മുഹൂര്‍ത്ത സമയത്ത് വധുവിനെ കാണാനില്ല, വധു എത്തിയപ്പോള്‍ വരനില്ല, ആലപ്പുഴയിലെ 'മാജിക് കല്യാണം'

Published: Thursday, February 4, 2016, 11:54 [IST]

ആലപ്പുഴ: മുഹൂര്‍ത്ത സമയത്ത് വധുവിനെ കാണാനില്ല. എന്ത് ചെയ്യും? വധു എങ്ങോട്ട് പോയി? മിനിമം ഒരു ഒളിച്ചോട്ടമെങ്കിലും നിങ്ങള്‍ പ്രതീക്ഷിയ്ക്കുന്നുണ്ടാവും. എന്നാല്‍ ആദ്യമേ പറയട്ടേ...ഇതുവളരെ പോസിറ്റീവായ ഒരു വാര്‍ത്തയാണ്. ആലപ്പുഴയില്‍ നടന്ന ഒരു കല്യാണമാണ് സിനിമയെ പോലും വെല്ലുന്ന തരത്തില്‍ അതിഥികളുടെ മനം കവര്‍ന്നത്.

മൂഹൂര്‍ത്ത സമയത്ത് വരനും വധുവും എത്തുന്നത് കാത്ത് ബന്ധുക്കളും സുഹൃത്തുക്കളും മറ്റ് അതിഥികളും സദസില്‍ ഇരിയ്ക്കുന്നു. അപ്പോള്‍ വധുവിനെ കാണാനില്ല. കാണികളെ ഞെട്ടിച്ച് വധു എത്തിയപ്പോഴോ വരനെ കാണാനില്ല. താമരയില്‍ നിന്നും വരന്‍ എത്തിയതോടെ കല്യാണം.

ഇതെന്തൊരു കല്യാണം എന്ന് ചോദിയ്ക്കരുത്. മാജിക്കുകാരിയായ ആലപ്പുഴ മുതുകുളം സ്വദേശി അമ്മുവിന്റെ വിവാഹം ഇങ്ങനെ ആയില്ലെങ്കിലേ അത്ഭുതപ്പെടാനുള്ളൂ. അപ്പോള്‍ പിന്നെ വിവാഹ വിശേഷങ്ങള്‍ അറിഞ്ഞാലോ?

അമ്മുവിന്റെ കല്യാണമാണ്

ഏഴാം വയസില്‍ ഫയര്‍ എസ്‌കേപ്പ് അവതരിപ്പിച്ച മിടുക്കിയെ മുതുകുളംകാര്‍ മറക്കാനിടയില്ല. വിവാഹത്തിനും അമ്മു മാജിക്ക് കാട്ടുമെന്ന് അവരൊട്ട് പ്രതീക്ഷിച്ചതുമില്ല.