ലോകകപ്പ് കാണാന് ഖത്തറിലെത്തി.. ഇന്ത്യക്കാരന് യുഎഇ ബിഗ് ടിക്കറ്റില് 10 ലക്ഷം ദിര്ഹം സമ്മാനം
അബുദാബി: യു എ ഇ ബിഗ് ടിക്കറ്റില് വീണ്ടും ഇന്ത്യക്കാരന് ഭാഗ്യം. യു എ ഇയില് ജോലി ചെയ്യുന്ന ഇന്ത്യക്കാരന് ഖത്തര് ലോകകപ്പ് കാണാന് പോയപ്പോഴാണ് സമ്മാനം ലഭിച്ചിരിക്കുന്നത്. ഇന്ന് നടന്ന യു എ ഇ ബിഗ് ടിക്കറ്റിന്റെ പ്രതിവാര ഇലക്ട്രോണിക് നറുക്കെടുപ്പില് 10 ലക്ഷം ദിര്ഹം അതായത് ഏകദേശം രണ്ട് കോടിയിലേറെ രൂപയാണ് ഇന്ത്യക്കാരനായ ഹരി ജയറാമിന് ലഭിച്ചിരിക്കുന്നത്.
യു എ ഇയില് എട്ട് വര്ഷത്തിലേറെയായി ഹോട്ടല് മാനേജരായി ജോലി ചെയ്യുകയാണ് ഹരി ജയറാം. നറുക്കെടുപ്പ് സമയത്ത് ലോകകപ്പ് കാണാനായി ഖത്തറിലേക്ക് എത്തിയതായിരുന്നു ഹരി ജയറാം. അതിനിടെ ആണ് ബിഗ് ടിക്കറ്റ് അധികൃതര് ഹരി ജയറാമിനെ വിളിച്ച് സമ്മാന വിവരം അറിയിച്ചത്.
കഴിഞ്ഞ ഒന്നര വര്ഷമായി രണ്ട് സുഹൃത്തുക്കളുമായി ചേര്ന്ന് ബിഗ് ടിക്കറ്റ് എടുക്കുന്നുണ്ട് ഹരി ജയറാം. സമ്മാനം ലഭിച്ചതില് ഏറെ സന്തോഷവാനാണ് എന്നും 30 ദശലക്ഷം ദിര്ഹം ഗ്രാന്ഡ് പ്രൈസ് ലഭിക്കുമെന്നാണ് ഇനി പ്രതീക്ഷ എന്നും ഹരി ജയറാം കൂട്ടിച്ചേര്ത്തു. ഈ മാസം പ്രതിവാര നറുക്കെടുപ്പില് പങ്കെടുക്കുന്നവര്ക്ക് ഡിസംബര് 3-ന് 30 ദശലക്ഷം ദര്ഹം സമ്മാനമുള്ള നറുക്കെടുപ്പില് പങ്കെടുക്കാനുള്ള അവസരം സ്വയമേവ ലഭിക്കും.
കഴിഞ്ഞയാഴ്ച യു എ ഇയില് സന്ദര്ശനത്തിനെത്തിയ ഇന്ത്യക്കാരിക്കായിരുന്നു സമ്മാനം ലഭിച്ചത്. ഭര്ത്താവിനെ കാണാനെത്തിയ വര്ഷ ഗുന്ഡയ്ക്കായിരുന്നു പ്രതിവാര സമ്മാനം നേടിയത്. സോഷ്യല് മീഡിയയിലൂടെ ആണ് വര്ഷ ഗുന്ഡ ബിഗ് ടിക്കറ്റിനെക്കുറിച്ച് കേട്ടറിഞ്ഞത്. പിന്നീട് ഭര്ത്താവിനൊപ്പം യു എ ഇയിലെത്തി വര്ഷ ടിക്കറ്റ് എടുത്ത ശേഷം നാട്ടിലേക്ക് മടങ്ങിയിരുന്നു.
ഭര്ത്താവ് നിലവില് യു എ ഇയില് ആണ് ജോലി ചെയ്യുന്നത്. ഓണ്ലൈനായോ അബുദാബി ഇന്റര്നാഷണല് എയര്പോര്ട്ടിലെയും അല് ഐന് ഇന്റര്നാഷണല് എയര്പോര്ട്ടിലെയും ഇന്-സ്റ്റോര് കൗണ്ടറുകള് സന്ദര്ശിച്ചോ ടിക്കറ്റുകള് വാങ്ങാം.
നവംബര് മാസത്തില് റാഫിള് ടിക്കറ്റുകള് വാങ്ങുന്നവര് പ്രതിവാര ഇലക്ട്രോണിക് നറുക്കെടുപ്പിലേക്ക് സ്വയം തെരഞ്ഞെടുക്കപ്പെടും. അതില് ഒരു വിജയിക്ക് എല്ലാ ആഴ്ചയും 1 ദശലക്ഷം ദിര്ഹം ക്യാഷ് പ്രൈസും സമ്മാനമായി ലഭിക്കും.