Click it and Unblock the Notifications
Just In
Don't Miss
-
ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ് -
35-ന് ശേഷവും യൗവ്വനവും തുടിപ്പും നിലനിര്ത്താം, എല്ലുകള് സ്ട്രോംങ് ആക്കാന് പാനീയങ്ങള് -
IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു -
ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ... -
അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല് -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബഹ്‌റൈനില്‍ വന്‍ പ്രഖ്യാപനം; എല്ലാവര്‍ക്കും സൗജന്യ കൊറോണ വാക്സിന് നല്‍കും
മനാമ: രാജ്യത്തെ എല്ലാവര്‍ക്കും സൗജന്യമായി കൊറോണവൈറസ് വാക്സിന് നല്‍കാന്‍ ബഹ്‌റൈന്‍ ഭരണകൂടം തീരുമാനിച്ചു. രാജ്യത്തെ 27 മെഡിക്കല്‍ കേന്ദ്രങ്ങള്‍ വഴിയാകും വാക്സിന് വിതരണം ചെയ്യുക. സ്വദേശികള്‍ക്ക് മാത്രമല്ല, വിദേശികള്‍ക്കും സൗജന്യ വാക്സിന് നല്‍കുമെന്ന ബഹ്‌റൈന്റെ തീരുമാനം ഏറെ ആശ്വാസകരമാണ്. നിരവധി വിദേശികള്‍ക്കും രോഗം ബാധിച്ച രാജ്യമാണ് ബഹ്‌റൈന്‍. കോഓര്‍ഡിനേഷന്‍ കമ്മിറ്റി യോഗത്തില്‍ കിരീടവകാശിയും പ്രധാനമന്ത്രിയുമായ സല്‍മാന്‍ ബിന്‍ ഹമദ് അല്‍ ഖലീഫയാണ് ഇക്കാര്യം പ്രഖ്യാപിച്ചത്.
Recommended Video
18 വയസിന് മുകളിലുള്ളവര്‍ക്കാണ് വാക്സിന് നല്‍കുക. ദിവസവും 5000 മുതല്‍ 10000 വരെ വാക്സിന് ആണ് ഭരണകൂടം ലക്ഷ്യമിടുന്നത്. രണ്ടു വര്‍ഷം മുമ്പുള്ള കണക്ക് പ്രകാരം 16 ലക്ഷത്തോളമാണ് ബഹ്‌റൈനിലെ ജനസംഖ്യ. 87000ത്തിലധികം പേര്‍ക്ക് രാജ്യത്ത് കൊറോണ ബാധിച്ചിരുന്നു. 341 മരണവും റിപ്പോര്‍ട്ട് ചെയ്തു. 85000ത്തിലധികം പേര്‍ രോഗമുക്തരായി.
ഫൈസര്‍ കമ്പനി തയ്യാറാക്കിയ കൊറോണ വാക്സിന് വാങ്ങുന്നതിന് ബഹ്‌റൈന്‍ നേരത്തെ തീരുമാനിച്ചിരുന്നു. ബ്രിട്ടന് പിന്നാലെയാണ് ബഹ്‌റൈനും ഫൈസര്‍ വാക്സിന് വാങ്ങാന്‍ തീരുമാനിച്ചത്. വിശദമായ അവലോകനങ്ങള്‍ക്ക് ശേഷമാണ് ബഹ്‌റൈന്റെ നാഷണല്‍ ഹെല്‍ത്ത് റെഗുറേറ്ററി അതോറിറ്റി ഇക്കാര്യത്തില്‍ തീരുമാനം എടുത്തത്. മൈനസ് 70 ഡിഗ്രി സെല്‍ഷ്യസ് താപനിലയിലാണ് വാക്സിന് സൂക്ഷികേണ്ടത്. വേനല്‍ കാലത്ത് 40 സെല്‍ഷ്യസ് ചൂടുള്ള രാജ്യമാണ് ബഹ്‌റൈന്‍. അതുകൊണ്ടുതന്നെ വാക്സിന് സംഭരണത്തിന് പ്രത്യേക സൗകര്യങ്ങള്‍ ഒരുക്കേണ്ടി വരും. മൂന്നാഴ്ചക്കിടെ രണ്ടു ഡോസ് വാക്‌സിനുകളാണ് നല്‍കേണ്ടത്.
സിനോഫാം ഒരുക്കിയ ചൈനീസ് വാക്സിന് ഉപയോഗിക്കുന്നതിനും ബഹ്‌റൈന്‍ അനുമതി നല്‍കിയിരുന്നു. ഫൈസര്‍ കൊറോണ വൈറസ് വാക്സിന് കഴിഞ്ഞ ബുധനാഴ്ചയാണ് ബ്രിട്ടീഷ് സര്‍ക്കാര്‍ അനുമതി നല്‍കിയത്. കൊറോണ വൈറസ് വാക്സിന് വിതരണത്തിന് അനുമതി നല്‍കുന്ന ആദ്യ രാജ്യം ബ്രിട്ടനാണ്. 95 ശതമാനം വരെ കൊറോണ രോഗം തടയാന്‍ ഈ വാക്സിന് സാധിക്കുമെന്ന് ബ്രിട്ടീഷ് ആരോഗ്യ വകുപ്പ് അറിയിച്ചു.
