കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കാമുകിയുടെ നഗ്നചിത്രങ്ങള്‍ ഫേസ്ബുക്കിലിട്ട് അർമാദിച്ചു..!! പ്രശസ്ത ക്രിക്കറ്റ് താരത്തിന് പണികിട്ടി.!

ബംഗ്ലാദേശ് ക്രിക്കറ്റിന് വീണ്ടും നാണക്കേട്. ദേശീയ താരം അറസ്റ്റില്‍.

  • By അനാമിക
Google Oneindia Malayalam News

ധാക്ക: കാമുകിയുടെ സ്വകാര്യചിത്രങ്ങള്‍ ഫേസ്ബുക്കിലൂടെ പ്രചരിപ്പിച്ച ക്രിക്കറ്റ് താരത്തിന് പണികിട്ടി. ബംഗ്ലാദേശ് ക്രിക്കറ്റ് താരം അറാഫത്ത് സണ്ണിയാണ് കുടുങ്ങിയിരിക്കുന്നത്.

കാമുകിയുടെ നഗ്നചിത്രങ്ങള്‍ ഉള്‍പ്പെടെ പ്രചരിപ്പിച്ചുവെന്ന് പരാതിയില്‍ സണ്ണിയെ പൊലീസ് അറസ്റ്റ് ചെയ്തു. കാമുകിയായ പെണ്‍കുട്ടി തന്നെയാണ് താരത്തിനെതിരെ പരാതി നല്‍കിയിരിക്കുന്നത്.

പരാതി കാമുകിയുടേത്

മുപ്പതുകാരനായ അറാഫത്ത് സണ്ണി ബംഗ്ലാദേശ് ടീമിലെ അറിയപ്പെടുന്ന ബൗളറാണ്. രണ്ടാഴ്ച മുന്‍പാണ് ദീര്‍ഘകാലമായി സണ്ണിയുടെ കാമുകിയായ പെണ്‍കുട്ടി പൊലീസില്‍ പരാതി നല്‍കിയത്.

പൊലീസ് പരിശോധന

പരാതിയെ തുടര്‍ന്ന് ധാക്കയിലെ അമിന്‍ബസാറിലുള്ള സണ്ണിയുടെ വീട്ടില്‍ പൊലീസ് പരിശോധന നടത്തി. വീട്ടില്‍ നിന്നു തന്നെയാണ് സണ്ണിയെ പോലീസ് അറസ്റ്റ് ചെയ്തതും.

കാമുകിയുടെ വ്യാജഅക്കൌണ്ട്

കാമുകിയുടെ പേരില്‍ സണ്ണി വ്യാജ ഫേസ്ബുക്ക് അക്കൗണ്ട് തുറന്നുവെന്ന് പരാതിയില്‍ പറയുന്നു. ഈ അക്കൗണ്ട വഴിയാണ് നഗ്നചിത്രങ്ങള്‍ ഉള്‍പ്പെടെയുള്ള സ്വകാര്യ ചിത്രങ്ങള്‍ പോസ്റ്റ് ചെയ്തത്.

ചിത്രങ്ങൾ പ്രചരിപ്പിച്ചു

മറ്റൊരു പെണ്‍കുട്ടിക്ക് കാമുകിയുടെ സ്വകാര്യചിത്രങ്ങള്‍ അയച്ചുകൊടുത്തതായും പരാതിയില്‍ പറയുന്നു. അറസ്റ്റ് ചെയ്ത് കോടതിയില്‍ ഹാജരാക്കിയ സണ്ണിയെ കോടതി റിമാന്‍ഡില്‍ വിട്ടിരിക്കുകയാണ്.

കുറ്റം തെളിഞ്ഞാൽ കഠിനശിക്ഷ

വിശദമായ ചോദ്യം ചെയ്യലിന് സണ്ണിയെ 5 ദിവസത്തേക്ക് കസ്റ്റഡിയില്‍ വിട്ടുതരണമെന്ന് പോലീസ് കോടതിയില്‍ ആവശ്യപ്പെട്ടിരുന്നു. കുറ്റം തെളിഞ്ഞാല്‍ 14 വര്‍ഷം വരെ സണ്ണിക്ക് ജയില്‍ ശിക്ഷ ലഭിച്ചേക്കും.

പ്രതികരിക്കാതെ സണ്ണി

ജയില്‍ ശിക്ഷ മാത്രമല്ല സണ്ണി അനുഭവിക്കേണ്ടി വരിക. കുറ്റക്കാരനാണെങ്കില്‍ ഒന്നേകാല്‍ ലക്ഷം ഡോളര്‍ പിഴയും സണ്ണി നല്‍കേണ്ടി വരും.സംഭവത്തെക്കുറിച്ച് സണ്ണി പ്രതികരിച്ചിട്ടില്ല.

നിരീക്ഷിച്ച് ക്രിക്കറ്റ് ബോർഡ്

സണ്ണിയുടേത് സ്വകാര്യവിഷയമാണെന്നാണ് ബംഗ്ലാദേശ് ക്രിക്കറ്റ് ബോര്‍ഡ് പ്രതികരിച്ചിട്ടുള്ളത്. വിഷയത്തില്‍ ഇപ്പോള്‍ പ്രതികരിക്കുന്നില്ലെന്നും സംഭവം നിരീക്ഷിച്ചു വരികയാണെന്നുമാണ് ക്രിക്കറ്റ് ബോര്‍ഡ് ചീഫ് എക്‌സിക്യൂട്ടീവ് നിസാമുദ്ദീന്‍ ചൗധരി പ്രതികരിച്ചത്.

ദേശീയ താരം

ബംഗ്ലാദേശിന് വേണ്ടി 16 അന്താരാഷ്ട്ര ഏകദിനങ്ങള്‍ കളിച്ചിട്ടുള്ള താരമാണ് അറാഫത്ത് സണ്ണി. 24 വിക്കറ്റുകളും നേടിയിട്ടുണ്ട്. പത്ത് ട്വന്റി-ട്വന്റി മത്സരങ്ങളില്‍ നിന്നായി 12 വിക്കറ്റുകളും സ്വന്തമായിട്ടുണ്ട്.

സസ്പെൻഷനിലായ താരം

2016ലെ ട്വന്റി ട്വന്റി ലോകകപ്പ് മത്സരത്തിനിടെ സംശയകരമായ ബൗളിംഗ് രീതിയുടെ പേരില്‍ സസ്‌പെന്‍ഡ് ചെയ്യപ്പെട്ട താരം കൂടിയാണ് സണ്ണി. അതിന് ശേഷം ആഭ്യന്തര മത്സരങ്ങളാണ് സണ്ണി കളിക്കുന്നത്.

ബംഗ്ലാദേശിന് നാണക്കേട്

കുറ്റകൃത്യങ്ങളുടെ പേരില്‍ അറസ്റ്റിലാവുന്ന മൂന്നാമത്തെ ബംഗ്ലാദേശ് ദേശീയ താരമാണ് അറാഫത്ത് സണ്ണി. നേരത്തെ പീഡനക്കേസില്‍ റൂബെല്‍ ഹുസൈന്‍, ജോലിക്കാരിയെ ഉപദ്രവിച്ച കേസില്‍ ഷഹബത് ഹുസൈന്‍ എന്നിവര്‍ അറസ്റ്റിലായിരുന്നു.

English summary
Bangladesh police arrested Cricketer Arafat Sunny for uploading sensitive photos of girl friend in Facebook.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X