കാലിഫോര്ണിയയില് വീട്ടുമുറ്റത്ത് 'അന്യഗ്രഹജീവി'യുടെ ശവം, ചിത്രം വൈറലാകുന്നു
സക്രാമെന്റോ: കാലിഫോര്ണിയയില് വീട്ടുവളപ്പിനുള്ളില് അന്യഗ്രഹജീവിയുടെ മൃതശരീരം കണ്ടെത്തി . ജിയന്ന പെപ്പോണിസ് എന്ന വീട്ടമ്മയുടെ മുറ്റത്താണ് കാഴ്ചയില് അന്യഗ്രഹജീവിയെപ്പോലെ തോന്നിയ്ക്കുന്ന ഒരു ജിവിയുടെ മൃതദേഹം കണ്ടെത്തിയത് . പിങ്ക് നിറത്തിലുള്ള വിരൂപ ജീവിയുടെ ചിത്രം വീട്ടമ്മ ഫേസ്ബുക്കിലും മറ്റ് സോഷ്യല് നെറ്റ് വര്ക്കിംഗ് സൈറ്റുകളിലും പോസ്റ്റ് ചെയ്തു. ഇതോടെയാണ് ചിത്രത്തിലുള്ളത് അന്യഗ്രഹജീവിയാണെന്ന് ഉറപ്പിച്ച് ഒരുകൂട്ടര് രംഗത്തെത്തിയത് .
സിനിമകളിലും ചിത്രകഥകളിലുമൊക്കെ കണ്ടിട്ടുള്ള അന്യഗ്രഹജീവികളുടെ മുഖവുമായി ഏറെ സാമ്യമുള്ളതാണ് ജിയന്നയുടെ വീട്ടില് കണ്ടെത്തിയ ജീവിയും. അതേ സമയം ഇത് ഏതെങ്കിലും മൃഗത്തിന്റെ ഭ്രൂണമാകാമെന്നും ഒരു കൂട്ടര് വാദിയ്ക്കുന്നു . റെഡ്ഡിറ്റില് പോസ്റ്റ് ചെയ്ത ചിത്രത്തിനാണ് ഇത്തരത്തില് കമന്റുകള് ലഭിയ്ക്കുന്നത് .
മാനിന്റെ ഭ്രൂണമാകാമെന്നും പകുതി ഭാഗം മറ്റേതെങ്കിലും ജീവി കടിച്ചെടുത്തതാകാമെന്നും വാദിയ്ക്കുന്നവരുടെ . ഇക്കൂട്ടര്ക്കും പിന്തുണയേറെയാണ്. വേഗം ജീവിയെ കുഴിച്ചിടാന് ആവശ്യപ്പെടുന്നവരും ഉണ്ട് . എന്തായാലും രാത്രി 11.30 ന് വീട്ടുമുറ്റത്ത് കണ്ടെത്തിയ ഈ ജീവി എന്താണെന്ന് അറിയാനുള്ള ആകാംഷയിലാണ് വീട്ടമ്മയും അവരുടെ കൂട്ടുകാരും .