സൗദിയില് വീണ്ടും പരിഷ്കാരം; വധശിക്ഷയില് ഇളവ്, ചാട്ടവാറടി ഒഴിവാക്കി, പുതിയ തീരുമാനങ്ങള് അറിയാം
റിയാദ്: സൗദി അറേബ്യന് ഭരണകൂടം നിയമങ്ങളില് കാതലായ മാറ്റങ്ങള് വരുത്തുന്നു. വധശിക്ഷ ഉള്പ്പെടെയുള്ള നിയമങ്ങളിലാണ് ഇളവുകള് കൊണ്ടുവരുന്നത്. ചാട്ടവാറടി ശിക്ഷ റദ്ദാക്കാന് കഴിഞ്ഞദിവസം തീരുമാനിച്ചിരുന്നു. ഇതിന് പിന്നാലെയാണ് വധശിക്ഷയില് ഇളവ് വരുത്തുന്നത്. സല്മാന് രാജാവിന്റെ പ്രത്യേക നിര്ദേശ പ്രകാരമാണ് പുതിയ തീരുമാനങ്ങള്.
Recommended Video
കിരീടവകാശി മുഹമ്മദ് ബിന് സല്മാന്റെ മേല്നോട്ടത്തിലാണ് പരിഷ്കരണ നടപടികള് പുരോഗമിക്കുന്നത്. വധശിക്ഷയില് ഇളവ് നല്കാനുള്ള തീരുമാനം സംബന്ധിച്ച് സൗദിയിലെ മനുഷ്യാവകാശ കമ്മീഷനാണ് അറിയിച്ചത്. വിശദാംശങ്ങള് ഇങ്ങനെ....
ഇളവ് ഇങ്ങനെ
പ്രായപൂര്ത്തിയാകാത്ത വേളയില് ചെയ്ത കുറ്റകൃത്യങ്ങള്ക്ക് വധശിക്ഷ ഒഴിവാക്കാനാണ് തീരുമാനം. ഇതുസംബന്ധിച്ച് സല്മാന് രാജാവ് ഉത്തരവിറക്കി. കുട്ടികളുടെ അവകാശങ്ങള്ക്ക് വേണ്ടിയുള്ള യുഎന് കണ്വെന്ഷനില് സൗദി അറേബ്യയും ഒപ്പുവച്ചിട്ടുണ്ട്. ഇതേ തുടര്ന്നാണ് ശിക്ഷാ ഇളവ് പ്രഖ്യാപിച്ചത്.
2019ല് 184 വധശിക്ഷകള്
2019ല് 184 വധശിക്ഷകള് സൗദി അറേബ്യയില് നടപ്പാക്കിയെന്നാണ് മനുഷ്യാവകാശ സംഘടനയായ ആംനസ്റ്റി ഇന്റര്നാഷണല് പറയുന്നത്. ഇതില് ഒരു പ്രതി പ്രായപൂര്ത്തിയാകുന്നതിന് മുമ്പ് ചെയ്ത കുറ്റകൃത്യവുമായി ബന്ധപ്പെട്ടാണ് ശിക്ഷിക്കപ്പെട്ടത്. വധശിക്ഷ ഒഴിവാക്കണമെന്ന നിലപാടുള്ള ഒട്ടേറെ സംഘടനകള് ആഗോളതലത്തില് പ്രവര്ത്തിക്കുന്നുണ്ട്. സൗദി വധശിക്ഷയില് ഇളവ് വരുത്തണമെന്ന് ഇവര് നേരത്തെ ആവശ്യപ്പെട്ടിരുന്നു.
പത്ത് വര്ഷം തടവ്
പ്രായപൂര്ത്തിയാകാത്തവര്ക്ക് ഇനി സൗദിയില് വധശിക്ഷയുണ്ടാകില്ല. പകരം പരമാവധി പത്ത് വര്ഷം തടവ് ശിക്ഷ വിധിക്കും. ജുവനൈല് ഡിറ്റന്ഷന് സെന്ററിലായിരിക്കും ശിക്ഷ അനുഭവിക്കേണ്ടി വരികയെന്നും സൗദിയുടെ മനുഷ്യാവകാശ കമ്മീഷന് അധ്യക്ഷന് അവ്വദ് അലവ്വദ് അറിയിച്ചു.
ഒട്ടേറെ പരിഷ്കാരങ്ങള്
സമീപകാലത്ത് ഒട്ടേറെ പരിഷ്കാരങ്ങളാണ് സൗദി അറേബ്യന് ഭരണകൂടം നടപ്പാക്കിയത്. മിക്കതും അന്താരാഷ്ട്രതലത്തില് കൈയ്യടി നേടുകയും ചെയ്തു. കൊറോണ രോഗം വ്യാപിച്ച പശ്ചാത്തലത്തില് സല്മാന് രാജാവ് പ്രഖ്യാപിച്ച പരിഷ്ാകരങ്ങളും പ്രശംസ പിടിച്ചുപറ്റി. വിദേശികളെ നാട്ടിലെത്തിക്കുന്നതിനുള്ള സഹായവും എല്ലാവര്ക്കും സൗജന്യ ചികില്സയും രാജാവ് വാഗ്ദാനം ചെയ്തതില് ചിലതായിരുന്നു.
നൂറ്റാണ്ടുകള് പഴക്കമുള്ള ശിക്ഷ
സൗദി അറേബ്യയില് നൂറ്റാണ്ടുകള് പഴക്കമുള്ള ശിക്ഷാ രീതിയാണ് ചാട്ടവാറടി. ഈ ശിക്ഷാ രീതി ഒഴിവാക്കാനാണ് തീരുമാനം. ചാട്ടവാറടക്ക് പകരം മറ്റുചില ശിക്ഷകളാകും പ്രതികള്ക്ക് ലഭിക്കുക. സൗദി സുപ്രീംകോടതിയുടെ ജനറല് കമ്മീഷനാണ് സുപ്രധാന പരിഷ്കാരം നടപ്പാക്കുന്നത്. ഈ മാസം മുതല് തന്നെ പുതിയ പരിഷ്കാരം നടപ്പാക്കുമെന്നാണ് കരുതുന്നത്.
ജയില് ശിക്ഷയോ പിഴയോ
ചാട്ടവറടിക്ക് പകരമായി ജയില് ശിക്ഷയോ പിഴയോ ആണ് ഇനി വിധിക്കുക. അല്ലെങ്കില് ഇവ രണ്ടും വിധിക്കും. നേരത്തെ മയക്ക് മരുന്ന്, പീഡന കേസില് പിടിയിലായവര്ക്ക് സൗദിയില് ചാട്ടവാറടി ശിക്ഷയായി നല്കിയിരുന്നു. ഇതിനെതിരെ ചില പാശ്ചാത്യ മനുഷ്യവകാശ സംഘടനകള് രംഗത്തുവരികയും ചെയ്തു. തുടര്ന്നാണ് പരിഷ്കരണം നടപ്പാക്കിയതെന്നാണ് വിവരം.
-
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും
Click it and Unblock the Notifications
Sign in with Google