കുട്ടികള്ക്ക് പീഡനം; ബ്രാഡ് പിറ്റിനെതിരെ അന്വേഷണം
ലോസ് ആഞ്ചലസ്: ഹോളിവുഡ് താരദമ്പതികളായ ബ്രാഡ് പിറ്റും ആഞ്ജലീന ജോളിയും വിവാഹമോചിതരാവുകയാണെന്ന റിപ്പോര്ട്ടിന് പിന്നാലെ ബ്രാഡ് പിറ്റിനെതിരെ അന്വേഷണം. കുട്ടികളെ പീഡിപ്പിച്ചെന്ന ആരോപണത്തില് ലോസ് ആഞ്ചലസ് ചില്ഡ്രന്സ് ആന്റ് ഫാമിലി ഡിപ്പാട്ട്മെന്റാണ് ബ്രാഡ് പിറ്റിനെതിരെ അന്വേഷണം നടത്തുന്നത്.
കുട്ടികളെ ബ്രാഡ് പിറ്റ് ശാരീരികവും മാനസികവുമായി പീഡിപ്പിച്ചെന്നും വിവാഹ മോചനത്തിന് ഇതൊരു കാരണമായിരുന്നിരിക്കാമെന്ന് ഒരു മാധ്യമം റിപ്പോര്ട്ട് ചെയ്തു. കുടുംബത്തോടൊപ്പം ബ്രാഡ് പിറ്റ് ഒരു സ്വകാര്യ ജെറ്റില് പോകുമ്പോള് പിറ്റ് മദ്യപിച്ച് കുട്ടികളോട് മോശം രീതിയില് പെരുമാറിയെന്ന് ദൃക്സാക്ഷിയെ ഉദ്ദരിച്ച് റിപ്പോര്ട്ട് പറയുന്നു.
ഇത്തരം കാര്യങ്ങള് പിറ്റ് വീട്ടിലും ആവര്ത്തിക്കാറുള്ളതായും സൂചനയുണ്ട്. അടുത്തിടെ ആഞ്ജലീനയും പിറ്റും തമ്മില് മാനസികമായ അകല്ച്ചയുണ്ടാകാന് കുട്ടികളോടുള്ള പെരുമാറ്റം ഇടയാക്കി. സംഭവത്തില് അന്വേഷണ റിപ്പോര്ട്ട് പിറ്റിന് എതിരായാല് ഗുരുതരമായ പ്രത്യാഘാതങ്ങള് നേരിടേണ്ടിവരുമെന്നുറപ്പാണ്.
ബ്രാഡ് പിറ്റും ആഞ്ജലീനയും ചേര്ന്ന് 6 കുട്ടികളെ ദത്തെടുത്തിരുന്നു. ഈ കുട്ടികളോട് പിറ്റിന്റെ മോശം പെരുമാറ്റമെന്നത് ആരോണത്തിന്റെ ഗൗരവം വര്ധിപ്പിക്കുന്നു. അതേസമയം, ഇത്തരം ആരോപണങ്ങള് വിവാഹമോചനക്കേസില് ബലംകിട്ടാന് പ്രചരിപ്പിക്കുന്നതാണെന്നാണ് പിറ്റിന്റെ വക്താവിന്റെ വിശദീകരണം. കുട്ടികളെ അതിയായി സ്നേഹിക്കുന്ന നടനില് നിന്നും ഒരിക്കലും മോശം പെരുമാറ്റമുണ്ടായിട്ടില്ലെന്നും അവര് വ്യക്തമാക്കുന്നു.