ഈ സ്പ്രേ അടിച്ചാല് പിന്നെ കുളിയ്ക്കുകയേ വേണ്ട... തെളിവുണ്ട്, വീഡിയോ
ബോസ്റ്റണ്: ഒരു ദിവളം കുളിയ്ക്കാതിരിയ്ക്കുക എന്ന് പറഞ്ഞാല് തന്നെ നമുക്ക് വലിയ ബുദ്ധിമുട്ടാണ്. എന്നാല് 12 വര്ഷമായി കുളിയ്ക്കാതിരുന്നാല് എങ്ങനെയുണ്ടാകും?
ജീവിതത്തില് ഇതുവരെ വെളളം തൊടാത്ത ആള് എന്നൊക്കെ പറഞ്ഞ് പല വാര്ത്തകളും നാം കണ്ടിട്ടുണ്ട്. അവര് അധികവും തെരുവില് ജീവിയ്ക്കുന്നവരോ മാനസികാസ്വാസ്ഥ്യങ്ങളുള്ളവരോ ഒക്കെ ആയിരിയ്ക്കും. എന്നാല് ഇപ്പോള് പറയാന് പോകുന്നത് നല്ല വിദ്യാഭ്യാസമുള്ള ഒരു മിടുക്കനെ കുറിച്ചാണ്.
ഡേവ് വിറ്റ്ലോക്ക് എന്നാണ് ഇദ്ദേഹത്തിന്റെ പേര്. ലോകപ്രസിദ്ധമായ മാസ്സാച്യുസെറ്റ്സ് സര്വ്വകലാശാലയില് നിന്ന് ബിരുദം നേടിയ ഒരു കെമിക്കല് എന്ജിനീയറാണ് ഇദ്ദേഹം. കഴിഞ്ഞ 12 വര്ഷമായി ഈ കക്ഷി കുളിച്ചിട്ടേ ഇല്ല.
കുളിയ്ക്കുന്നില്ല എന്ന് പറഞ്ഞാല് ഇദ്ദേഹത്തിന് വൃത്തിയില്ല എന്നര്ത്ഥമില്ല. ഒരു പക്ഷേ നമ്മളേക്കാളൊക്കെ വൃത്തിയുണ്ട് ഇദ്ദേഹത്തിന്. കാരണം എന്തെന്നോ... ഇയാള് ഒരു സ്പ്രേ ഉപയോഗിയ്ക്കുന്നുണ്ട്.
ജീവനുള്ള ബാക്ടീരിയയെ ഉപയോഗിച്ചുള്ള സ്പ്രേ ആണിത്. ഇദ്ദേഹം തന്നെ കണ്ടെത്തിയാണ് ഈ സ്ര്പേ. എഒബയോമെ എന്ന പേരില് ഒരു കമ്പനി സ്ഥാപിച്ചാണ് സ്പ്രേ ഉത്പാദിപ്പിയ്ക്കുന്നത്. അമോണിയ ഓക്സിഡൈസിങ് ബാക്ടീരിയയെ ആണ് ഇതില് ഉപയോഗിച്ചിരിയ്ക്കുന്നത്. ഈ സ്പ്രേ ഉപയോഗിച്ചാല് പിന്നെ കുളിയ്ക്കേണ്ട ആവശ്യമില്ലത്രെ.
മദര് ഡെര്ട്ട് എന്ന പേരില് ആണ് ഈ സ്പ്രേയുടെ പേര്.