അമ്മ കാറിനുള്ളില്‍ മറന്ന് വച്ച കുഞ്ഞ് മരിച്ചു

ബെയ്‌റൂത്ത്: കുഞ്ഞിനെ കാറില്‍ നിന്ന് പുറത്തെടുക്കാന്‍ അമ്മ മറന്നു. ഒരു വയസുകാരന്‍ മരിച്ചു. ലെബനാനിലാണ് സംഭവം നടക്കുന്നത്. അധ്യാപികയായ അമ്മ സ്‌കൂളിലേയ്ക്ക് പോകുന്നതിനാണ് മകനെയും ഒപ്പം കൂട്ടിയത്. നഴ്‌സറിയില്‍ കുഞ്ഞിനെ ഏല്‍പ്പിയ്ക്കുകയായിരുന്നു ഉദ്ദേശം. എന്നാല്‍ കുഞ്ഞിനെയെടുക്കാന്‍ മറന്നുപോയി.

എന്നും മകനൊപ്പമാണ് സ്ത്രീ സ്‌കൂളിലേയ്ക്ക് പോകുവക. സംഭവ ദിവസം കുഞ്ഞിനെയും കൂട്ടി സ്‌കൂളിലെത്തിയ യുവതി കുഞ്ഞിനെ കാറില്‍ നിന്ന് പുറത്തെടുക്കാന്‍ മറന്നു. ക്ളാസിലേയ്ക്ക് പോയ അവര്‍ മണിയ്ക്കൂറുകള്‍ കഴിഞ്ഞാണ് കുഞ്ഞിനെ എടുക്കാന്‍ മറന്ന കാര്യം ഓര്‍ത്തത്.

പുറത്തെത്തി കാര്‍ തുറന്ന് നോക്കുന്പോഴാണ് മരിച്ച നിലയില്‍ കുഞ്ഞിനെ കാണുന്നത്.ഇത് കണ്ട യുവതി ബോധംകെട്ട് വീഴുകയായിരുന്നു. അപസ്മാരരോഗിയാണ് യുവതി. ആശുപത്രിയില്‍ പ്രവേശിപ്പിച്ച സ്ത്രീ മാനസികമായി തകര്‍ന്നിരിയ്ക്കുകയാണെന്ന് പോലീസ് പറഞ്ഞു.

English summary

Baby forgotten in car dies in Lebanon