കശ്മീർ റോഡുകളുടെ മോശം അവസ്ഥ, ചിത്രീകരിക്കാൻ പെൺകുട്ടി റിപ്പോർട്ടറായി; വീഡിയോ വൈറൽ തരംഗം

ശ്രീനഗർ: കശ്മീർ റോഡുകളുടെ മോശം അവസ്ഥ കാണിക്കാൻ റിപ്പോർട്ടറായി മാറിയ കൊച്ചു പെൺകുട്ടിയുടെ വീഡിയോ വൈറൽ ആകുന്നു. കശ്മീരിലെ ലൈനുകളുടെയും ബൈ ലെയ്‌നുകളുടെയും മോശം അവസ്ഥയാണ് ഈ പെൺകുട്ടി തന്റെ റിപ്പോർട്ടിലൂടെ കാണിക്കുന്നത്. കശ്മീരിൽ നിന്നുള്ള ഈ കൊച്ചു പെൺകുട്ടിയുടെ വീഡിയോ ഇപ്പോൾ സമൂഹ മാധ്യമങ്ങളിൽ വൈറൽ ആയിരിക്കുകയാണ്.

റിപ്പോർട്ടറായി മാറിയ കുട്ടിയ്ക്ക് വീഡിയോയ്ക്ക് പിന്നാലെ നിരവധി ആളുകൾ കുട്ടിക്ക് അഭിനന്ദനം അറിയിച്ച് എത്തി. ഈ റോഡിന്റെ മോശം അവസ്ഥ കാരണം ആളുകൾക്ക് ഈ സ്ഥലത്തേക്ക് വരാൻ കഴിയില്ലെന്ന് പെൺകുട്ടിയുടെ വീഡിയോ റിപ്പോർട്ടിംങിൽ വ്യക്തമാക്കുന്നു. പിങ്ക് ജാക്കറ്റ് ധരിച്ചാണ് പെൺകുട്ടി റിപ്പോർട്ട് ചെയ്യുന്നത്.

"അതിഥികൾക്ക് വരാൻ കഴിയാത്ത വിധം ഈ റോഡ് മോശമാണ്," - പെൺകുട്ടി തന്റെ വീഡിയോയിൽ പറയുന്നു. പെൺകുട്ടിയുടെ അമ്മയാണ് വീഡിയോ ദൃശ്യങ്ങൾ പകർത്തിയത്. പെൺകുട്ടി തന്റെ അമ്മയോട് ക്യാമറ റോഡിലേക്ക് കാണിക്കാൻ പറയുന്നതും പെൺകുട്ടിയുടെ ആ ശബ്ദവും ഈ വീഡിയോയിൽ കേൾക്കാൻ കഴിയും.

കശ്മീർ താഴ്‌വരയിൽ അടുത്തിടെ കനത്ത മഞ്ഞും മഴയും അനുഭവപ്പെട്ടിരുന്നു. ചെളിയും മഴയും കൊണ്ട് ഈ റോഡിന്റെ സ്ഥിതി വഷളായിരുന്നു. ഈ അവസ്ഥയെ വിവരിച്ചു കൊണ്ട് പെൺകുട്ടി റോഡിലൂടെ നടന്നു പോകുന്നതും കുഴികൾ കാണിക്കുന്നതുമാണ് ഈ വൈറൽ വീഡിയോയിൽ കാണാൻ സാധിക്കുന്നത്. 2.08 മിനിറ്റ് ദൈർഘ്യമുള്ള ഈ വൈറൽ വീഡിയോ മൊബൈൽ ഫോണിലാണ് ചിത്രീകരിച്ചിരിക്കുന്നത്.

ആളുകൾ റോഡുകളിൽ മാലിന്യം വലിച്ചെറിയുന്നത് എങ്ങനെയെന്ന് പെൺകുട്ടി കാണിക്കുന്നു. അതേ സമയം, ആവേശ ഭരിതയായ ഈ കൊച്ചു റിപ്പോർട്ടർ കാഴ്ചക്കാരോട് ലൈക്ക് ചെയ്യാനും പങ്കിടാനും സബ്‌സ്‌ക്രൈബ് ചെയ്യാനും ആവശ്യപ്പെട്ടു. അതിനൊപ്പം , അടുത്ത വീഡിയോയിൽ കാണാം എന്ന് വാഗ്ദാനം ചെയ്യുകയും ചെയ്യ്തു. എന്നാൽ, വീഡിയോ പോസ്റ്റ് ചെയ്തതിന് പിന്നാലെ, നിരവധി ട്വിറ്റർ ഉപയോക്താക്കൾ വീഡിയോ ഷെയർ ചെയ്യുകയും ഒരു ലക്ഷത്തിലധികം തവണ കാണുകയും ചെയ്തു.

പെൺകുട്ടിയുടെ വൈറലായ വീഡിയോ ഇതാണ് ;

English summary

a little girl who expose the bad condition of Kashmir roads; her video gone viral.