ഒരു പിസ നല്‍കിയതിന് ടിപ്പായി ലഭിച്ചത് ബംബര്‍ ലോട്ടറി

വാഷിങ്ടണ്‍: ഒരു പിസ നല്‍കിയതിന് ലഭിച്ചത് ബംബര്‍ ലോട്ടറിയാണ്. അതൊരു സ്‌പെഷ്യല്‍ ഡെലിവറി ആയിരുന്നു. ഒരു റിയല്‍ എസ്റ്റേറ്റ് ഗ്രൂപ്പ് മീറ്റിങ്ങിനു ഇടയില്‍ ആണ് അത് സംഭവിച്ചത്. ഒരു പിസ എത്തിച്ചു കൊടുത്ത ഹോട്ടല്‍ ജീവനക്കാരന്‍ പിന്നീട് ഒന്നു ഞെട്ടി. ഒരു പിസയ്ക്ക് 2084 അമേരിക്കന്‍ ഡോളര്‍ ടിപ്പായി ലഭിച്ചാല്‍ ഞെട്ടാതിരിക്കോ. യുഎസിലെ മിഷിഗണ്‍ സിറ്റിയിലാണ് സംഭവം നടന്നത്.

കമ്പനിയുടെ പ്രാദേശിക കോണ്‍ഫറന്‍സിലാണ് കിടിലന്‍ പിസ എത്തുന്നത്. ഭക്ഷണം ഇഷ്ടപ്പെട്ടാല്‍ ആളുകള്‍ അവരുടെ അഭിനന്ദനം എന്ന നിലയില്‍ സാധാരണ ടിപ്പുകള്‍ നല്‍കാറുണ്ട്. എന്നാല്‍ ടിപ്പിന്റെ കൂടെ മറ്റു സമ്മാനങ്ങള്‍ വെക്കുന്നത് ഇതാദ്യമാണ്.

ഇവിടെ സംഭവിച്ചതും അങ്ങനെയൊരു അത്ഭുതമാണ്. ജീവനക്കാരനു കിട്ടിയത് പൈസ മാത്രമല്ല. പണത്തിനു പകരം ഒരു വിസ ഗിഫ്റ്റ് കാര്‍ഡും ലോട്ടറി ടിക്കറ്റും അതിന്റെ കൂടെ അഭിനന്ദനം അറിയിച്ചുള്ള ഒരു കത്തുമാണ്. മീറ്റിങ്ങില്‍ പങ്കെടുത്ത റിയല്‍ എസ്റ്റേറ്റ് ഉദ്യോഗസ്ഥര്‍ നല്‍കിയതാണിത്. ലോട്ടറി അടിച്ചു എന്നു പറഞ്ഞാല്‍ മതിയല്ലോ.

പിസ ഏറെ ഇഷ്ടപ്പെട്ടു എന്നാണ് കത്തില്‍ ഉണ്ടായിരുന്നത്. പിസ ഷോപ്പിലെ മാനേജര്‍ ബ്രെയിന്‍ ലിഫെര്‍ പറയുന്നത് പിസ ഡെലിവര്‍ ചെയ്ത ജീവനക്കാരന്‍ ഭാഗ്യവാനാണ്, ഇപ്പോഴും പുള്ളിക്കാരന്‍ ആകെ ഞെട്ടിയിരിക്കുകയാണ്. നല്ലൊരു പിസ ദിവസമായിരുന്നു അതെന്നും അദ്ദേഹം പറയുന്നു.

English summary

Ann Arbor Pizza guy delivers pizza, gets tip 2084 dollar