നിയമവ്യവസ്ഥയിലെ വിശ്വാസം നഷ്ടപ്പെട്ടു; ഡെപ്പിനെതിരായ കേസ് ഒത്തുതീര്പ്പാക്കാന് ആംബര് ഹേര്ഡ്, ട്വിസ്റ്റ്
ന്യൂയോര്ക്ക്: മുന് ഭര്ത്താവും നടനുമായ ജോണി ഡെപ്പിന് എതിരായ മാനനഷ്ടക്കേസില് പരാജയപ്പെട്ട നടി ആംബര് ഹേര്ഡ് കേസ് ഒത്തുതീര്പ്പാക്കാന് ഒരുങ്ങുന്നു. ഇന്സ്റ്റഗ്രാമിലൂടെ ആംബര് ഹേര്ഡ് തന്നെയാണ് ഇക്കാര്യം വെളിപ്പെടുത്തിയിരിക്കുന്നത്. അമേരിക്കന് നിയമവ്യവസ്ഥയില് തനിക്ക് വിശ്വാസം നഷ്ടപ്പെട്ടു എന്ന് വെളിപ്പെടുത്തിക്കൊണ്ടാണ് പുതിയ പ്രഖ്യാപനവുമായി നടി രംഗത്തെത്തിയിരിക്കുന്നത്.
ലോകമെമ്പാടുമുള്ള മാധ്യമങ്ങള് ഒന്നടങ്കം ചര്ച്ചചെയ്ത വിഷയമായിരുന്നു ഹോളിവുഡ് നടന് ജോണി ഡെപ്പും മുന്ഭാര്യ ആംബര് ഹേര്ഡുമായുള്ള നിയമയുദ്ധം. ഗാര്ഹിക പീഡനത്തെക്കുറിച്ച് ആംബര് ഹേര്ഡ് എഴുതിയ ലേഖനം തനിക്ക് മാനഹാനിയുണ്ടാക്കിയെന്ന് ചൂണ്ടിക്കാട്ടി ഡെപ്പ് മാനനഷ്ടക്കേസ് നല്കിയിരുന്നു. കേസില് ജോണി ഡെപ്പിന് അനുകൂലമായാണ് വിധി വന്നത്.
ഈ കേസ് ആണ് ഒത്തുതീര്പ്പാക്കാന് ആംബര് ഹേര്ഡ് തീരുമാനിച്ചിരിക്കുന്നത്. സമയത്തിന് താന് ഏറെ പ്രാധാന്യം കൊടുക്കുന്നു എന്നും തന്റെ സമയം ലക്ഷ്യബോധത്തോടെ ചെലവഴിക്കാന് ആഗ്രഹിക്കുന്നു എന്നും ആംബര് ഹേര്ഡ് പറഞ്ഞു. സത്യം പറഞ്ഞതിന് സ്ത്രീകള്ക്ക് അധിക്ഷേപമോ പാപ്പരത്തമോ നേരിടേണ്ടിവരുന്നത് വളരെ സാധാരണമായിരിക്കുന്നു. തന്നെ പിന്തുണച്ച എല്ലാവരോടും നന്ദി പറയുന്നു എന്നും അവര് പറഞ്ഞു.
അതിജീവിച്ചവരുടെ കഥ പറയാനുള്ള കഴിവാണ് പലപ്പോഴും ഒരേയൊരു ആശ്വാസമായി തോന്നുന്നുത്. എന്നിലുള്ള നിങ്ങളുടെ വിശ്വാസം എനിക്ക് മാത്രമല്ല, നിങ്ങള്ക്കെല്ലാവര്ക്കും പ്രചോദനമാകുമെന്ന് പ്രതീക്ഷിക്കുന്നു എന്ന് പറഞ്ഞ് കൊണ്ടാണ് ആംബര് ഹേര്ഡ് ഇന്സ്റ്റഗ്രാമില് പങ്ക് വെച്ച കുറിപ്പ് അവസാനിപ്പിക്കുന്നത്.
2018-ല് വാഷിങ്ടണ് പോസ്റ്റില് എഴുതിയ ലേഖനത്തില് ആണ് ഗാര്ഹികപീഡനത്തെ അതിജീവിച്ച വ്യക്തിയായി ആംബര് ഹേര്ഡ് സ്വയം അവതരിച്ചത്. എന്നാല് ലേഖനത്തില് ജോണി ഡെപ്പിന്റെ പേരോ മറ്റ് കാര്യങ്ങളോ ഉണ്ടായിരുന്നില്ല. എന്നാല് ആംബര് ഹേര്ഡിന്റെ കുറിപ്പിന് പിന്നാലെ ഡിസ്നി അടക്കമുള്ള വന് നിര്മാണ കമ്പനികള് തങ്ങളുടെ സിനിമകളില് നിന്ന് ജോണി ഡെപ്പിനെ ഒഴിവാക്കി.
ഇതോടെ തന്നെ വ്യക്തിഹത്യ നടത്താനും തന്റെ സിനിമാ ജീവിതം തകര്ക്കാനും ഉദ്ദേശിച്ചാണ് ലേഖനം എന്ന് ആരോപിച്ചാണ് 2019-ല് ജോണി ഡെപ്പ് നിയമപോരാട്ടം തുടങ്ങിയത്. അഞ്ചു കോടി ഡോളറിന്റെ മാനനഷ്ടക്കേസ് ആണ് അദ്ദേഹം ഉന്നയിച്ചത്. എന്നാല് ഇതിനെതിരേ 10 കോടി ഡോളറിന്റെ മാനനഷ്ടക്കേസ് ആംബര് ഹേര്ഡും നല്കി. 2015-ലായിരുന്നു ആംബര് ഹേര്ഡിന്റേയും ജോണി ഡെപ്പിന്റേയും വിവാഹം.
-
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ...
Click it and Unblock the Notifications
Sign in with Google