മകളെ നഗ്നയാക്കി സൂപ്പര് മാര്ക്കറ്റില് കൊണ്ടുവന്നു... എന്തൊരമ്മ?
സിന്യാങ്(ചൈന): കുട്ടികളെ പൊന്നുപോലെ നോക്കുന്നവരായിരിക്കും ഭൂരിപക്ഷം അമ്മമാരും. എന്നാല് ചൈനയിലെ ഈ അമ്മയെ കുറിച്ചുള്ള വാര്ത്തകള് കേട്ടാല് ആരായാലും മൂക്കത്ത് വരില് വച്ച് പോകും.
സ്വന്തം കുഞ്ഞിനെ വസ്ത്രം ധരിപ്പിയ്ക്കാതെ സൂപ്പര് മാര്ക്കറ്റില് കൊണ്ടുപോയ അമ്മയാണ് ഇപ്പോള് സോഷ്യല് മീഡിയയുടെ വിമര്ശനത്തിന് ഇരയായിക്കൊണ്ടിരിയ്ക്കുന്നത്.
രണ്ടോ മൂന്നോ വയസ്സ് പ്രായം തോന്നിയ്ക്കുന്ന പെണ്കുട്ടിയുമായാണ് അമ്മ സൂപ്പര് മാര്ക്കറ്റിലെത്തിയത്. ഇതിന്റെ ചിത്രങ്ങള് വൈറലായി.
ചൈനയില്
ചൈനയിലെ സിന്യാങ് സിറ്റിയിലാണ് സംഭവം നടന്നത്. മകളെ വസ്ത്രം ഒന്നും ധരിപ്പിയ്ക്കാതെയാണ് യുവതി ഷോപ്പിങ്ങിന് കൊണ്ടുവന്നത്.
ഫോട്ടോ എടുത്തു
തികച്ചും അസ്വാഭാവികമായ ഒരു കാഴ്ചയായതിനാല് കണ്ടവര് കണ്ടവര് ഫോട്ടോ എടുത്തു. ഇത് പിന്നീട് സോഷ്യല് മീഡിയയില് വൈറല് ആവുകയായിരുന്നു.
ദിവസങ്ങള്ക്ക് മുമ്പ്
ദിവസങ്ങള്ക്ക് മുമ്പാണ് സംഭവം നടന്നത്. കൃത്യമായി പറഞ്ഞാല് ഓഗസ്റ്റ് 13 ന്. പീപ്പിള്സ് ഡെയ്ലി ഓണ്ലൈന് ആണ് ഇത് ആദ്യം വാര്ത്തയാക്കിയത്.
സോഷ്യല് മീഡിയ
ഈ വാര്ത്ത ചൈനീസ് സോഷ്യല് മീഡിയ ആയ വീബോയില് ഏറെ ചര്ച്ചകള്ക്ക് വഴിവച്ചു. 1.27 കോടി തവണയാണ് ഈ വാര്ത്ത വീബോയില് മാത്രം വായിക്കപ്പെട്ടത്.
ബാലപീഡനം
അമ്മ ചെയ്തത് തികച്ചും ക്രൂരമായ ബാലപീഡനം ആണെന്നാണ് ആക്ഷേപം. യുവതിയ്ക്കെതിരെ നടപടിയെടുക്കണം എന്നും ആവശ്യം ഉയരുന്നുണ്ട്.