പ്ലാസ്റ്റിക് സർജറിക്ക് പിന്നാലെ കിം കർദാഷിയാന്റെ അപര ക്രിസ്റ്റീന ആഷ്ടെൻ ഗൗർക്കാനി മരണപ്പെട്ടു

Updated: Friday, April 28, 2023, 9:07 [IST]

പ്ലാസ്റ്റിക് സർജറിക്ക് പിന്നാലെ മോഡൽ ക്രിസ്റ്റീന ആഷ്ടെൻ ഗൗർക്കാനി(34) മരണപ്പെട്ടു. പ്ലാസ്റ്റിക് സർജറിയെ തുടർന്ന് ഉണ്ടായ ഹൃദയാഘാതത്തെ തുടർന്നാണ് ഇവർ മരിച്ചതെന്നാണ് റിപ്പോർട്ട്. പ്രശസ്ത ഒൺലി ഫാൻസ് മോഡലും അമേരിക്കൻ മോഡലും വ്യവസായിയുമായ കിം കർദാഷിയാനോട് രൂപസാദൃശ്യവുമുള്ള ആളാണ് ക്രിസ്റ്റീന ആഷ്ടെൻ ഗൗർക്കാനി‌. ക്രിസ്റ്റീന ആഷ്ടെൻ ഗൗർക്കാനിയുടെ മരണവാർത്ത ഏപ്രിൽ 26 ന് കുടുംബം ഇൻസ്റ്റാഗ്രാമിലൂടെ അറിയിച്ചിരുന്നു.

"4/20/2023 ന് പുലർച്ചെ ഏകദേശം 4:31 ന് തങ്ങൾക്ക് ഒരു കുടുംബാംഗത്തിൽ നിന്ന് ഒരു ഫോൺ കോൾ ലഭിച്ചുവെന്നും നിലവിളിക്കുകയും കരയുകയും ചെയ്യുകയായിരുന്നു അവരെന്നും ആഷ്ടെൻ മരിച്ചുവെന്ന് പറഞ്ഞെന്നും കുടുംബം പറഞ്ഞു. ഞങ്ങളുടെ ലോകത്തെ തൽക്ഷണം തകർത്തുകളഞ്ഞ ഒരു ഫോൺകോൾ, ഞങ്ങളുടെ ജീവിതകാലം മുഴുവൻ ഞങ്ങളുടെ കുടുംബത്തെ വേട്ടയാടും, ക്രിസ്റ്റീന ആഷ്ടെന്റെ ബന്ധുക്കൾ പറയുന്നു.

മെഡിക്കൽ നടപടിക്രമത്തെ തുടർന്നാണ് മോഡലിന് ഹൃദയസ്തംഭനം സംഭവിച്ചതെന്ന് കുടുംബം കൂട്ടിച്ചേർത്തു. ''അവളുടെ പെട്ടെന്നുള്ളതും ദാരുണവുമായ മരണം ഇപ്പോൾ ഒരു മെഡിക്കൽ നടപടിക്രമവുമായി ബന്ധപ്പെട്ട നരഹത്യയായി അന്വേഷിക്കുകയാണെന്നും കുടുംബം പറഞ്ഞു.

''ഞങ്ങളുടെ സുന്ദരിയായ മകളും സഹോദരിയുമായ ക്രിസ്റ്റീന ആഷ്ടെൻ ഗൂർക്കാനിയുടെ ഏറ്റവും തകർന്നതും ദൗർഭാഗ്യകരവും അപ്രതീക്ഷിതവുമായ വേർപാട് ഞങ്ങൾക്ക് പങ്കുവെക്കേണ്ടിവരുന്നത് അഗാധമായ ദു:ഖത്തോടും വളരെ ഭാരപ്പെട്ട ഹൃദയത്തോടും കൂടിയാണ്," മിസ് ആഷ്ടന്റെ കുടുംബം എഴുതി. മയോ ക്ലിനിക്കിന്റെ അഭിപ്രായത്തിൽ ഹൃദയത്തിന്റെ ഇലക്ട്രിക്കൽ സംവിധാനത്തിലെ ഒരു പ്രശ്നം മൂലം ഹൃദയത്തിന്റെ പ്രവർത്തനം പെട്ടെന്ന് നഷ്ടപ്പെടുമ്പോഴാണ് ഹൃദയസ്തംഭനം സംഭവിക്കുന്നത് എന്നാണ് പറയുന്നത്.

കാലിഫോർണിയ ആസ്ഥാനമായുള്ള 34 കാരിയായ മോഡലിന് ഇൻസ്റ്റാഗ്രാമിൽ 6,26,000-ത്തിലധികം ആരാധകരുണ്ട്. കിം കർദാഷിയാനുമായുള്ള അവളുടെ ശ്രദ്ധേയമായ സാദൃശ്യം ലോകമെമ്പാടുമുള്ള ആരാധകരുടെ ശ്രദ്ധ നേടാൻ കാരണമായിരുന്നു.''ആരുടെയെങ്കിലും മുഖത്ത് പുഞ്ചിരി കൊണ്ടുവരാൻ സമയം കണ്ടെത്തുകയും കരുതലും സ്നേഹവുമുള്ള ഒരു സ്വതന്ത്ര ആത്മാവ് എന്നാണ് കുടുംബം ആഷ്ടെനെക്കുറിച്ച് പറഞ്ഞിരിക്കുന്നത്. തനിക്ക് ചുറ്റുമുള്ള പ്രിയപ്പെട്ടവർക്ക് എന്നെന്നേക്കുമായി തുടരുന്ന ഒരു വെളിച്ചമാണ് ആഷ്ടന്റെ ആത്മാവ്," എന്നാണ് ആഷ്ടന്റെ കുടുംബം അവളെ വിശേഷിപ്പിച്ചത് .

അതേസമയം, 22 കാരനായ കനേഡിയൻ നടൻ സെന്റ് വോൺ കൊളൂച്ചി ഏതാനും മാസങ്ങൾക്ക് മുമ്പ് നടത്തിയ സൗന്ദര്യവർദ്ധക നടപടിക്രമങ്ങൾ ചെയ്തതിന് പിന്നാലയുണ്ടായ സങ്കീർണതക്ക് പിന്നാലെ മരിച്ചതിന് ദിവസങ്ങൾക്ക് ശേഷമാണ് മോഡലിന്റെ പെട്ടെന്നുള്ള വിയോഗ വാർത്ത വരുന്നത്. ശ്രദ്ധേയമായി, ബിടിഎസ് ഗായകൻ ജിമിനെപ്പോലെയാകാൻ സെന്റ് വോൺ കൊളൂച്ചി 12 പ്ലാസ്റ്റിക് സർജറികൾക്ക് വിധേയനായി.