അള്ജീരിയന് വിമാനം കാണാതായി
അള്ജിയേഴ്സ്: അള്ജീരിയന് വിമാനം കാണാതായതായി വാര്ത്ത. ബുര്ക്കിന ഫാസോയില് നിന്ന് അള്ജിയേഴ്സിലേക്ക് പുറപ്പെട്ട എയര് അള്ജീരിയ വിമാനമാണ് കാണാതായത്.
റഡാറില് നിന്ന് വിമാനം അപ്രത്യക്ഷമായതായാണ് റിപ്പോര്ട്ട്. 110 യാത്രക്കാരും ആറ് ജീവനക്കാരും ആയിരുന്നു വിമാനത്തില് ഉണ്ടായിരുന്നത്. അള്ജീരിയയുടെ ഔദ്യോഗിക വാര്ത്താ ഏജന്സിയാണ് ഇക്കാര്യം അറിയിച്ചത്. കൂടുതല് വിവരങ്ങള് ലഭ്യമായിട്ടില്ല.
പടിഞ്ഞാറന് ആഫ്രിക്കയിലെ രാജ്യമാണ് ബുര്ക്കിന ഫാസോ. ഇവിടത്തെ ഔഗാഡൗഗു വിമാനത്താവളത്തില്ന്ന് പുറപ്പെട്ട വിമാനവുമായി ഇപ്പോള് ബന്ധപ്പെടാനാകുന്നില്ലെന്നാണ് വിവരം. പുറപ്പെട്ട് 50 മിനിട്ടുകള്ക്ക് ശേഷമാണ് വിമാനം അപ്രത്യക്ഷമായത്.
എയര് അള്ജീരിയയുടെ എഎച്ച് 5017 എന്ന വിമാനമാണ് കാണാതായത്. ബോയിങ് 737-200 വിഭാഗത്തില് പെട്ടതാണിത്. പ്രാദേശിക സമയം ഉച്ചകഴിഞ്ഞ് 1.55 ഓടെയാണ് വിമാനവുമായുള്ള ബന്ധം നഷ്ട്പെട്ടതെന്ന് അധികൃതര് അറിയിച്ചു.