വാടകഗര്‍ഭപാത്രത്തിലൂടെ ജനിച്ച കുഞ്ഞിനെ ഉപേക്ഷിച്ചു

കാന്‍ബെറ : ഇന്ത്യക്കാരിയില്‍ വാടകഗര്‍ഭപാത്രത്തിലൂടെ പിറന്ന ഇരട്ടക്കുട്ടികളില്‍ ഒന്നിനെ ഓസ്‌ട്രേലിയന്‍ ദമ്പതികള്‍ ഉപേക്ഷിച്ചു. ഓസ്‌ട്രേലിയന്‍ കുടുംബകോടതി ചീഫ് ജസ്റ്റിസായ ഡയാന ബ്രയാണ്ടിന്റേതാണ് ഈ വെളിപ്പെടുത്തല്‍.

രണ്ടുവര്‍ഷം മുമ്പാണ് സംഭവം നടന്നത്. ജനിച്ച കുട്ടികളില്‍ ഒന്ന് ആണ്‍കുഞ്ഞും മറ്റൊന്ന് പെണ്‍കുഞ്ഞുമായിരുന്നു. ഉപേക്ഷിച്ച കുട്ടിയുടെ ലിംഗത്തില്‍പ്പെട്ട കുഞ്ഞിനെ തങ്ങള്‍ക്ക് വേണ്ടെന്നായിരുന്നു ദമ്പതികളുടെ നിലപാട്. ദമ്പതികള്‍ക്ക് നേരത്തെ ആ ലിംഗത്തില്‍പ്പെട്ട മറ്റൊരു കുഞ്ഞ് ഉണ്ടായിരുന്നതിനാല്‍ ഒരു കുഞ്ഞിനെ മാത്രമെ ആവശ്യമുണ്ടായിരുന്നുളളൂ. ഇവര്‍ ഉപേക്ഷിച്ചത് ആരെയാണെന്ന കാര്യം വ്യക്തമായിട്ടില്ല.

ദമ്പതികളുടെ സുഹൃത്തായ മറ്റൊരു വ്യക്തിയാണ് ഒടുവില്‍ ഉപേക്ഷിക്കപ്പെട്ട കുഞ്ഞിനെ ഏറ്റെടുത്തത്. പക്ഷെ ഓസ്‌ട്രേലിയന്‍ എംബസി അധികൃതര്‍ക്ക് ഇക്കാര്യത്തില്‍ സംശയമുണ്ട്. രണ്ട് കുഞ്ഞുങ്ങളെയും സ്വീകരിക്കണമെന്നാവശ്യപ്പെട്ട് ന്യൂഡല്‍ഹിയിലെ ഓസ്‌ട്രേലിയന്‍ ഹൈ കമ്മീഷന്‍ ദമ്പതികള്‍ വിസ അനുവദിക്കുന്നത് നീട്ടിയിരുന്നു.

English summary

Australian Couple Abandoned Surrogate Indian Baby because of its gender.But they took home its twin sibling. It is believed that they only wanted one child as they already had one and wanted one of a different gender.