ഇസ്രായേലിനെ ഭീകര രാഷ്ട്രമായി പ്രഖ്യാപിച്ചു
ലാപാസ്: ഇസ്രായേല് സൈന്യം പാലസ്തീനിലെ ഗാസയില് നടത്തുന്ന കൂട്ടുക്കുരുതിക്കെതിരെ ലോകരാജ്യങ്ങളില് ഭൂരിഭാഗവും മൗനം പാലിച്ചപ്പോള് ഇതാ ലാറ്റിനമേരിക്കയില് നിന്നൊരു രാജ്യം ഇസ്രായേലിനെ ഭീകര രാഷ്ട്രമായി പ്രഖ്യാപിച്ചിരിക്കുന്നു. ലാറ്റിനമേരിക്കയിലെ കുഞ്ഞന് രാജ്യമായ ബൊളീവിയ ആണ് ഇസ്രായേലിനെ ഭീകര രാഷ്ട്രമായി പ്രഖ്യാപിച്ചിരിക്കുന്നത്.
ബൊളീവിയന് പ്രസിഡന്റ് ഇവോ മൊറാലസ് നേരിട്ടാണ് ഇക്കാര്യം പ്രഖ്യാപിച്ചത്. ഭീകര രാഷ്ട്രമായി പ്രഖ്യാപിച്ചതിനെ തുടര്ന്ന് ഇസ്രായേല് പൗരന്മാരെ രാജ്യത്ത് നിന്ന് വിലക്കുകയും ചെയ്തു ഇവോ മൊറാലസ്. ഇസ്രായേലികള്ക്കുള്ള വിസ നല്കുവാനുള്ള കരാറുകള് റദ്ദാക്കുകയാണെന്നും അദ്ദേഹം പറഞ്ഞു. വിസാ പരിഗണനയില് ഇസ്രായേല് ഇനിമുതല് ഗ്രൂപ്പ് 3 രാജ്യങ്ങളിലാണ് ഉള്പ്പെടുക.
ലോക രാജ്യങ്ങള് ഇസ്രായേലിന്റെ ചെയ്തിയെ വിമര്ശിക്കാത്തതില് മൊറാലസ് പ്രതിഷേധം രേഖപ്പെടുത്തി. അന്താരാഷ്ട്ര തലത്തില് ഇസ്രായേലിന്റെ മുഖം വികൃതമായി. അവര്ക്ക് മനുഷ്യത്വം നഷ്ടപ്പെട്ടിരിക്കുന്നു. ഐക്യരാഷ്ട്രസഭയുടെ നിയമം പാലിക്കാന് അവര് തയ്യാറാകുന്നില്ലെന്നും ബൊളീവിയന് പ്രസിഡന്റ് കുറ്റപ്പെടുത്തി.
ഇതാദ്യമായല്ല
ബൊളീവിയ
ഇസ്രായേലിനെതിരെ
തിരിയുന്നത്.
2009ലെ
ഗാസ
ആക്രമണത്തിലും
ഇസ്രായേലിനെതിരെ
ബൊളീവിയ
രംഗത്തെത്തിയിരുന്നു.
മറ്റു
ലാറ്റിനമേരിക്കന്
രാജ്യങ്ങളായ
ബ്രസീല്,
ചിലി,
പെറു,
ഇക്വഡോര്
തുടങ്ങിയവര്
തങ്ങളുടെ
അംബാസിഡര്മാരെ
ഇസ്രായേലില്
നിന്നും
പിന്വലിച്ചിരുന്നു.
ഇന്ത്യയടക്കമുള്ള
രാജ്യങ്ങള്
ഇതുവരെ
ഇസ്രായേലിന്റെ
ആക്രമണങ്ങളെ
അപലപിക്കാന്
തയ്യാറായിട്ടില്ല.