വധു വിവാഹവേദിയില് എത്തിയത് എങ്ങനെയാണന്നോ?
ലണ്ടന്:ലണ്ടിനില് വിചിത്രമായ ഒരു വിവാഹം നടന്നു. വിവാഹവേദിയിലേക്ക് വധു എത്തിയത് എങ്ങനെയാണെന്നോ ? ശവപ്പെട്ടിയില്. ജെന്നി ബക്ക്ലെഫ് എന്ന 58കാരിയാണ് ശവപ്പെട്ടിയില് കിടന്ന് വിവാഹ വേദിയില് എത്തിയത്.
51കാരനായ ക്രിസ്റ്റഫര് ലോക്കറ്റാണ് ജെന്നി ബക്ക്ലെഫിന്റെ വരന്. വധു വിവാഹവേദിയിലേക്ക് ശവപ്പെട്ടിയില് എത്തിയത് ബന്ധുക്കളെയും ക്ഷണിതാക്കളെയും ജെന്നി ബക്ക്ലെഫ ശരിക്കും ഞെട്ടിച്ചു. ബ്രിട്ടനിലെ സ്റ്റാഫഡ്ഷയറിലെ സ്റ്റോക്ക് ഓണ് ട്രെന്ഡിലാണ് സംഭവം.
ജെന്നിയുടെ സഹോദരന് റോജറിന്റെ വീട്ടില് വച്ചായിരുന്നു വിവാഹം. രോഗബാധിതനായി ഗുരുതരാവസ്ഥയില് കഴിയുന്ന റോജറിന് വേണ്ടിയാണ് വിവാഹം അവിടെയാക്കിയത്. ജെന്നിയെ വഹിച്ചുകൊണ്ടുള്ള ശവപ്പെട്ടി വിവാഹ വേദിയിലേക്ക് മോട്ടോര് സൈക്കിളില് കെട്ടിവലിച്ചു കൊണ്ടുവരികയായിരുന്നു.
വിവാഹത്തിന്റെ തലേന്ന് രാത്രി വരെ ജെന്നി തന്റെ പദ്ധതിയെക്കുറിച്ച് വരനോട് വെളിപ്പെടുത്തിയത് ഒടുവില് ക്രിസ്റ്റഫറും ജെന്നിയുടെ പദ്ധതിക്ക് സമ്മതം മൂളി.