ക്യാപിറ്റോൾ അക്രമം: വെടിയേറ്റ് മരിച്ചത് മുൻ വ്യോമസേനാ ഉദ്യോഗസ്ഥ; ആ ട്വീറ്റ് നിർണ്ണായകം!!
വാഷിംഗ്ടൺ: അമേരിക്കയിൽ ക്യാപിറ്റൽ കെട്ടിടത്തിൽ കൊല്ലപ്പെട്ട പ്രസിഡന്റ് ട്രംപ് അനുഭാവി മുൻ വ്യോമസേന ഉദ്യോഗസ്ഥയെന്ന് കണ്ടെത്തൽ. കാലിഫോർണിയയിൽ നിന്നുള്ള ഒരു വ്യോമസേനാ ഉദ്യോഗസ്ഥയാണെന്നാണ് മാധ്യമറിപ്പോർട്ടുകൾ പറയുന്നത്. ഞങ്ങളെ തടയില്ല" എന്നും "കൊടുങ്കാറ്റ് ഇവിടെയുണ്ട്" എന്നും അഷ്ലി ബാബിറ്റ് ട്വീറ്റ് ചെയ്തിരുന്നു. ഇതിന് പിന്നാലെയാണ് ബുധനാഴ്ച യുണ്ടായ സംഘർഷത്തിനിടെ കൊല്ലപ്പെടുന്നത്. 14 വർഷം വ്യോമസേനയ്ക്ക് വേണ്ടി സേവനമനുഷ്ഠിക്കുകയും നാല് ഡ്യൂട്ടി ടൂറുകൾ നടത്തുകയും ചെയ്ത അഷ്ലി ബാബിറ്റ് വിവാഹിതയും സാൻ ഡീഗോയ്ക്ക് സമീപത്താണ് താമസിക്കുന്നതെന്ന് ഭർത്താവ് ആരോണിനെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്യുന്നു.
"ഞാൻ മരവിച്ചുപോയി ഞാൻ ആകെ തകർന്നുപോയി. ഡിസിയിൽ നിന്നുള്ള ആരും എന്റെ മകനെ ഇക്കാര്യം അറിയിച്ചില്ല, ഞങ്ങൾ ടിവിയിൽ നിന്നാണ് ബാബിറ്റ് മരിച്ചതായി അറിഞ്ഞതെന്നാണ് ഭർതൃ മാതാവ് റോബിൻ ബാബിറ്റിന്റെ പ്രതികരണം. ബാബിറ്റ് ട്രംപ് അനുകൂലിയാണെന്നും അവർ വ്യക്തമാക്കി.
ട്വിറ്ററിൽ കോമൺ ആഷ്സെൻസ് ഉപയോഗിച്ച ബാബിറ്റ് ബുധനാഴ്ച രാവിലെ റീട്വീറ്റ് ചെയ്തിരുന്നു. ബാബിറ്റും മറ്റ് ട്രംപ് അനുഭാവികളും ക്യാപിറ്റലിനെ ആക്രമിക്കുന്നതിനേക്കാൾ കുറച്ച് മണിക്കൂർ മുമ്പാണ് ട്വീറ്റ് പുറത്തുവരുന്നത്. "ഇന്ന് കോൺഗ്രസ് യോഗം ചേരുന്നതിന് മുമ്പ് ഒരു ലിസ്റ്റ് തയ്യാറാക്കണമെന്നും അവർ ട്വീറ്റിൽ പറഞ്ഞിരുന്നു. അതിൽ, "മൈക്ക് പെൻസ് രാജിവയ്ക്കുകയും അതിനുശേഷം ട്രെസണിനെതിരെ കുറ്റം ചുമത്തുകയും വേണം. ചീഫ് ജസ്റ്റിസ് ജോൺ റോബർട്ട്സ് പുനർവിചാരണ നടത്തുകയും വേണം.
2020 ലെ പ്രസിഡന്റ് തിരഞ്ഞെടുപ്പിൽ വിജയിച്ച ജോ ബിഡനെ വരാനിരിക്കുന്ന യുഎസ് കോൺഗ്രസ് യോഗത്തിൽ വെച്ച് പ്രസിഡന്റായി പ്രഖ്യാപിക്കാനിരിക്കെ ഇതിനെതിരെ പ്രതിഷേധവുമായി തെരുവിലിറങ്ങിയതായിരുന്നു കലാപകാരികൾ. ഇതിനിടെയുണ്ടായ വെടിവെയ്പിൽ നാല് പേരാണ് കൊല്ലപ്പെട്ടിട്ടുള്ളത്. കാപ്പിറ്റോളിനുള്ളിലെ അക്രമസംഭവങ്ങൾക്കിടെ ബാബിറ്റിന്റെ നെഞ്ചിലേക്ക് മാരകമായ ബുള്ളറ്റ് തറയ്ക്കുകയായിരുന്നു. ദൃശ്യങ്ങളിലും വെടിവയ്പ്പിന്റെ ശബ്ദം പകർത്തിയിട്ടുണ്ട്. സ്ത്രീ തറയിലേക്ക് വീഴുന്നത് കാണിക്കുകയും ചെയ്തു. കാപ്പിറ്റൽ പോലീസാണ് ഇവരെ വെടിവച്ചതെന്നാണ് നിയമപാലകർ പറയുന്നത്.
Click it and Unblock the Notifications
Sign in with Google