കുവൈത്തില്‍ പ്രവാസികളുടെ വില്ലയില്‍ തീപ്പിടിത്തം... 9 മരണം

കുവൈത്ത് സിറ്റി: കുവൈത്തിലെ വില്ലയിലുണ്ടായ തീപ്പിടിത്തത്തില്‍ ഒമ്പത് പേര്‍ മരിച്ചു. കുവൈത്ത് സിറ്റിയില്‍ നിന്ന് 15 കിലോമീറ്റര്‍ അകലെയുള്ള ഫര്‍വാനിയയിലാണ് അപകടം.

ഏഷ്യക്കാര്‍ താമസിയ്ക്കുന്ന സ്ഥലമാണിത്. മരിച്ചവരില്‍ കുട്ടികളും ഉണ്ടെന്നാണ് വിവരം. 23 പേര്‍ക്ക് പരിക്കേറ്റിട്ടുണ്ട്. പരിക്കേറ്റ പലരുടേയും നില ഗുരതരമാണ്.

മരിച്ചവരില്‍ ഇന്ത്യക്കാരില്ലെന്നാണ് റിപ്പോര്‍ട്ട്. പാകിസ്താനികളാണ് മരിച്ചത്. ആറ് പേര്‍ സംഭവ സ്ഥലത്ത് വച്ചും മൂന്ന് പേര്‍ ആശുപത്രിയില്‍ വച്ചുമാണ് മരിച്ചത്. തീ അണയ്ക്കാനുള്ള ശ്രമത്തിനിടയില്‍ ഒരു അഗ്നിശമന സേന ജീവനക്കാരും പൊള്ളലേറ്റിട്ടുണ്ട്.

English summary

A fire which broke out at a villa housing expatriate workers in Kuwait on Thursday killed nine Asian residents including children and injured 23 .