Click it and Unblock the Notifications
Just In
Don't Miss
-
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇസ്രയേല്‍ മുന്‍പ്രധാനമന്ത്രി ഷാറോണ്‍ അന്തരിച്ചു
ജറുസലേം: ഇസ്രയേല്‍ മുന്‍ പ്രധാനമന്ത്രി ഏരിയല്‍ ഷാറോണ്‍ അന്തരിച്ചു. 85 വയസ്സായിരുന്നു. എട്ട് വര്‍ഷമായി പക്ഷാഘാതത്തെ തുടര്‍ന്ന് അബോധാവസ്ഥായില്‍ കഴിയുകയായിരുന്ന ഷാറോണ്‍ ടെല്‍ അവീവിലെ ഷേബ മെഡിക്കല്‍ കോളേജിലില്‍ വച്ചാണ് അന്തരിച്ചത്. ഒരാഴ്ചയായി അതീവ ഗുരുതരാവസ്ഥയിലായിരുന്നു. പാര്‍ലമെന്ററി മന്ദിരത്തില്‍ പൊതുദര്‍ശനത്തിന് വച്ചിരിക്കുന്ന ഭൗതിക ശരീരം നെഗേവില്‍ പൂര്‍ണ ഔദ്യോഗിക ബഹുമതികളോട് സംസ്‌കരിക്കും.
ബ്രിട്ടീഷ് ഭരണത്തിന് കീഴിലായിരുന്ന പാലസ്തീനിലെ ക്രഫ് മലാലില്‍ 1928ലാണ് ഏരിയല്‍ ഷാറോണ്‍ ജനിച്ചത്. 1948-49 ലെ അറബ് ഇസ്രയേല്‍ യുദ്ധത്തില്‍ പോരാടിയ ജൂത ഗ്രൂപ്പുകളില്‍ ഷാറോണിന്റെ ഹഗാന എന്ന തീവ്രവാദ ഗ്രൂപ്പുമുണ്ടായിരുന്നു. ഹഗാന പിന്നീട് ഇസ്രയേലിയന്‍ സേനയുടെ ഭാഗമായപ്പോള്‍ ഷാറോണ്‍ സൈന്യത്തിന്റെ ഓഫീസറായി. ധീരതയുടെ പേരില്‍ മിസ്റ്റര്‍ സെക്യൂരിറ്റി എന്നാണ് ഇസ്രേലിയില്‍ ഷാരോണ്‍ അറിയപ്പെട്ടിരുന്നത്. അതേസമയം അറബ് നാടുകള്‍ക്ക് ഷാരോണ്‍ സാബ്രയിലെയും ഷതീലയിലെയും കശാപ്പുകാരനായിരുന്നു.
1982ല്‍ ഇരുപതിനായരത്തോളം പേരുടെ മരണത്തിനിടയാക്കിയ ലെബനോണ്‍ അധിനിവേശകാലത്ത് പ്രധിരോധമന്ത്രിയായി അധികാരമേറ്റു. ബെയ്‌റൂട്ടിലെ സാബ്രയിലയിലെയും ഷതീലയിലെയും അഭയാര്‍ത്ഥി ക്യാമ്പുകളില്‍ 3,500 പാലസ്തീന്‍കാര്‍ കൊല്ലപ്പെട്ടതിന് ഉത്തരവാദി ഷാറോണാണെന്ന് അറബ് നാടുകള്‍ ആരോപിക്കുന്നു. ബെയ്‌റൂട്ട് കൂട്ടക്കൊല പരോക്ഷമായ ഉത്തരവാദിത്തമാണെന്ന് കാഹന്‍ കമ്മീഷന്‍ നടത്തിയ അന്വേഷണത്തില്‍ കണ്ടെത്തിയതിനെ തുടര്‍ന്ന് 1983ല്‍ പ്രതിരോധമന്ത്രിസ്ഥാനം രാജിവച്ചു.
1984ല്‍ വാണിജ്യവ്യവസായ മന്ത്രിയായ ഷാറോണ്‍ 1992-96 കാലമൊഴികെ എന്നും മന്ത്രിസഭയിലുണ്ടായിരുന്നു. പ്രതിരോധമന്ത്രിസ്ഥാനം രാജിവച്ചതിന് ശേഷം പതിനെട്ട് വര്‍ഷം കഴിഞ്ഞ് പ്രധാനമന്ത്രിയായി അധികാരമേറ്റ അദ്ദേഹം 2006ല്‍ പക്ഷാഘാതം തളര്‍ത്തുന്നതുവരെ ആ പദവിയില്‍ തുടര്‍ന്നു. രാജ്യത്തിന്റെ സുരക്ഷയ്ക്കും സമാധാനത്തിനും വേണ്ടി നിലകൊണ്ട ഷാറോണ്‍ 2005ല്‍ ഇസ്രേല്‍ ഗാസയില്‍ നിന്ന് പിന്മാറാന്‍ തീരുമാനിച്ചത് ഇസ്രയേലിലെങ്ങും വിമര്‍ശനം ഉയര്‍ത്തിയിരുന്നു.
