വിദേശികളുടെ കുടുംബാംഗങ്ങള്ക്കും ജോലി.. സുപ്രധാന തീരുമാനവുമായി കാനഡ, ഇന്ത്യക്കാര്ക്ക് കോളടിച്ചു
ഒട്ടാവ: ആയിരക്കണക്കിന് ഇന്ത്യക്കാര്ക്കും മറ്റ് വിദേശികള്ക്കും പ്രയോജനപ്പെടുന്ന സുപ്രധാന തീരുമാനവുമായി കാനഡ. 2023 മുതല് ഓപ്പണ് വര്ക്ക് പെര്മിറ്റ് ഉടമകളുടെ കുടുംബാംഗങ്ങള്ക്ക് വര്ക്ക് പെര്മിറ്റ് യോഗ്യത അനുവദിക്കും എന്ന് കാനഡ പ്രഖ്യാപിച്ചു. രാജ്യത്തെ തൊഴില് ക്ഷാമം പരിഹരിക്കുന്നതിന് വേണ്ടിയാണ് കാനഡയുടെ സുപ്രധാന നീക്കം.
വൃത്തങ്ങളെ ഉദ്ധരിച്ച് വാര്ത്താ ഏജന്സിയായ പി ടി ഐ ആണ് ഇക്കാര്യം റിപ്പോര്ട്ട് ചെയ്യുന്നത്. ഇമിഗ്രേഷന്, അഭയാര്ത്ഥി, പൗരത്വ മന്ത്രി സീന് ഫ്രേസര് താല്ക്കാലിക വിദേശ തൊഴിലാളികളുടെ കുടുംബാംഗങ്ങള്ക്ക് വര്ക്ക് പെര്മിറ്റ് നീട്ടുന്നതായി പ്രഖ്യാപിച്ചതായാണ് റിപ്പോര്ട്ട്.
കാനഡ കുടുംബാംഗങ്ങള്ക്കുള്ള വര്ക്ക് പെര്മിറ്റ് വിപുലീകരിക്കുന്നു എന്നും 2023 മുതല് അപേക്ഷകന്റെ ഭാര്യമാര്ക്കും കുട്ടികള്ക്കും കാനഡയില് ജോലി ചെയ്യാന് അര്ഹതയുണ്ടായിരിക്കും എന്ന് ഫ്രേസര് ട്വീറ്റ് ചെയ്തു. കാനഡയിലേക്ക് ഉള്ള പ്രധാന അപേക്ഷകനെ അനുഗമിക്കുന്ന കുടുംബാംഗങ്ങള്ക്ക് വര്ക്ക് പെര്മിറ്റിനുള്ള യോഗ്യത വിപുലീകരിക്കുന്നത് തൊഴിലുടമകള്ക്ക് ആവശ്യമായ തൊഴിലാളികളെ കണ്ടെത്താന് സഹായിക്കും എന്നും ഇതിലൂടെ തൊഴില് ക്ഷാമം പരിഹരിക്കാന് സഹായിക്കും എന്നും സീന് ഫ്രേസര് പത്രക്കുറിപ്പില് പറഞ്ഞു.
രാജ്യത്ത് ഉടനീളമുള്ള തൊഴിലുടമകള് തൊഴിലാളികളുടെ അഭാവമാണ് തങ്ങളുടെ ഏറ്റവും വലിയ തിരിച്ചടി എന്ന് അറിയിച്ചിരുന്നു. നേരത്തെ, പ്രധാന അപേക്ഷകന് ഉയര്ന്ന നൈപുണ്യമുള്ള തൊഴിലില് ജോലി ചെയ്യുന്നുണ്ടെങ്കില് മാത്രമേ കുടുംബാംഗങ്ങള്ക്കും വര്ക്ക് പെര്മിറ്റിന് അര്ഹതയുണ്ടായിരുന്നുള്ളൂ. എന്നാല് പുതിയ നടപടിയിലൂടെ തൊഴില് വിടവ് നികത്താന് ആവശ്യമായ തൊഴിലാളികളെ കണ്ടെത്താന് തൊഴിലുടമകളെ സഹായിക്കും.
തല്ഫലമായി 200,000 വിദേശ തൊഴിലാളികളുടെ കുടുംബാംഗങ്ങള്ക്ക് കാനഡയില് ജോലി ചെയ്യാന് സാധിക്കും എന്നും അദ്ദേഹം പറഞ്ഞു. കുടുംബങ്ങളെ ഒരുമിച്ച് നിര്ത്തുന്നതിലൂടെ തൊഴിലാളികളുടെ വൈകാരിക ക്ഷേമം, ശാരീരിക ആരോഗ്യം, സാമ്പത്തിക സ്ഥിരത എന്നിവ മെച്ചപ്പെടുത്താനാണ് കാനഡ ലക്ഷ്യമിടുന്നത്. ഇത് തൊഴിലാളിക്ക് ജോലി സ്ഥലത്ത് ആത്മസംതൃപ്തിയോടെ ജോലി ചെയ്യാന് സാധിക്കും എന്നും പ്രതീക്ഷിക്കുന്നു എന്ന് ഫ്രേസര് പറഞ്ഞു.
ഇത് കാനഡയില് ജോലി ചെയ്യാന് ആഗ്രഹിക്കുന്ന വിദേശ തൊഴിലാളികള്ക്കും അവരുടെ തൊഴിലുടമകള്ക്കും കൂടുതല് അവസരം നല്കും. 2023 മുതല് മൂന്ന് ഘട്ടങ്ങളില് ആയാണ് കാനഡയില് പദ്ധതി നടപ്പിലാക്കുക. കാനഡയില് വിവിധ തൊഴില് മേഖലകളിലായി നിരവധി ഇന്ത്യക്കാരാണ് ജോലി ചെയ്യുന്നത്.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google