മൊണാലിസയെക്കുറിച്ച് അറിഞ്ഞതൊക്കെ തെറ്റ്!! രഹസ്യങ്ങള്‍ പുറത്തുവരുന്നു

ഹോങ്കോങ്: വിഖ്യാത ചിത്രകാരന്‍ ലിയാനാര്‍ഡോ ഡാവിഞ്ചിയുടെ പ്രശസ്തമായ ചിത്രം മൊണാലിസയെക്കുറിച്ച് അറിഞ്ഞതൊക്കെ തെറ്റാണെന്നാണ് സൂചന. മൊണാലിസയുടെ ചിരിക്കു പിന്നില്‍ ഒരുപാട് രഹസ്യങ്ങള്‍ മറഞ്ഞിരിക്കുന്നതായാണ് പറയുന്നത്. ആരായിരുന്നു ഈ സുന്ദരി എന്ന ചോദ്യത്തിനും ഇന്നും ശരിയായ ഉത്തരം ലഭിച്ചിട്ടില്ല. എന്നാല്‍, സത്യങ്ങളുടെ ചുരുളഴിയാന്‍ പോകുകയാണെന്നാണ് ഇറ്റലിയിലെ ഗവേഷകര്‍ പറയുന്നത്.

ആരാണ് മൊണാലിസ എന്ന സത്യം അറിയാന്‍ ഇനി കുറച്ചുനാള്‍ കാത്തിരുന്നാല്‍ മതിയത്രേ. ഡാവിഞ്ചി മരിച്ചിട്ട് 500 വര്‍ഷം പിന്നിടുമ്പോള്‍ എന്തു സത്യം പുറത്തുവരാനാണ് എന്ന ജനങ്ങളുടെ ചോദ്യത്തിന് വ്യക്തമായ ഉത്തരം ഗവേഷകര്‍ക്ക് നല്‍കാന്‍ കഴിയുമത്രേ.

നാല് വര്‍ഷത്തെ ഗവേഷണത്തിനൊടുവിലാണ് ഇവര്‍ ആ സത്യം കണ്ടെത്തിയിരിക്കുന്നത്. ഫ്രാന്‍സിസ്‌കോ ഡെല്‍ ഗിയോ കോണ്ടോ എന്നയാളുടെ ഭാര്യയായിരുന്നു മൊണാലിസ എന്നാണ് ഇപ്പോള്‍ പറയുന്നത്. ലിസ എന്നാണ് ഇവരുടെ ശരിയായ പേര്. ഈ വസ്തുത ശരിയാണോ എന്നു പരിശോധിക്കുകയാണ് ഗവേഷകര്‍. അതിനായി മരിച്ചുപോയ ലിസയുടെ അസ്ഥികൂടം ഗവേഷകര്‍ പരിശോധിച്ചുവരികയാണ്.

63ാംമത്തെ വയസിലാണ് ലിസ മരിക്കുന്നത്. വര്‍ഷങ്ങള്‍ പഴക്കമുള്ള അസ്ഥികള്‍ ശേഖരിച്ചാണ് പരിശോധന നടക്കുന്നത്. ഗവേഷകസംഘം ഇതു മൊണാലിസ തന്നെയാണെന്ന് ഉറപ്പിച്ചു പറയുന്നുണ്ട്. ചിത്രത്തിലെ മൊണാലിസ ഗര്‍ഭിണിയാണെന്നു പറയുന്നുണ്ട്. കൈകള്‍ വയറിനോടു ചേര്‍ത്ത് കെട്ടിയിരിക്കുന്ന മൊണാലിസയുടെ ചിത്രത്തില്‍ പല രഹസ്യങ്ങളും ഒളിഞ്ഞിരിക്കുന്നുണ്ടത്രേ.

എന്നാല്‍,മൊണാലിസ ഒരു പുരുഷനായിരുന്നുവെന്നും പറയപ്പെടുന്നു. മൊണാലിസ ഒരു ചൈനക്കാരിയാണെന്നും ഡാവിഞ്ചിയുടെ അമ്മയാണെന്നുമുള്ള വാദങ്ങള്‍ ഉണ്ടായിരുന്നു. എല്ലാവരും ധരിച്ചുവച്ചിരിക്കുന്നതിനു അപ്പുറം രഹസ്യങ്ങള്‍ ഈ ചിരിക്കു പിന്നില്‍ ഉണ്ടെന്നാണ് കണ്ടെത്തല്‍.

English summary

truth behind mona lisa to be revealed