വിവാഹമോചനം ആവശ്യപ്പെട്ടു, യുവതിയെ ഇന്ത്യക്കാരന് കൊലപ്പെടുത്തിയത് 124 തവണ കുത്തിയശേഷം!!
ലണ്ടന്: ഭര്ത്താവില് നിന്ന് വിവാഹമോചനം ആവശ്യപ്പെട്ട ഭാര്യയ്ക്ക് ദാരുണാന്ത്യം. ലണ്ടനില് താമസിക്കുന്ന ബ്രിട്ടീഷ്- ഇന്ത്യന് ബാങ്ക് ജീവനക്കാരനാണ് ഭാര്യയെ 124 തവണ കുത്തിക്കൊലപ്പെടുത്തിയത്. ഇന്വെസ്റ്റ്മെന്റ് ബാങ്കറായ സഞ്ജയ് നിജ്വാനാണ് ഭാര്യ സോനീറ്റ നിജ്വാനെ കുത്തിക്കൊലപ്പെടുത്തിയത്. കത്തിയും കോടാലിയും ഉപയോഗിച്ച് നാല് വയസ്സുകാരനായ മകന്റെ മുമ്പില് വച്ചായിരുന്നു ഭാര്യയെ ആക്രമിച്ച് കൊന്നത്. മെയ് 21നായിരുന്നു സംഭവം.
ബാര്ക്ലെയ്സ് ബാങ്കിലെ ഉയര്ന്ന ശമ്പളമുള്ള ജോലി ഉപേക്ഷിച്ച ഇയാള് കോടിക്കണക്കിന് രൂപയുടെ കടവും വരുത്തിവച്ചിരുന്നു. ഭാര്യയെ കൊലപ്പെടുത്തുന്നതിന് മുമ്പായി ഇയാള് മാനസിക സമ്മര്ദ്ദത്തിന് അടിമപ്പെട്ടിരുന്നതായി പൊലീസ് കണ്ടെത്തിയിരുന്നു. മാനസിക സമ്മര്ദ്ദത്തിന് പുറത്താണ് വിവാഹമോചനം ആവശ്യപ്പെട്ട ഭാര്യയെ ആക്രമിച്ച് കൊലപ്പെടുത്തിയതെന്നാണ് ഇയാളെ പരിശോധിച്ച പൊലീസ് പറഞ്ഞത്.
പുറത്തുനിന്നുണ്ടാവാനിടയുള്ള ആക്രമണങ്ങളും അതിക്രമങ്ങളും തടയുന്നതിനായി പ്രത്യേകം സംവിധാനങ്ങളുള്ള വീട്ടില് വച്ചായിരുന്നു അവര് കൊല്ലപ്പെട്ടത്. പോസ്റ്റ്മോര്ട്ടത്തില് സോനീറ്റയുടെ ശരീരത്തില് നിന്ന് 124 മുറിവുകളാണ് കണ്ടെത്തിയത്. കത്തിക്കുത്തിന് പുറമേ കോടാലി കൊണ്ട് വെട്ടേറ്റ പാടുകളും സൊനീറ്റയുടെ ശരീരത്തില് നിന്ന് കണ്ടെത്തുകയായിരുന്നു.