സഹപ്രവര്ത്തകരെ കൊന്നു കത്തിച്ചു; പോലീസ് ഉദ്യോഗസ്ഥന് സംഭവിച്ചത്, പിന്നില് താലിബാന് ഭീകരന്!!
കാബൂള്: ഒമ്പത് സഹപ്രവര്ത്തകരെ കൊലപ്പെടുത്തി കത്തിച്ച സംഭവത്തില് പോലീസ് ഉദ്യോഗസ്ഥന് പിടിയില്. അഫ്ഗാനിസ്താനിലെ നോര്ത്തേണ് കുണ്ടൂസ് പ്രവിശ്യയിലെ ചെക്ക് പോസ്റ്റില് വ്യാഴാഴ്ചയാണ് സംഭവം. സഹപ്രവര്ത്തകര്ക്കെതിരെ ലോക്കല് പോലീസ് ഉദ്യോഗസ്ഥന് സഹപ്രവര്ത്തകര്ക്കെതിരെ വെടിയുതിര്ക്കുകയായിരുന്നുവെന്ന് അഫ്ഗാന് മാധ്യമങ്ങള് റിപ്പോര്ട്ട് ചെയ്യുന്നു.
സംഭവത്തിന് ശേഷം പോലീസ് ഉദ്യോഗസ്ഥന് താലിബാനിലേയ്ക്ക് കടന്നുവെന്നാണ് ലഭിയ്ക്കുന്ന വിവരം. എന്നാല് സംഭവത്തിന് പിന്നിലെ പ്രകോപനം എന്താണെന്ന് വ്യക്തമല്ല. പോലീസ് ഉദ്യോഗസ്ഥരെ കൊലപ്പെടുത്തിയ ശേഷം മൃതദേഹം പെട്രോളൊഴിച്ച് കത്തിയ്ക്കുകയായിരുന്നു.
ഈയാഴ്ച മറ്റൊരു അഫ്ഗാന് സൈനികനും സഹപ്രവര്ത്തകന്റെ വെടിയേറ്റ് മരിച്ചിരുന്നു. സതേണ് ഹെല്മന്ത് പ്രവിശ്യയിലായിരുന്നു സംഭവം. മറ്റ് മൂന്ന് സൈനികര്ക്കും വെടിവെയ്പില് പരിക്കേറ്റിരുന്നു.