• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

താലിബാനെ നിയമാനുസൃത രാഷ്ട്രീയ പ്രസ്ഥാനമായി അംഗീകരിക്കാമെന്ന് അഫ്ഗാന്‍ പ്രസിഡന്റ്

  • By desk

കാബൂള്‍: അഫ്ഗാനില്‍ സര്‍ക്കാരുമായും അമേരിക്കയുടെ നേതൃത്വത്തിലുള്ള വിദേശശക്തികളുമായും പോരാട്ടം തുടരുന്ന താലിബാനെ നിയമാനുസൃത രാഷ്ട്രീയ പ്രസ്ഥാമായി അംഗീകരിക്കാണെന്ന് അഫ്ഗാന്‍ പ്രസിഡന്റ് അഷ്‌റഫ് ഗനിയുടെ വാഗ്ദാനം. 16 വര്‍ഷമായി തുടരുന്ന രക്തച്ചൊരിച്ചിലുകള്‍ക്ക് അറുതിവരുത്തുന്നതിനുള്ള സമാധാന പ്രക്രിയയുടെ ഭാഗമായാണ് ഈ വാഗ്ദാനം. കാബൂളില്‍ നടന്ന അന്താരാഷ്ട്ര സമാധാന സമ്മേളനത്തില്‍ സംസാരിക്കുകയായിരുന്നു അഫ്ഗാന്‍ പ്രസിഡന്റ്.

സൗദിയില്‍ പിടിയിലായ അനധികൃത താമസക്കാര്‍ ഏഴ് ലക്ഷം!

സമാധാന ചര്‍ച്ചകള്‍ക്ക് തയ്യാറാണെന്ന നിലപാടുമായി താലിബാന്‍ വിഭാഗം മുന്നോട്ടുവന്ന പശ്ചാത്തലത്തിലാണ് അതിനെ പ്രോല്‍സാഹിപ്പിക്കുന്ന രീതിയിലുള്ള പ്രസ്താവനയുമായി പ്രസിഡന്റ് രംഗത്തെത്തിയിരിക്കുന്നത്. സമാധാന പ്രക്രിയയുടെ ഭാഗമായി വെടിനിര്‍ത്തല്‍ പ്രഖ്യാപനം, തടവുകാരെ വിട്ടയക്കല്‍ എന്നീ കാര്യങ്ങള്‍ പ്രസിഡന്റ് മുന്നോട്ടുവച്ചിട്ടുണ്ട്. താലിബാനെ കൂടി പങ്കെടുപ്പിച്ച് പുതിയ തെരഞ്ഞെടുപ്പും താലിബാനുമായുള്ള കരാറിന്റെ അടിസ്ഥാനത്തില്‍ ഭരണഘടനാ പുനസ്സംഘടനയും നടത്താമെന്നും അദ്ദേഹം സമ്മതിക്കുകയുണ്ടായി.

സമാധാന കരാറിനു മുന്നോടിയായി മുന്നുപാധികളൊന്നുമില്ലാതെയാണ് അഫ്ഗാന്‍ ഭരണകൂടം ഈ വാഗ്ദാനങ്ങള്‍ മുന്നോട്ടുവയ്ക്കുന്നതെന്ന് 25 രാജ്യങ്ങളില്‍ നിന്നുള്ള പ്രതിനിധികള്‍ പങ്കെടുത്ത യോഗത്തില്‍ പ്രസിഡന്റ് അഷ്‌റഫ് ഗനി പറഞ്ഞു. താലിബാനെ ഭീകരവാദികള്‍, വിമതര്‍ തുടങ്ങിയ വാക്കുകളിലൂടെ വിശേഷിപ്പിക്കാറുള്ള പ്രസിഡന്റ്, ചര്‍ച്ചയില്‍ കക്ഷിയാക്കാവുന്ന രാഷ്ട്രീയ പ്രസ്ഥാനമായി താലിബാനെ അംഗീകരിച്ചത് വലിയ നയം മാറ്റമായാണ് വിലയിരുത്തപ്പെടുന്നത്.

അമേരിക്കയുമായി നേരിട്ടുള്ള ചര്‍ച്ചയ്ക്ക് സന്നദ്ധമാണെന്ന് കഴിഞ്ഞ ദിവസം മുതിര്‍ന്ന താലിബാന്‍ വക്താവ് അല്‍ ജസീറ ടെലിവിഷന് അനുവദിച്ച അഭിമുഖത്തില്‍ വ്യക്തമാക്കിയിരുന്നു. അതേസമയം, രണ്ടാം ഘട്ടമെന്ന നിലയില്‍ മാത്രമേ അഫ്ഗാന്‍ സര്‍ക്കാരുമായി ചര്‍ച്ചയ്ക്കുള്ളൂ എന്നും അദ്ദേഹം പറയുകയുണ്ടായി. എന്നാല്‍ അഫ്ഗാന്‍ പ്രസിഡന്റിന്റെ പുതിയ വാഗ്ദാനങ്ങളുടെ പശ്ചാത്തലത്തില്‍ താലിബാന്‍ നയംമാറ്റുമോ എന്ന കാര്യമാണ് ഇപ്പോള്‍ ഉറ്റുനോക്കുന്നത്.

ശീതസമരകാലം തിരിച്ചുവരുന്നു? പുതിയ ആണവായുധങ്ങള്‍ നിര്‍മിച്ചതായി റഷ്യ

യമന്‍ യുദ്ധം- സൗദിക്കെതിരേ യുഎസ് സെനറ്റര്‍മാര്‍

English summary
Afghan President Ashraf Ghani has offered to recognise the Taliban as a legitimate political group, as part of a proposed process he said could lead to talks aimed at ending more than 16 years of war
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more