Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഹിജാബ് ധരിച്ചില്ല; 29 വനിതാ പ്രതിഷേധകരെ ഇറാന്‍ അറസ്റ്റ് ചെയ്തു
തെഹ്‌റാന്‍: ഹിജാബ് ധരിക്കാതെ പ്രതിഷേധ പ്രകടനം നടത്തിയതിന് 29 വനിതകളെ ഇറാന്‍ പോലിസ് അറസ്റ്റ് ചെയ്തു. പൊതു സുരക്ഷ തകരാറിലാക്കിയെന്ന് കാണിച്ചാണ് ഇവരെ അറസ്റ്റ് ചെയ്തതെന്ന് തസ്‌നീം വാര്‍ത്താ ഏജന്‍സി റിപ്പോര്‍ട്ട് ചെയ്തു.
ഇറാന്‍ പരമോന്നത നേതാവ് ആയത്തുല്ല ഖുമൈനിയുടെ നേതൃത്വത്തില്‍ ഇസ്ലാമിക വിപ്ലവം നടന്ന 1979 മുതല്‍ ഹിജാബ് ധരിക്കണമെന്ന നിയമം ഇറാനില്‍ നിലവിലുണ്ട്. അതിനെതിരേ രാജ്യത്ത് പ്രതിഷേധം ശക്തമാണെങ്കിലും ഇത്രയും പേരെ ഒന്നിച്ച് അറസ്റ്റ് ചെയ്ത നടപടി ഇതാദ്യമാണെന്നാണ് വിലയിരുത്തപ്പെടുന്നത്. അറസ്റ്റിനെതിരേ രാജ്യത്ത് പ്രതിഷേധം ശക്തമായിരിക്കുകയാണ്.
അടുത്തകാലത്തായി ഹിജാബ് ധരിക്കല്‍ നിര്‍ബന്ധമാക്കിയ നിയമത്തിനെതിരേ ഇറാനില്‍ എതിര്‍പ്പ് ശക്തമായിട്ടുണ്ട്. ഹിജാബ് ധരിക്കാതെ പ്രതിഷേധിക്കുന്നവരുടെ എണ്ണം ദിനംപ്രതി വര്‍ധിക്കുന്നതായാണ് റിപ്പോര്‍ട്ടുകള്‍. തലമറക്കാതെ പുറത്തിറങ്ങിയാല്‍ തടവോ പിഴയോ ആണ് ശിക്ഷ. രാജ്യത്തിലെ ജനസംഖ്യയില്‍ പകുതിപേരും ഹിജാബിനെതിരാണെന്ന കാര്യം എല്ലാവര്‍ക്കും അറിയാവുന്നതാണെന്ന് ഇറാനിയന്‍-അമേരിക്കന്‍ അനലിസ്റ്റ് ഹോളി ഡാഗ്രെസ് പറഞ്ഞു. എന്നാല്‍ രഹസ്യപ്പോലീസിന്റെ സാന്നിധ്യം കാരണം പലരും നിയമം പാലിക്കുന്നതെന്നും അവര്‍ പറഞ്ഞു. അടുത്തകാലത്തായി തിരക്കേറിയ പൊതു സ്ഥലങ്ങളില്‍ തലമറക്കാതെ പ്രതിഷേധിക്കുന്നവരുടെ എണ്ണം കൂടിവരികയാണ്. ഇത് വലിയ മുന്നേറ്റമായി വളരാന്‍ അധികം സമയം വേണ്ടിവരില്ലെന്നും അവര്‍ അഭിപ്രായപ്പെട്ടു.
അതേസമയം, ഹിജാബിനെതിരായ സമരം അനാവശ്യമാണെന്നും വിദേശ കരങ്ങളാണ് പ്രതിഷേധങ്ങള്‍ക്കു പിന്നിലെന്നും ഇറാന്‍ ചീഫ് പ്രൊസിക്യൂട്ടര്‍ മുഹമ്മദ് ജാഫര്‍ മുന്‍തസരി പറഞ്ഞു.
