Click it and Unblock the Notifications
Just In
Don't Miss
-
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ -
ജാസ്മിന് നന്നായി വളച്ചൊടിച്ചു, ഗബ്രി നന്നായി കളിക്കുന്നുവെന്ന ഭയം; ജാസ്മിന് 916 ഫേക്ക്! -
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പാകിസ്താനിലും ആം ആദ്മി പാര്‍ട്ടി
ഇസ്ലാമാബാദ്: അഴിമതിക്കെതിരെ സന്ധിയില്ലാ സമരം പ്രഖ്യാപിച്ച് മുന്നേറുന്ന ആം ആദ്മി പാര്‍ട്ടിയുടെയും അരവിന്ദ് കെജ്രിവാളിന്റെയും പേരും പ്രശസ്തിയും അതിര്‍ത്തി കടന്ന് പാകിസ്താനിലേക്ക്. ആപ്പില്‍ നിന്നും ഊര്‍ജ്ജം ഉള്‍ക്കൊണ്ട് അതേ പേരില്‍ പാര്‍ട്ടി തുടങ്ങിയിരിക്കുകയാണ് പാകിസ്താനിലെ ഒരു കൂട്ടം ആളുകള്‍.
മനുഷ്യാവകാശ പ്രവര്‍ത്തകനായ അര്‍സ്ലാന്‍ ഉല്‍ മുല്‍കാണ് അയല്‍നാട്ടിലെ ആം ആദ്മി പാര്‍ട്ടിക്ക് നേതൃത്വം നല്‍കുന്നത്. പാക് തിരഞ്ഞെടുപ്പ് കമ്മീഷനില്‍ ഇദ്ദേഹം ആം ആദ്മി പാര്‍ട്ടി എന്ന പേര് രജിസ്റ്റര്‍ ചെയ്തുകഴിഞ്ഞു. പാക് ആക്ടിവിസ്റ്റായ ഉല്‍ മുല്‍കിന്റെ സ്വദേശം ഗുജ്രന്‍വാലയാണ്.
മുഹമ്മദലി ജിന്നയുടെ സ്വപ്‌നം സാക്ഷാത്കരിക്കാന്‍ വേണ്ടി പ്രതിജ്ഞാബന്ധമായിരിക്കും ആം ആദ്മി പാര്‍ട്ടി എന്ന് അര്‍സ്ലാന്‍ ഉല്‍ മുല്‍ക് പറഞ്ഞു. പഞ്ചാബ് അസംബ്ലി മന്ദിരത്തിന് മുന്നില്‍ അടുത്താഴ്ച മുതല്‍ നിരാഹാര സമരം ഇരിക്കുമെന്നും അര്‍സ്ലാന്‍ ഉല്‍ മുല്‍ക് പ്രഖ്യാപിച്ചിട്ടുണ്ട്. ഇന്ത്യയിലെ ആം ആദ്മി പാര്‍ട്ടി നേതാവ് അരവിന്ദ് കെജ്രിവാളിന്റെ പ്രധാന ആയുധമാണ് സമരങ്ങളും ധര്‍ണയും.
രാജ്യത്തെ പോലീസ് അരാജകത്വത്തിനെതിരെ ശബ്ദമുയര്‍ത്തിക്കൊണ്ടാണ് ആം ആദ്മി പാര്‍ട്ടിയുടെ അരങ്ങേറ്റം. അഴിമതിക്കും കൈക്കൂലിക്കും പേരുകേട്ട പാകിസ്താനില്‍ ആം ആദ്മി പാര്‍ട്ടിക്ക് നേട്ടമുണ്ടാക്കാനാകും എന്ന പ്രതീക്ഷയിലാണ് നേതാക്കള്‍.
