പിറന്നാള്‍ കേക്ക് കട്ടുതിന്നു, 9വയസുകാരനെ അമ്മയുടെ കാമുകന്‍ തല്ലിക്കൊന്നു

അന്നപോളിസ്: പിറന്നാള്‍ കേക്ക് കട്ട് തിന്നതിന് ഒന്‍പതുവയസുകാരനെ അമ്മയുടെ കാമുകന്‍ കെട്ടിയിട്ട് തല്ലിക്കൊന്നു. മേരിലാന്റിലാണ് സംഭവം. ജാക്ക് ഗ്രേസിയ എന്ന കുട്ടിയാണ് അമ്മയുടെ കാമുകന്റെ ക്രൂരയ്ക്ക് ഇരയായി കൊല്ലപ്പെട്ടത്. വാഷിംഗ്ടണ്‍ നാഷണല്‍ മെഡിക്കല്‍ സെന്ററില്‍ ചികിത്സയിലായിരുന്നു കുട്ടി.

പിറന്നാള്‍ ആഘോഷത്തിന് വേണ്ടി വാങ്ങിയ കേക്കാണ് കുട്ടി അനുവാദമില്ലാതെ കഴിച്ചത് . ഇക്കാര്യം കണ്ടെത്തിയ റോബര്‍ട്ട് വില്‍സണ്‍ (30) കുട്ടിയെ കൈകള്‍ ബന്ധിച്ച ശേഷം മര്‍ദ്ദിച്ച് അവശനാക്കുകയായിരുന്നു . ജാക്ക് ഗ്രേസിയയുടെ അമ്മയുടെ കാമുകനാണ് റോബര്‍ട്ട് . ഞായറാഴ്ചയാണ് കുട്ടിയ്ക്ക് ക്രൂരമായി മര്‍ദ്ദവമേല്‍ക്കുന്നത് .

തുടര്‍ന്ന് ആശുപത്രിയിലായ കുട്ടി ജീവന്‍രക്ഷാ ഉപാധികളുടെ സഹായത്തോടെയാണ് കഴിഞ്ഞത്. ഞായറാഴ്ച രാത്രിയാണ് കുട്ടിയ്ക്ക് മര്‍ദ്ദനമേറ്റത് . മുഖം, കഴുത്ത്, പിന്‍ഭാഗം , കാലുകള്‍ , വയര്‍ എന്നിവിടങ്ങളിലെല്ലാം തന്നെ മര്‍ദ്ദനമേറ്റികുന്നു. അബോധാവസ്ഥയിലായ കുട്ടിയ്ക്ക് ശ്വാസമെടുക്കാന്‍ ബുദ്ധിമുട്ടുണ്ടായിരുന്നു . റോബര്‍ട്ടിനെതിരെ വിവിധ വകുപ്പുകള്‍ ചുമത്തി പൊലീസ് കേസെടുത്തിട്ടുണ്ട് . പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചശേഷം ഇയാള്‍ക്കെതിരെ കൊലക്കുറ്റവും ചുമത്തും .

English summary

Boy dies after beating for eating birthday cake.Beaten by his mother's boyfriend.