ഈ ഹൃദയത്തിന്റെ ഭാരം 181 കിലോ; ഹൃദയമിടിപ്പ് 3.2 കിലോമീറ്റർ അകലെ കേൾക്കാം..

181 കിലോ ഭാരവും 1.5 മീറ്റർ നീളവും 1.2 മീറ്റർ വീതിയും ഈ ഹൃദയത്തിനുണ്ടെന്ന് ഹർഷ് അടിക്കുറിപ്പായി കുറിച്ചു.

ഇപ്പോൾ വൈറൽ ആയിരിക്കുന്നത് ഒരു ഹൃദയത്തിന്റെ ചിത്രമാണ്.181 കിലോഗ്രാം ഭാരമുള്ള ഒരു നീലത്തിമിംഗലത്തിന്റെ ഹൃദയം ആണ് വൈറൽ ആയത്. വ്യവസായിയായ ഹർഷ് ഗോയങ്കയാണ് ചിത്രം ട്വിറ്ററിൽ പോസ്റ്റ് ചെയ്തത്. കാനഡയിലെ റോയൽ ഒന്റാറിയോ മ്യൂസിയത്തിൽ ഹൃദയം സംരക്ഷിച്ച് പ്രദർശിപ്പിച്ചിരിക്കുന്നത്. 181 കിലോ ഭാരവും 1.5 മീറ്റർ നീളവും 1.2 മീറ്റർ വീതിയും ഈ ഹൃദയത്തിനുണ്ടെന്ന് ഹർഷ് അടിക്കുറിപ്പായി കുറിച്ചു. 3.2 കിലോമീറ്റ‍ർ ദൂരമകലെ വരെ ഈ ഹൃദയത്തിൽ നിന്നുള്ള മിടിപ്പ് കേൾക്കാൻ പറ്റുമെന്നാണ് പറഞ്ഞിരിക്കുന്നത്.

181 കിലോഗ്രാം ഭാരമുള്ള നീലത്തിമിംഗലത്തിന്റെ സംരക്ഷിത ഹൃദയമാണിത്. 1.2 മീറ്റർ വീതിയും 1.5 മീറ്റർ ഉയരവുമുള്ള ഇതിന്റെ ഹൃദയമിടിപ്പ് 3.2 കിലോമീറ്ററിലധികം ദൂരത്ത് നിന്ന് കേൾക്കാനാകുമെന്നും ഗോയങ്ക ട്വീറ്റ് ചെയ്തു.

ലോകത്തിലെ ഏറ്റവും വലിയ ജീവിയായ നീലത്തിമിംഗലത്തിന്റേതാണ് ഈ ഹൃദയം. 2014ൽ കാനഡയിലെ റോക്കി ഹാർബർ എന്ന തീരദേശ പട്ടണത്തിൽ ഒഴുകിയെത്തിയ ഒരു നീലത്തിമിംഗലത്തിന്റെ ശരീരത്തിൽ നിന്നാണ് ഈ ഹൃദയം എടുത്തത്. ടൊറന്റോയിലെ റോയൽ ഒന്റാരിയോ മ്യൂസിയത്തിൽ നിന്നു വിദഗ്ധർ വന്നിട്ടാണ് ഈ ഹൃദയം സംരക്ഷിച്ചത്. ഒരുപാട് സമയമെടുത്ത് വളരെ സങ്കീർണമായ പ്രക്രിയയിലൂടെയാണ് ഹൃദയം പുറത്തെടുക്കാൻ സാധിച്ചത്.

ഹൃദയം നശിക്കാതിരിക്കാനായി 700 ഗാലൻ അളവിലുള്ള ഫോർമാൾഡിഹൈഡ് ഹൃദയത്തിലേക്ക് കയറ്റി. പുറത്തെടുത്ത ശേഷം ഈ ഹൃദയം ജർമനിയിലെ ഗൂബനർ പ്ലാസ്റ്റിനേറ്റ് എന്ന സ്ഥാപനത്തിലേക്ക് കൊണ്ടുപോയി അവിടെ വച്ച് പ്ലാസ്റ്റിക് ഉപയോഗിച്ച് സംരക്ഷണകവചം നൽകി. മൂന്നു വർഷങ്ങളോളം തുടർന്ന ശ്രമത്തിന് ഒടുവിൽ ആണ് ഹൃദയം പൊതുജനങ്ങൾക്കാ കാണാൻ
ആയി നൽകുന്നത്.

ലോകത്തിലെ ഏറ്റവും വലിയ സസ്തനികൾ കൂടിയായ നീലത്തിമിംഗലങ്ങൾ ആർട്ടിക് സമുദ്രമൊഴിച്ച് എല്ലാ സമുദ്രങ്ങളിലും കാണപ്പെടാറുണ്ട്. ക്രിൽ എന്ന കൊഞ്ചുവർഗത്തിൽ പെട്ട ചെറുസമുദ്രജീവികളെയാണ് ഇവ പ്രധാനമായും ആഹാരമാക്കുന്നത്. ഒരു ദിവസം ആറായിരം കിലോ വരെ ക്രിൽ മത്സ്യങ്ങളെ ഇവ കഴിക്കാറുണ്ട്.

പോസ്റ്റ് 1.7 ലക്ഷത്തിലധികം തവണ കണ്ടു, ഇതിന് 2,000 ലൈക്കുകൾ ലഭിച്ചു.
ഒരു ഉപയോക്താവ് പറഞ്ഞു, "Whoaaaaaaa പ്രപഞ്ചത്തിന് സസ്യങ്ങൾ മുതൽ മൃഗങ്ങൾ മുതൽ മനുഷ്യർ വരെ അതിന്റേതായ സർഗ്ഗാത്മകത ഉണ്ട്.. ഉറുമ്പ് മുതൽ തിമിംഗലം വരെ എത്ര മനോഹരമായി സൃഷ്ടിച്ചിരിക്കുന്നു." 'അതായിരുന്നു മുംബൈയിലെ എന്റെ ആദ്യത്തെ വീടിന്റെ വലിപ്പം' എന്ന് മറ്റൊരാൾ പറയുന്നു.

English summary

A photo of a blue whale's heart goes viral in social media because of these reason