിൽ 30,000 പൗണ്ട് ഹിന്റൺസ് നേടി. പീപ്പിൾസ് പോസ്റ്റ് കോഡ് ലോട്ടറിയിൽ നിന്നാണ് ഇവർക്ക് ലോട്ടറി അടിക്കുന്നത്. സമ്മാനം ലഭിച്ചതിന് പിന്നാലെ ഐവിഎഫിനായി ആ പണം ഇവ ഉപയോഗിച്ചുക്കുകയും ചെയ്തു. 2022 മാർച്ചോടെ, തങ്ങളുടെ രണ്ടാമത്തെ ഐവിഎഫ് വിജയകരമായി എന്ന് ദമ്പതികൾ മനസ്സിലാക്കി. 2022 നവംബറിൽ 8lb 9oz ഭാരമുള്ള മട്ടിൽഡ ജനിച്ചു.
"മട്ടിൽഡ വളരെ സന്തോഷവതിയായ ഒരു കുഞ്ഞാണ്. എന്നെ പങ്കുവെക്കുന്നതിൽ ഹാറ്റി അത്ര സന്തുഷ്ടയല്ല, പക്ഷേ അവൾ ഈ ആശയവുമായി പൊരുത്തപ്പെട്ടു. അവസാനം അങ്ങനെ സംഭവിച്ചതിനാൽ ഞങ്ങൾ എത്ര ഭാഗ്യവാന്മാരാണെന്ന് ഞാൻ മനസ്സിലാക്കുന്നു.
എനിക്ക് അവരോട് വളരെയധികം ബഹുമാനവും സഹതാപവുമുണ്ട്. വന്ധ്യതയിലൂടെ കടന്നുപോകുന്നത് എളുപ്പമല്ല," എല്ലി പറഞ്ഞു.
"ഇത് വളരെ ആവേശകരവും ആശ്വാസകരവുമായിരുന്നു, ഞങ്ങൾ വീണ്ടും നേരത്തെ അനുഭവിച്ചതിലൂടെ ഒരിക്കൽക്കൂടി കടന്നുപോകേണ്ടി വരില്ലലോ എന്ന് അറിയുമ്പോൾ, അവർ പറയുന്നു.
Click it and Unblock the Notifications
Sign in with Google