കാമുകന് മരിച്ചത് എയ്ഡ്സ് ബാധിച്ച്; കാമുകിമാരുടെ കൂട്ട നിലവിളി
ബുക്കാറെസ്റ്റ്: നാല്പതോളം കാമുകിമാരുണ്ടായിരുന്ന ഒരു ചെറുപ്പക്കാരന് എയ്ഡ്സ് രോഗം ബാധിച്ചാണ് മരിച്ചതെന്നറിഞ്ഞാല് കാമുകിമാരുടെ അവസ്ഥ എന്തായിരിക്കും. ഇത്തരം ഒരു സംഭവം നടന്നത് റൊമാനിയയിലാണ്. കേവലം 24 വയസ് പ്രായം മാത്രമുള്ള ഡാനിയേല് ഡെക്യു തന്റെ അത്രയും കാലത്തെ ജീവിതത്തിനിടയില് തന്നെ നാല്പതോളം കാമുകിമാരെ സ്വന്തമാക്കിയിരുന്നു.
കാമുകിമാരുമായുള്ള കുത്തഴിഞ്ഞ ജീവിതം മൂലം ഡാനിയേലിന് എയ്ഡ്സ് രോഗം ബാധിക്കുകയും ചെയ്തു. എന്നാല് കഴിഞ്ഞദിവസം മരിക്കുവോളം ഡാനിയേലിന് എയ്ഡ്സ് രോഗമായിരുന്നു എന്ന കാര്യം കാമുകിമാര് ആരും അറിഞ്ഞിരുന്നില്ല. തങ്ങളുടെ പ്രിയപ്പെട്ട കാമുകന് മരിച്ചതറിഞ്ഞ് അന്ത്യാഞ്ജലി അര്പ്പിക്കാനെത്തിയപ്പോഴാണ് കാമുകിമാര് മരണ കാരണം അറിഞ്ഞത്.
പിന്നീടവിടെ ഒരു കൂട്ടക്കരച്ചിലാണ് നടന്നത്. ഇതുവരെയും തങ്ങളുമായി അടുപ്പമുണ്ടായിരുന്ന ഡാനിയേലിന് എയ്ഡ്സ് രോഗമായിരുന്നു എന്നറിഞ്ഞതോടെ കാമുകിമാരുടെ പകുതി ജീവനും നഷ്ടപ്പെട്ടു കഴിഞ്ഞിരുന്നു. ചെറുപ്പക്കാരന്റെ വീട്ടില് നിന്നും മുങ്ങിയ എല്ലാ കാമുകിമാരും എയ്ഡ്സ് പരിശോധനയ്ക്ക് വിധേയരാവുകയും ചെയ്തു.
രണ്ടു കാമുകിമാര്ക്ക് രോഗം സ്ഥിതീകരിച്ചതായാണ് വിവരം. മറ്റുള്ളവര് മാരക രോഗത്തില് നിന്നും ഭാഗ്യവശാല് രക്ഷപ്പെടുകയും ചെയ്തു. ഡാനിയേലിന്റെ കുടുംബ ഡോക്ടര് നേരത്തെ തന്നെ യുവാവിന് എയ്ഡ്സ് രോഗം ഉള്ള കാര്യം കണ്ടെത്തിയിരുന്നു. എന്നാല് ഡാനിയേലിന്റെ മാതാവിന്റെ ഭീഷണിയെ തുടര്ന്ന് സംഗതി രഹസ്യമാക്കി വെയ്ക്കുകയായിരുന്നു.