ദോക്ല കഴിഞ്ഞു, മോദി ചൈനയില്.. ഇനിയെന്ത്..? ഉറ്റുനോക്കി ലോകം
Recommended Video
ബീജിങ്ങ്: ബ്രിക്സ് ഉച്ചകോടിയില് പങ്കെടുക്കുന്നിനായി പ്രധാനമന്ത്രി നരേന്ദ്രമോദി ചൈനയിലെത്തി. അതിര്ത്തിയില് നിന്നും ഇന്ത്യയും ചൈനയും സൈന്യത്തെ പിന്വലിച്ചതിനു ശേഷം ദോക്ല പ്രശ്നം പരിഹരിക്കപ്പെട്ടിരുന്നു. അതിനു ശേഷം ആദ്യമായാണ് നരേന്ദ്രമോദി ചൈനയിലെത്തുന്നത്. ബ്രിക്സ് ഉച്ചകോടിക്കായെത്തിയ മോദിയും ചൈനീസ് പ്രസിഡന്റ് ഷി ചിന്പിങ്ങും കൂടിക്കാഴ്ച നടത്തുമോ എന്ന് ഉറ്റുനോക്കുകയാണ് ലോകരാഷ്ട്രങ്ങള്. ഇതിനു മുന്പ് ജൂലൈയില് ജര്മ്മനിയില് വെച്ചു നടന്ന ജി-20 ഉച്ചകോടിയിലാണ് ഇരുവരും തമ്മില് കണ്ടുമുട്ടിയത്.
അതേസമയം ചൈനയിലെത്തിയ നരേന്ദ്രമോദിക്ക് ഇന്ത്യന് വംശജര് ഊഷ്മളമായ സ്വീകരണമാണ് നല്കിയത്. ഷിയാമെനിലുള്ള ഇന്ത്യന് വംശജരുമായി മോദി കൂടിക്കാഴ്ച നടത്തി. ഷി ചിന്പിങ്ങിനു പുറമേ റഷ്യന് പ്രസിഡന്റ് വ്ളാഡിമിര് പുടിനുമായും മോദി ചര്ച്ച നടത്തുമെന്നാണ് റിപ്പോര്ട്ടുകള്.
ബ്രിക്സ് അംഗങ്ങളായ ഇന്ത്യ, ബ്രസീല്,റഷ്യ,ചൈന,ദക്ഷിണാഫ്രിക്ക എന്നീ രാജ്യങ്ങള്ക്കു പുറമേ ഈജിപ്ത്, കെനിയ, മെക്സിക്കോ, തായ്ലന്റ് എന്നീ രാജ്യങ്ങളില് നിന്നുള്ള പ്രതിനിധികളും ബ്രിക്സ് ഉച്ചകോടിയില് അതിഥികളായി എത്തുന്നുണ്ട്.