Click it and Unblock the Notifications
Just In
Don't Miss
-
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
വിദ്യാര്‍ഥികള്‍ത്ത് മുന്നില്‍ മുയലിനെ കൊന്ന അധ്യാപകനെതിരെ അന്വേഷണം
മെല്‍ബണ്‍: തന്റെ ക്ലാസിലെ വിദ്യാര്‍ഥികളുടെ കരച്ചില്‍ കാര്യമാക്കാതെ മുയലുകളെ കൊന്ന ബയോളജി അധ്യാപകനെതിരെ സ്‌കൂള്‍ തലത്തില്‍ അന്വേഷണം. ഓസ്‌ട്രേലിയയിലെ ഹോണിലുള്ള ജിംനേഷ്യം ഹോണ്‍ സ്‌കൂളിലെ അധ്യാപകനെതിരെ രക്ഷിതാക്കള്‍ നല്‍കിയ പരാതി പ്രകാരമാണ് അന്വേഷണം നടക്കുന്നതെന്ന് മാധ്യമങ്ങള്‍ റിപ്പോര്‍ട്ട് ചെയ്തു.
മുയലിന്റെ ശരീരഭാഗത്തെക്കുറിച്ച് വിവരിക്കുന്നതിനായിട്ടായിരുന്നു അധ്യാപകന്റെ ക്രൂരകൃത്യം. തന്റെ ക്ലാസിലേക്ക് ജീവനുള്ള ഒരു മുയലുമായിട്ടായിരുന്നു അധ്യാപകന്‍ കടന്നുവന്നത്. ജീവനോടെയുള്ള മുയലിനെക്കുറിച്ച് വിവരിക്കാനായിരിക്കുമെന്നാണ് വിദ്യാര്‍ഥികള്‍ കരുതിയിരുന്നത്. എന്നാല്‍ കൈയ്യിലുള്ള തോക്കുകൊണ്ട് അധ്യാകന്‍ അതിനെ കൊന്ന ശേഷമായിരുന്നു വിവരണം.
അതേദിവസം തന്നെ വേറൊരു ക്ലാസിലും അധ്യാപകന്‍ മറ്റൊരു മുയലിനെ കൊന്നു. വിദ്യാര്‍ഥികള്‍ കേണപേക്ഷിച്ചിട്ടും, മുയലിനെ വിലകൊടുത്തുവാങ്ങാന്‍ തയ്യാറായിട്ടും അധ്യാപകന്‍ തന്റെ കൃത്യത്തില്‍ നിന്നും പിന്മാറിയില്ലെന്നു പറയുന്നു. മാത്രമല്ല, അവയെ തനിക്ക് ഭക്ഷണമാക്കാനുള്ളതാണെന്ന് കാട്ടി അധ്യാപകന്‍ മുയലുകളെ വീട്ടിലേക്കും കൊണ്ടുപോവുകയും ചെയ്തു. മുയലിനെ കൊല്ലുന്നത് നേരിട്ടുകണ്ടതിന്റെ ആഘാതത്തില്‍ ചില കുട്ടികള്‍ രക്ഷിതാക്കളോട് വിവരം പറഞ്ഞതോടെയാണ് രക്ഷിതാക്കള്‍ പരാതിയുമായി സ്‌കൂളിലെത്തിയത്.
എന്നാല്‍, താന്‍ മുയലുകളെ കൊന്നത് വിദ്യാര്‍ഥികളുടെ മുന്നില്‍ വച്ചെല്ലെന്ന് അധ്യാപകന്‍ പറഞ്ഞു. കുട്ടികള്‍ക്ക് അവയെക്കുറിച്ച് വിവരിക്കാന്‍ വേണ്ടിയായിരുന്നു കൊലപ്പെടുത്തിയതെന്നും അധ്യാപകന്‍ വ്യക്തമാക്കി. അധ്യാപകന്‍ കുറ്റം ചെയ്തതായി ബോധ്യപ്പെട്ടാല്‍ കര്‍ശന നടപടിയെടുക്കുമെന്ന് സ്‌കൂള്‍ അധികൃതര്‍ അറിയിച്ചിട്ടുണ്ട്.
