ഭാര്യയ്ക്ക് അവിഹിതബന്ധമുണ്ടെന്ന ആരോപണവുമായി എംപി
ലണ്ടന്: ഭാര്യയ്ക്ക് അവിഹിതബന്ധമുണ്ടെന്ന ആരോപണവുമായി ബ്രിട്ടനിലെ എംപി രംഗത്തെത്തി. ലേബര്പാര്ട്ടി എംപിയായ സൈമണ് ഡങ്ക് ആണ് ഭാര്യ കരേനിനെതിരെ പരസ്യമായി ആരോപണമുയര്ത്തിയിരിക്കുന്നത്. ഇതുവരെ ഭാര്യയുടെ അവിഹിത ബന്ധത്തെക്കുറിച്ച് കേട്ടുകേള്വി മാത്രമേ ഉണ്ടായിരുന്നുള്ളൂ എന്നും ഇപ്പോള് അതിന് സ്ഥിതീകരണമായെന്നും അദ്ദേഹം പറഞ്ഞു.
നാലഞ്ചുമാസമായി ഭാര്യ പേഴ്സണല് ട്രെയ്നര് ബെന് ബേറ്റുമായി അവിഹിതബന്ധത്തിലാണ്. എന്നാല് ഇക്കാര്യം തനിക്ക് ഞെട്ടലുണ്ടാക്കിയില്ലെന്ന് സൈമണ് വ്യക്തമാക്കി. മാറിട വിടവുകള് പ്രദര്ശിപ്പിച്ചുകൊണ്ട് ദിവസേനയെന്നോണം സെല്ഫികള് പോസ്റ്റു ചെയ്ത് ട്വിറ്ററിലൂടെ പേരെടുത്ത വ്യക്തിയാണ് സൈമണിന്റെ ഭാര്യ കരേന്.
എന്നാല് ഭര്ത്താവിന്റെ ആരോപണത്തിനെതിരെ അതേ നാണയത്തില് തിരിച്ചടിച്ച് കരേന് രംഗത്തെത്തി. ഭര്ത്താവിന്റെ ആരോപണങ്ങളെല്ലാം കള്ളമാണെന്ന് അവര് പ്രതികരിച്ചു. സൈമണ് മദ്യപാനിയാണ്. സത്യം എന്നെങ്കിലും പുറത്തുവരുമെന്നും അവര് ട്വിറ്ററില് പറഞ്ഞു. ഭര്ത്താവ് തന്നെ നിരീക്ഷിക്കാന് ചാരന്മാരെ നിരീക്ഷിച്ചതായി സംശയിക്കുന്നുണ്ടെന്നും കരേന് ആരോപിക്കുന്നുണ്ട്.
ഭാര്യയും ഭര്ത്താവും തമ്മിലുള്ള ബന്ധം വിവാഹമോചനത്തിലെത്തി നില്ക്കുകയാണെന്ന് ഗോസിപ്പ് കോളങ്ങള് പറയുന്നു. കരേനും ട്രെയിനറും തമ്മിലുള്ള ഒട്ടേറെ ചിത്രങ്ങളും ചില മാധ്യമങ്ങള് പുറത്തുവിട്ടിട്ടുണ്ട്. സെല്ഫികള് പുറത്തുവിടുന്നതിലും മോഡലായി അഭിനയിക്കുന്നതുമാണ് കരേന്റെ ഇഷ്ടവിനോദങ്ങള്.