Click it and Unblock the Notifications
Just In
Don't Miss
-
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ഭാര്യയെ ലേബര്‍ റൂമില്‍ കയറ്റിയാല്‍ ഓസ്‌ട്രേലിയന്‍ ഓപ്പണില്‍ നിന്നും പിന്മാറുമെന്ന് ആന്റി മുറെ
ലണ്ടന്‍: ജനുവരിയില്‍ നടക്കുന്ന ഓസ്‌ട്രേലിയന്‍ ഓപ്പണ്‍ ടെന്നീസ് ടൂര്‍ണമെന്റില്‍ നിന്നും പിന്മാറിയേക്കുമെന്ന് ലോക രണ്ടാം നമ്പര്‍ ടെന്നീസ് താരം ആന്‍ഡി മുറെ സൂചന നല്‍കി. ഭാര്യയെ ആദ്യ പ്രസവത്തിനായി ലേബര്‍ റൂമില്‍ കയറ്റുകയാണെങ്കില്‍ കളിയുടെ ഏതു ഘട്ടത്തിലും പിന്മാറിയേക്കുമെന്നാണ് താരം പറയുന്നത്. ഫൈനലിലെത്തിയാല്‍ പോലും ഇതില്‍ മാറ്റമുണ്ടാകില്ലെന്ന് മുറെ പറഞ്ഞു.
ഓസ്‌ട്രേലിയന്‍ ഓപ്പണില്‍ നാലു തവണ ഫൈനലിലെത്തിയ താരമാണ് മുറെ. ജനുവരിയിലാണ് ഭാര്യ കിം പ്രസവത്തിനായി ആശുപത്രിയില്‍ പ്രവേശിക്കുന്നത്. മത്സരത്തിനിടയിലെങ്ങാനും ഭാര്യയ്ക്ക് പ്രസവ വേദന തുടങ്ങിയാല്‍ തനിക്ക് കളിക്കാന്‍ കഴിയില്ലെന്നാണ് മുറെ പറയുന്നത്. ജനുവരി 31നാണ് ടൂര്‍ണമെന്റിന്റെ ഫൈനല്‍.
കുട്ടിയാണ് തനിക്ക് ഏറ്റവും വലുതെന്ന് മുറെ പറഞ്ഞു. ടെന്നീസിനെക്കാളും വലുതാണ് ഭാര്യയും. അതുകൊണ്ടുതന്നെ കളിയുടെ ഏത് ഘട്ടത്തിലെത്തിയാലും വീട്ടിലേക്ക് തിരിക്കാതിരിക്കാന്‍ തനിക്ക് കഴിയില്ല. ആദ്യത്തെ കുട്ടിയുടെ ജനനം എത്രമാത്രം പ്രതീക്ഷാ നിര്‍ഭരമാണെന്ന് ഏവര്‍ക്കും അറിയാം. ജനുവരി എല്ലാകൊണ്ടും തനിക്ക് പ്രിയപ്പെട്ടതാകുമെന്നാണ് കരുതുന്നെന്നും മുറെ പറഞ്ഞു.
അതേസമയം മത്സരത്തിനായുള്ള തയ്യാറെടുപ്പ് നടക്കുന്നുണ്ടെന്ന് മുറെ വ്യക്തമാക്കി. കളിയില്‍ ഏകാഗ്രത കൈവരിക്കാന്‍ കഴിയുമെന്നാണ് കരുതുന്നത്. തന്റെ നൂറുശതമാനം കളിക്കളത്തില്‍ പുറത്തെടുക്കും. കുട്ടി ജനിക്കുന്നതിനൊപ്പം 2016ലെ ആദ്യ ഗ്രാന്റ് സ്ലാം ജയിക്കുക കൂടി ചെയ്താല്‍ അത് ഇരട്ടിമധുരമുള്ളതാകുമെന്ന് മുറെ പറഞ്ഞു.
