ചരിത്രപ്രസിദ്ധമായ സന്ദര്ശനത്തിന് സൗദി രാജാവ് റഷ്യയിലെത്തി
ചരിത്രപ്രസിദ്ധമായ സന്ദര്ശനത്തിന് സൗദി രാജാവ് റഷ്യയിലെത്തി
മോസ്കോ: ഒരു നൂറ്റാണ്ടോളം നീണ്ട നയതന്ത്ര ബന്ധത്തിനിടയില് ചരിത്രത്തിലാദ്യമായി സൗദി ഭരണാധികാരി റഷ്യ സന്ദര്ശിച്ചു. ബുധനാഴ്ച മോസ്കോയിലെത്തിയ സൗദി രാജാവിന് ഊഷ്മളമായ വരവേല്പ്പാണ് റഷ്യ നല്കിയത്. വ്യാഴാഴ്ച പ്രസിഡന്റ് വ്ളാദ്മിര് പുടിനുമായും വെള്ളിയാഴ്ച പ്രധാനമന്ത്രി ദിമിത്രി മെദ് വെദേവ് ആയും സല്മാന് രാജാവ് ചര്ച്ചകള് നടത്തും.
സൗദി രാജാവിന്റെ സന്ദര്ശനത്തോടനുബന്ധിച്ച് ഇരു രാജ്യങ്ങളും തമ്മില് മൂന്ന് ബില്യണ് ഡോളറിന്റെ വിവിധ കരാറുകളില് ഒപ്പുവയ്ക്കുമെന്ന് റഷ്യന് ഊര്ജ മന്ത്രി അലക്സാണ്ടര് നൊവാക് അറിയിച്ചു. റഷ്യന് പെട്രോകെമിക്കല് കമ്പനിയായ സിബുറിന്റെ പ്ലാന്റ് സൗദിയില് സ്ഥാപിക്കുന്നതിനുള്ള 1.1 ബില്യന് ഡോളര് കരാര് ഉള്പ്പെടെയാണിത്. നവംബറില് എണ്ണയുല്പാദക രാജ്യങ്ങളുടെ (ഒപെക്) സമ്മേളനം ചേരുന്നതിനു മുന്നോടിയായി എണ്ണയുല്പ്പാദനവുമായി ബന്ധപ്പെട്ട വിഷയങ്ങളും ഇരു നേതാക്കളും ചര്ച്ച ചെയ്യും.
സൗദി ഭരണകൂടത്തിലെയും സ്വകാര്യ കമ്പനികളിലെയും മുതിര്ന്ന ഉദ്യോഗസ്ഥര് ഉള്പ്പെട്ട വന് പ്രതിനിധി സംഘം സല്മാന് രാജാവിനോടൊപ്പം റഷ്യയിലെത്തിയിട്ടുണ്ട്. വിവിധ മേഖലയില് നിന്നുള്ളവരുമായി അവര് ചര്ച്ചകള് നടത്തും. ഇരു രാജ്യങ്ങളും തമ്മില് സഹകരിക്കാവുന്ന മേഖലകള് അനന്തമാണെന്ന് സന്ദര്ശനത്തോടെ ബോധ്യമായതായി റഷ്യന് കമ്പനിയുടെ സൗദിയിലെ മുന് ജനറല് മാനേജര് കോണ്സ്റ്റന്റൈന് ദുതറേവ് പറഞ്ഞു. സാമ്പത്തിക-വാണിജ്യ മേഖലകളില് പുതിയ സഹകരണത്തിന് വഴിയൊരുക്കാന് രാജാവിന്റെ സന്ദര്ശനം വഴിയൊരുക്കുമെന്നും അദ്ദേഹം അഭിപ്രായപ്പെട്ടു.
രാജാവിന്റെ സന്ദര്ശനത്തോടനുബന്ധിച്ച് കൗണ്സില് ഓഫ് സൗദി ചേംബേഴ്സ് നൂറിലേറെ സൗദി-റഷ്യന് ബിസിനസ് നേതാക്കളെ പങ്കെടുപ്പിച്ച് ബുധനാഴ്ച മോസ്കോയില് പ്രത്യേക സമ്മേളനം വിളിച്ചുകൂട്ടിയിരുന്നു. ഇരുരാജ്യങ്ങളും തമ്മിലുള്ള വാണിജ്യ ബന്ധം മെച്ചപ്പെടുത്താന് സമ്മേളനം ഉപകരിക്കുമെന്ന് കൗണ്സില് ചെയര്മാന് അഹ്മദ് അല് റാജിഹി പറഞ്ഞു. അറബ് രാജ്യങ്ങളുമായുള്ള റഷ്യയുടെ ബന്ധത്തില് പുതിയ മാറ്റങ്ങള് സൃഷ്ടിക്കുമെന്ന് വിലയിരുത്തപ്പെടുന്ന സൗദി രാജാവിന്റെ സന്ദര്ശനം ശനിയാഴ്ച വരെ നീണ്ടുനില്ക്കും.
-
കുടുങ്ങിയത് ഖത്തറും സൗദി അറേബ്യയും; നേട്ടമുണ്ടാക്കിയത് ഈ 'ഒരൊറ്റ രാജ്യം', കിട്ടുന്നത് വന് ലാഭം -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..!
Click it and Unblock the Notifications
Sign in with Google