ചൈനീസ് ടെക് കമ്പനിയുടെ വാര്‍ഷിക ബോണസ് പോണ്‍ സ്റ്റാറുമായി ഒരു രാത്രി!

ഹോങ്കോങ്: പല കമ്പനികളും വാര്‍ഷിക ബോണസ് നല്‍കാറുണ്ട്. പ്രത്യേകിച്ച് വന്‍കിട കോര്‍പറേറ്റുകളും സോഫ്റ്റ് വെയര്‍ കമ്പനികളും എല്ലാം. വലിയ ഗിഫ്റ്റുകളും വിദേശ യാത്രകളും ഒക്കെയാകും തലമുതിര്‍ന്ന ജീവനക്കാര്‍ക്ക് ഇവര്‍ നല്‍കുക.

എന്നാല്‍ ചൈനനയില്‍ നിന്നുള്ള ഈ വാര്‍ത്ത കേട്ടാല്‍ നിങ്ങള്‍ ഞെട്ടും. തലപ്പത്തുള്ള ചില ജീവനക്കാര്‍ക്ക് അവര്‍ വാര്‍ഷിക ബോണസ് ആയി നല്‍കുന്നത് അശ്ലീല താരത്തിനൊപ്പമുള്ള ഒരു രാത്രിയാണത്രെ!

ചൈനയിലെ ക്വിഹൂ 360 എന്ന ഇന്റര്‍നെറ്റ് സെക്യൂരിറ്റി സ്ഥാപനമാണത്രെ ഇത്തരം ഒരു സമ്മാനം നല്‍കുന്നത്. ഓണ്‍ ഡോട്ട്‌ സിസി എന്ന ബ്ലോഗിനെ ഉദ്ധരിച്ച് ടൈംസ് ഓഫ് ഇന്ത്യയാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്.

നമ്മുടെ നാട്ടില്‍ പുതുവര്‍ഷാഘോഷമൊക്കെ കഴിഞ്ഞെങ്കിലും ചൈനയിലെ പരമ്പരാഗത പുതുവര്‍ഷം വരാനിരിക്കുന്നതേ ഉള്ളൂ. ഇതിന്റെ ഭാഗമായിട്ടാണ് ഈ സമ്മാനം നല്‍കുന്നതെന്നാണ് പറയപ്പെടുന്നത്.

പോണ്‍ സ്റ്റാര്‍ എന്ന രീതിയില്‍ പേരെടുത്ത ജാപ്പനീസ് നടി ജൂലിയയെ ആണ് കമ്പനി സമ്മാനമായി നല്‍കുന്നതെന്നാണ് റിപ്പോര്‍ട്ടില്‍ പറയുന്നത്. എന്നാല്‍ കമ്പനി പുറത്തിറക്കിയ മറ്റൊരു രേഖയില്‍ ജൂലിയയുടെ പേര് തന്നെ ഒഴിവാക്കിയിട്ടുണ്ടെന്നും പറയുന്നുണ്ട്. പകരം കോടികള്‍ വിലമതിക്കുന്ന പോര്‍ഷെ കാര്‍, ഇന്തോനേഷ്യയില്‍ അഞ്ച് ദിവസത്തെ വിനോദയാത്ര എന്നിവയൊക്കെ ആണത്രെ ഉള്‍പ്പെടുത്തിയിട്ടുള്ളത്.

English summary

Chinese tech firm's annual bonus: It is really incredible!!!