കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ലോകത്തിലെ ഏറ്റവും വലിയ ചുണ്ടുകൾ വേണം.. 22കാരി ആൻഡ്രിയ നടത്തിയത് 17 ശസ്ത്രക്രിയകൾ!

Google Oneindia Malayalam News

ബള്‍ഗേറിയ: 22കാരിയായ ആന്‍ഡ്രിയ ഇവനോവയെ ഇന്ന് കണ്ടാല്‍ മുന്‍പുളള പരിചയക്കാര്‍ക്കാര്‍ക്കും മനസ്സിലാകാന്‍ തരമില്ല. ലോകത്തിലെ ഏറ്റവും വലിയ ചുണ്ടുകള്‍ക്ക് ഉടമയാകാന്‍ നിരവധി ശസ്ത്രക്രിയകളിലൂടെ കടന്ന് പോയിരിക്കുകയാണ് ആന്‍ഡ്രിയ. തന്റെ പ്രിയപ്പെട്ട കഥാപാത്രമായ ബാര്‍ബിയെ പോലെയാവുക എന്നതാണ് ആന്‍ഡ്രിയയുടെ ലക്ഷ്യം. അതിന് വേണ്ടി എന്ത് ത്യാഗവും സഹിക്കാന്‍ ആന്‍ഡ്രിയ തയ്യാര്‍.

ബള്‍ഗേറിയക്കാരിയായ ആന്‍ഡ്രിയ ഇതുവരെ ചുണ്ടില്‍ 17 ആസിഡ് ഇന്‍ജെക്ഷനുകളാണ് എടുത്തിരിക്കുന്നത്. ഇനിയും കൂടുതല്‍ ഇന്‍ജെക്ഷനുകളെടുക്കാനും ചുണ്ടിന്റെ വലിപ്പം കൂട്ടാനുമാണ് ആന്‍ഡ്രിയയുടെ തീരുമാനം. ഇനി രണ്ട് ചികിത്സകള്‍ കൂടിയാണ് ആന്‍ഡ്രിയയുടെ ചുണ്ടിന് ബാക്കിയുളളത്.

ip

ആന്‍ഡ്രിയുടെ ചുണ്ടുകള്‍ക്ക് ഇപ്പോള്‍ തന്നെ സാധാരണ ചുണ്ടുകളേക്കാള്‍ എത്രയോ ഇരട്ടി വലിപ്പമുണ്ട്. ചുണ്ടുകളില്‍ ആന്‍ഡ്രിയ ഹൈലുറോണിക് ആസിഡ് കുത്തിവെയ്ക്കുന്നുണ്ടെന്നും ഓരോ തവണ ചുണ്ടുകള്‍ ചുരുങ്ങുമ്പോഴും ആന്‍ഡ്രിയ ആസിഡ് കുത്തിവെയ്ക്കും എന്നുമാണ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നത്. സോഫിയ യൂണിവേഴ്‌സിറ്റിയില്‍ ജെര്‍മന്‍ ഫിലോസഫി വിദ്യാര്‍ത്ഥിനിയാണ് ആന്‍ഡ്രിയ.

ഓരോ തവണയും ചികിത്സയ്ക്കായി 250 ഡോളറാണ് ആന്‍ഡ്രിയ ചിലവാക്കുന്നത്. ഇപ്പോള്‍ തനിക്ക് തന്റെ ചുണ്ടുകള്‍ മുന്‍പത്തേതിനേക്കാള്‍ കൂടുതല്‍ ഇഷ്ടമാണ് എന്നാണ് ആന്‍ഡ്രിയ പറയുന്നത്. വലിയ ചുണ്ടുകളുളളത് കൊണ്ട് താന്‍ കൂടുതല്‍ സുന്ദരിയായിരിക്കുന്നതായി തോന്നുന്നുവെന്നും ആന്‍ഡ്രിയ പറയുന്നു. ചികിത്സയ്ക്ക് വേണ്ടി എത്ര പണം ഇതുവരെ ചിലവാക്കി എന്ന് തനിക്ക് അറിയില്ലെന്നും പണം തനിക്കൊരു വിഷയമേ ഇല്ല ഇക്കാര്യത്തിലെന്നും ആന്‍ഡ്രിയ പറയുന്നു.

English summary
Bulgarian woman undergoes treatment o get world's largest lips
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X