ഹെലികോപ്റ്ററും ചെറുവിമാനവും ആകാശത്ത് കൂട്ടിയിച്ചു, നാല് മരണം... സംഭവം ഇംഗ്ലണ്ടില്
ഇംഗ്ലണ്ടിലെ ബക്കിങ്ഹാംഷെയറിലാണ് സംഭവം
ലണ്ടന്: ഇംഗ്ലണ്ടിലെ ബക്കിങ്ഹാംഷെയറില് രണ്ടു പേര്ക്കു സഞ്ചരിക്കാവുന്ന ചെറു വിമാനവും ഹെലികോപ്റ്ററും തമ്മില് ആകാശത്ത് വച്ച് കൂട്ടിയിടിച്ച് അപടകടം. നാലു പേര് അപടത്തില് മരിച്ചുവെന്നാണ് റിപ്പോര്ട്ടുകള്. അപകടത്തിന്റെ യഥാര്ഥ കാരണമെന്താണെന്ന് വ്യക്തമായിട്ടില്ലെന്നും അന്വേഷണം തുടരുകയാണെന്നും പോലീസ് അറിയിച്ചു. രണ്ടു വിമാനങ്ങളിലുമുള്ള രണ്ടു പേര് വീതമാണ് അപകടത്തില് കൊല്ലപ്പെട്ടത്. ഇവരെ തിരിച്ചറിഞ്ഞിട്ടില്ലെന്നാണ് വിവരം.
വനപ്രദേശത്താണ് ചെറുവിമാനവും ഹെലികോപ്റ്ററും തമ്മില് കൂട്ടിയിടിച്ച് കത്തിയമര്ന്നത്. അലെസ്ബറിയില് നിന്നും ആറു മൈലുകള് അകലെയുള്ള വാഡസണ് ഗ്രാമത്തിന് അടുത്തു വച്ചാണ് അപകടമുണ്ടായത്. വെള്ളിയാഴ്ച ഉച്ചയോടെയായിരുന്നു അപകടം. വിമാനം പല ഭാഗങ്ങളായി വനത്തില് വീഴുന്നത് നാട്ടുകാര് കണ്ടതോടെയാണ് അപകടവിവരം ഏവരും അറിഞ്ഞത്. ഉടന് തന്നെ അഗ്നിശമനാ വിഭാഗവും മെഡിക്കല് സംഘവുമെല്ലാം സംഭവസ്ഥലത്ത് എത്തി രക്ഷാ പ്രവര്ത്തനങ്ങള് നടത്തുകയും ചെയ്തു. പരിക്കേറ്റവര് സംഭവസ്ഥലത്തു വച്ചു തന്നെ മരിച്ചിരുന്നതായാണ് റിപ്പോര്ട്ടുകള്.