Click it and Unblock the Notifications
Just In
Don't Miss
-
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഉപരോധത്തിന്റെ പേരില്‍ ഖത്തര്‍ പൗരന്‍മാര്‍ക്ക് ഹജ്ജ് തീര്‍ഥാടനത്തിനുള്ള അവസരം നിഷേധിക്കരുതെന്ന്
ദോഹ: ഖത്തറിനെതിരേ ഉപരോധം നിലനില്‍ക്കുന്ന പശ്ചാത്തലത്തില്‍ പൗരന്‍മാര്‍ക്ക് ഹജ്ജ് തീര്‍ഥാടനം നിര്‍വഹിക്കാനുള്ള അവസരം നിഷേധിക്കരുതെന്ന് ഖത്തര്‍ നാഷനല്‍ ഹ്യൂമണ്‍ റൈറ്റ്‌സ് കമ്മിറ്റി ചെയര്‍മാന്‍ ഡോ. അലി ബിന്‍ സമൈക്ക് അല്‍ മര്‍രി സൗദി ഭരണകൂടത്തോട് അഭ്യര്‍ഥിച്ചു. ഹജ്ജിന് രജിസ്റ്റര്‍ ചെയ്യാന്‍ ഇനി ഏതാനും ദിവസങ്ങള്‍ മാത്രം ബാക്കിയിരിക്കെ, സൗദിയുടെ ഭാഗത്ത് നിന്ന് കൃത്യമായ തീരുമാനം ഉണ്ടാവാത്തത് പ്രയാസം സൃഷ്ടിക്കുന്നതായും അദ്ദേഹം പറഞ്ഞു.
സൗദിയുടെ ഈ നിലപാട് പൗരന്‍മാരുടെ മതാനുഷ്ഠാനങ്ങള്‍ നിര്‍വഹിക്കാനുള്ള അവകാശത്തിന്റെ നഗ്നമായ ലംഘനമാണ്. റോഡ് മാര്‍ഗം പോകുന്നവര്‍ക്ക് രജിസ്റ്റര്‍ ചെയ്യാന്‍ ഇനി എട്ടുദിവസം മാത്രമാണ് ബാക്കി. വിമാനം വഴി പോകുന്നവര്‍ ആഗസ്ത് 26നു മുമ്പേ രജിസ്റ്റര്‍ ചെയ്യണമെന്നാണ് നിയമം. എന്നാല്‍ സൗദിയുടെ ഭാഗത്ത് നിന്ന് യാത്രാനുമതിയെക്കുറിച്ചോ ഖത്തരി തീര്‍ഥാടകരുടെ സുരക്ഷയെക്കുറിച്ചോ കൃത്യമായ ഉറപ്പുകളൊന്നും സൗദി ഭരണകൂടത്തിന്റെ ഭാഗത്തുനിന്ന് ഇതുവരേക്കും ഉണ്ടായിട്ടില്ലെന്നും അദ്ദേഹം പറഞ്ഞു.
ഖത്തറില്‍ നിന്ന് ഹജ് യാത്ര സംഘടിപ്പിക്കുന്ന ട്രാവല്‍ ഏജന്‍സികള്‍ സൗദിയുടെ ഭാഗത്തുനിന്ന് തങ്ങള്‍ നേരിടേണ്ടിവരുന്ന പ്രയാസങ്ങളെക്കുറിച്ച് കമ്മിറ്റി മുമ്പാകെ ഒട്ടേറെ പരാതികള്‍ നല്‍കിയിട്ടുണ്ടെന്നും ചെയര്‍മാന്‍ വ്യക്തമാക്കി.
ഖത്തര്‍ ഹജ്ജ് പ്രശ്‌നത്തെ അന്താരാഷ്ട്രവല്‍ക്കരിക്കുകയാണെന്ന ആരോപണത്തെ അല്‍ മര്‍രി തള്ളി. ഹജ്ജ് യാത്രക്കാര്‍ക്കായി സൗദി അതിര്‍ത്തി തുറക്കാന്‍ ഇടപെടണമെന്ന ആവശ്യവുമായി അറബ് ലീഗ്, ഒ.ഐ.സി, മനുഷ്യാവകാശങ്ങള്‍ക്കായുള്ള യു.എന്‍ ഹൈക്കമ്മീഷണര്‍ എന്നിവയെ സമീപിച്ച നടപടി സ്വാഭാവികം മാത്രമാണെന്നും അദ്ദേഹം വ്യക്തമാക്കി. യാത്രയെക്കുറിച്ചുള്ള അനിശ്ചിതത്വം കാരണം ഇത്തവണ ഹജ്ജിന് പോകാനിരുന്ന ആയിരക്കണക്കിന് തീര്‍ഥാടകര്‍ വിഷമസന്ധിയിലാണെന്നും അദ്ദേഹം അറിയിച്ചു.
