പ്രമുഖ നടന് വെടിയേറ്റ് മരിച്ചു; വെടിയേറ്റത് സംഗീത വീഡിയോയുടെ ഷൂട്ടിങിനിടെ, ദുരൂഹത?
ഷൂട്ടിങിനിടെ പ്രമുഖ താരം വെടിയേറ്റ് മരിച്ചു. സംഗീത വീഡിയോയുടെ ഷൂട്ടിങിനിടെയാണ് സംഭവം. വെടിവയ്പ്പ് രംഗം ഷൂട്ട് ചെയ്യുന്നതിനിടെയാണ് വെടിയേറ്റത്.
കാന്ബറ: സംഗീത വീഡിയോയുടെ ഷൂട്ടിങിനിടെ പ്രമുഖ താരം വെടിയേറ്റ് മരിച്ചു. തിങ്കളാഴ്ചയാണ് സംഭവം. ഓസ്ട്രേലിയന് താരം ജൊഹാന് ഓഫ്നറാണ് വെടിയേറ്റ് മരിച്ചത്. ഹിപ് ഹോപ്പ് വീഡിയോയ്ക്ക് വോണ്ടിയുള്ള വെടിവയ്പ്പ് രംഗം ഷൂട്ട് ചെയ്യുന്നതിനിടെയാണ് താരത്തിന് വെടിയേറ്റത്. നെഞ്ചിലാണ് വെടിയേറ്റത്. സംഭവ സ്ഥലത്തു വച്ചു തന്നെ ജൊഹാന് മരിക്കുകയായിരുന്നു.
ഷൂട്ടിങില് നിരവധി ആയുധങ്ങള് ഉപയോഗിച്ചതായി പോലീസ് റിപ്പോര്ട്ട് ചെയ്യുന്നു. അതേസമം ജൊഹാന് എങ്ങനെ വെടിയേറ്റെന്ന കാര്യം വ്യക്തമല്ല. ഏത് തരം തോക്കില് നിന്നാണ് വെടിയേറ്റതെന്നും അറിയില്ല. സംഭവത്തില് അന്വേഷണം പുരോഗമിക്കുകയാണ്. ജൊഹാന്റെ മരണ വാര്ത്ത സ്ഥിരീകരിച്ച് മ്യൂസിക് ബാന്ഡും പ്രസ്താവന ഇറക്കി.
സിഡിനിയിലെ ബ്ലിസ് എന് ഇസൊ എന്ന ഗ്രൂപ്പിന്റെം മ്യൂസിക് വീഡിയോയിലാണ് അദ്ദേഹം പ്രവര്ത്തിച്ചിരുന്നത്. വാടകയ്ക്കെടുത്ത ഒരു ബാറില് വച്ചായിരുന്നു ഷൂട്ടിങ് നടന്നിരുന്നത്. നിരവധി വര്ഷമായി സ്റ്റണ്ട് മാനായി ജോലി ചെയ്ത് വരികയാണ് ജൊഹാന്. സംഭവത്തില് മറ്റാര്ക്കും പരുക്കേറ്റിട്ടില്ല.