Click it and Unblock the Notifications
Just In
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
യുഎഇയില്‍ ഭര്‍ത്താവിനെ കാണാനെത്തിയ ഇന്ത്യക്കാരിക്ക് ബിഗ് ടിക്കറ്റില്‍ സമ്മാനം; ഒപ്പം മറ്റൊരു ഭാഗ്യവും
അബുദാബി: ബിഗ് ടിക്കറ്റ് പ്രതിവാര ഇ നറുക്കെടുപ്പില്‍ സമ്മാനം നേടി ഇന്ത്യക്കാരി. യു എ ഇയില്‍ സന്ദര്‍ശനത്തിനായി എത്തിയ വര്‍ഷ ഗുന്‍ഡ എന്ന യുവതിക്കാണ് ബിഗ് ടിക്കറ്റില്‍ കോടികള്‍ സമ്മാനം ലഭിച്ചിരിക്കുന്നത്. നവംബര്‍ മാസത്തെ ബിഗ് ടിക്കറ്റിന്റെ രണ്ടാമത്തെ പ്രതിവാര ഇ - ഡ്രോ വിജയിയാണ് വര്‍ഷ ഗുന്‍ഡ.
പ്രതിവാര ഇ-ഡ്രോകളുടെ ഭാഗമായി ബിഗ് ടിക്കറ്റ് ഓരോ ആഴ്ചയും 1 മില്യണ്‍ ദിര്‍ഹമാണ് സമ്മാനമായി നല്‍കി വരുന്നത്. ഇത് പ്രകാരം 2 കോടി 20 ലക്ഷത്തിലേറെ രൂപയാണ് വര്‍ഷ ഗുന്‍ഡക്ക് ലഭിക്കുക. കൂടാതെ പ്രമോഷന്‍ തീയതികളില്‍ ടിക്കറ്റ് വാങ്ങുന്ന മറ്റെല്ലാ ഉപഭോക്താക്കളെയും പോലെ വര്‍ഷ ഗുന്‍ഡക്കും ഡിസംബര്‍ 3-ന് 30 മില്യണ്‍ ദിര്‍ഹം സമ്മാനം സ്വന്തമാക്കാനുള്ള അവസരവും വന്ന് ചേര്‍ന്നു.
സോഷ്യല്‍ മീഡിയയിലൂടെ ബിഗ് ടിക്കറ്റിനെ കുറിച്ച് അറിഞ്ഞ വര്‍ഷ ഗുന്‍ഡ പിന്നീട് ടിക്കറ്റ് വാങ്ങാന്‍ തുടങ്ങുകയായിരുന്നു. മൂന്ന് വര്‍ഷത്തിലേറെയായി ഭര്‍ത്താവിനൊപ്പം വര്‍ഷ ഗുന്‍ഡ ടിക്കറ്റ് വാങ്ങുന്നുണ്ട്. വര്‍ഷ ഗുന്‍ഡയുടെ ഭര്‍ത്താവ് യു എ ഇയിലാണ് ജോലി ചെയ്യുന്നത്. വര്‍ഷ കുറച്ച് കാലങ്ങള്‍ക്ക് മുമ്പാണ് യു എ ഇയില്‍ നിന്ന് ഇന്ത്യയിലേക്ക് മടങ്ങിയത്.
ബിഗ് ടിക്കറ്റിന്റെ പ്രതിനിധികള്‍ വര്‍ഷ ഗുന്‍ഡയെ ആദ്യം വിളിച്ചപ്പോള്‍ സര്‍പ്രൈസ് കോള്‍ വര്‍ഷ ഗുന്‍ഡക്ക് നഷ്ടമായി. രണ്ട് ദിവസത്തിന് ശേഷം ഭാര്യ വിജയിച്ച വിവരം സോഷ്യല്‍ മീഡിയയിലൂടെ അറിഞ്ഞ ഭര്‍ത്താവ് ഇ മെയില്‍ വഴി ബിഗ് ടിക്കറ്റ് ടീമിനെ സമീപിക്കുകയായിരുന്നു. അതേസമയം സമ്മാനത്തുക എങ്ങനെ ചെലവഴിക്കണം എന്ന് വര്‍ഷ ഗുന്‍ഡ ഇതുവരെ തീരുമാനിച്ചിട്ടില്ല.
നവംബര്‍ മാസത്തില്‍ റാഫിള്‍ ടിക്കറ്റുകള്‍ വാങ്ങുന്ന ബിഗ് ടിക്കറ്റിന്റെ ഉപഭോക്താക്കള്‍ പ്രതിവാര ഇലക്ട്രോണിക് നറുക്കെടുപ്പിലേക്ക് സ്വയം തെരഞ്ഞെടുക്കപ്പെടും. അതില്‍ ഒരു വിജയിക്ക് എല്ലാ ആഴ്ചയും 1 ദശലക്ഷം ദിര്‍ഹം ക്യാഷ് പ്രൈസ് ലഭിക്കും. പ്രമോഷന്‍ തീയതികളില്‍ ടിക്കറ്റ് വാങ്ങുന്ന ആര്‍ക്കും ഡിസംബറിലെ 30 ദശലക്ഷം ദിര്‍ഹം സമ്മാനം നേടാനുള്ള അവസരവും ലഭിക്കും.
ബിഗ് ടിക്കറ്റ് വാങ്ങാന്‍ ആഗ്രഹിക്കുന്നവര്‍ക്ക് നവംബര്‍ 30 വരെ ഓണ്‍ലൈനായും അല്ലെങ്കില്‍ അബുദാബി ഇന്റര്‍നാഷണല്‍ എയര്‍പോര്‍ട്ടിലെയും അല്‍ ഐന്‍ ഇന്റര്‍നാഷണല്‍ എയര്‍പോര്‍ട്ടിലെയും ഇന്‍-സ്റ്റോര്‍ കൗണ്ടറുകള്‍ സന്ദര്‍ശിച്ചും ടിക്കറ്റ് വാങ്ങാം.
