Click it and Unblock the Notifications
Just In
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഖുറാന്‍ നിന്ദ: പാകിസ്താനില്‍ ക്രിസ്ത്യന്‍ ദമ്പതിമാരെ ജീവനോടെ ചുട്ടുകൊന്നു
ഇസ്ലാമാബാദ്: മുസ്ലീങ്ങളുടെ വിശുദ്ധ ഗ്രന്ഥമായ ഖുറാനെ നിന്ദിച്ചു എന്നാരോപിച്ച് ക്രിസ്ത്യന്‍ ദമ്പതിമാരെ പാകിസ്താനില്‍ ജീവനോടെ ചുട്ടുകൊന്നു. പഞ്ചാബ് പ്രവിശ്യയിലെ കോട്ട് രാധാകിഷന്‍ പട്ടണത്തിലാണ് സംഭവം നടന്നത്.
ഷാമ, ഷഹ്‌സാദ് എന്നിവരാണ് ക്രൂരമായി കൊല്ലപ്പെട്ടത്. ലാഹോറില്‍ നിന്ന് വെറും അറുപത് കിലോമീറ്റര്‍ അകലെയായിരുന്നു സംഭവം.
ഖുറാന്‍ നിന്ദ നടന്നു എന്നറിഞ്ഞ് അക്രമാസക്തരായി നാട്ടുകാര്‍ ഓടിയെത്തുകയായിരുന്നു. ഷാമയേയും ഷഹ്‌സാദിനേയും ആള്‍ക്കൂട്ടം ക്രൂരമായി മര്‍ദ്ദിച്ചു. പിന്നീട് ഇഷ്ടികച്ചൂളയിലിട്ട് ജീവനോടെ കത്തിച്ചു. ഷാമയും ഷഹ്‌സാദും ഇതേ ഇഷ്ടിക ചൂളയിലായിരുന്നു ജോലി ചെയ്തിരുന്നത്.
പഞ്ചാബ് പ്രവിശ്യാ മുഖ്യമന്ത്രി സംഭവത്തില്‍ വിശദമായ അന്വേഷണത്തിന് ഉത്തരവിട്ടുണ്ട്. ക്രിസ്ത്യന്‍ ന്യൂനപക്ഷങ്ങള്‍ താമസിക്കുന്ന കേന്ദ്രങ്ങളില്‍ സുരക്ഷയും വര്‍ദ്ധിപ്പിച്ചിട്ടുണ്ട്.
പാകിസ്താനില്‍ മത നിന്ദ വലിയ കുറ്റമായിട്ടാണ് കണക്കാക്കുന്നത് . പലപ്പോഴും കോടതിയോ പോലീസോ ഇടപെടും മുമ്പ് അക്രമാസക്തരായ ജനക്കൂട്ടമാകും ശിക്ഷ നടപ്പാക്കുക. ഇത്തരത്തില്‍ നിരവധി പേര്‍ പാകിസ്താനില്‍ കൊല്ലപ്പെട്ടിട്ടുണ്ട് .
ഇത്തരം കേസുകള്‍ കോടതിയിലെത്തിയാലും ഇരകള്‍ക്ക് രക്ഷയില്ല . കോടതിയുടെ ശിക്ഷാവിധി കഴിഞ്ഞ് പുറത്തിറങ്ങിയാല്‍ വീണ്ടും മതമൗലിക വാദികള്‍ ആക്രമിക്കുന്ന സ്ഥിതിയാണ് പാകിസ്താനിലുള്ളത് .
