സെനറ്റിന്റെ നിയന്ത്രണം ഡെമോക്രാറ്റുകളുടെ കൈകളിലേക്ക്; 3 പേർ ഇന്ന് സത്യപ്രതിജ്ഞ ചെയ്യും
വാഷിങ്ടൺ; ജോർജിയയിലെ തിരഞ്ഞെടുപ്പ് വിജയികളും വൈസ് പ്രസിഡന്റായി തെരഞ്ഞെടുക്കപ്പെട്ട കമല ഹാരിസിന്റെ പിൻഗാമിയും ഉൾപ്പെടെ മൂന്ന് പുതിയ ഡെമോക്രാറ്റിക് യുഎസ് സെനറ്റർമാർ ബുധനാഴ്ച സത്യപ്രതിജ്ഞ ചെയ്യും. ഇതോടെ സെനറ്റിൽ ഡെമോക്രാറ്റുകൾക്ക് ആധിപത്യം ലഭിക്കും. 2014 ന് ശേഷം ഇതാദ്യമായാണ് യുഎസ് സെനറ്റിൽ ഡെമോക്രാറ്റുകൾക്ക് ഭൂരിപക്ഷം ലഭിക്കുന്നത്.
ഡെമോക്രാറ്റ് അംദങ്ങളായ റാഫേൽ വാർനോക്കും ജോൺ ഒസ്സോഫും കാലിഫോർണിയയിലെ അലക്സ് പാഡില്ലയുമാണ് സത്യപ്രതിജ്ഞ ചെയ്യുക.ജോർജിയയെ പ്രതിനിധീകരിക്കുന്ന വാർനോക്കും ഓസോഫും യഥാക്രമം ആദ്യത്തെ കറുത്ത, ആദ്യ ജൂത സെനറ്റർമാരും പാഡില്ല കാലിഫോർണിയയിലെ ആദ്യത്തെ ലാറ്റിനോ സെനറ്ററും ആണ്.
ജോ ബൈഡന് ശേഷം സെനറ്റിൽ അംഗമാകുന്ന ഏറ്റവും പ്രായം കുറഞ്ഞ ഡെമോക്രാറ്റ് സെനറ്റർ ആണ് ഓസോഫ്. 33 വയസാണ് ഓസോഫിന്. 1973 ൽ തന്റെ 30-ാം വയസ്സിലാണ് ബൈഡൻ ആദ്യമായി സെനറ്റിലേക്ക് തിരഞ്ഞെടുക്കപ്പെടുന്നത്. ഇവർ സത്യപ്രതിജ്ഞ ചെയ്യുന്നതോടെ സത്യപ്രതിജ്ഞ ചെയ്തുകഴിഞ്ഞാൽ, സെനറ്റിൽ 48 ഡെമോക്രാറ്റുകളും ഒപ്പം രണ്ട് സ്വതന്ത്രരും ഉണ്ടായിരിക്കും.100 അംഗ സെനറ്റിൽ ഇപ്പോഴത്തെ ഡമോക്രാറ്റ്, റിപ്പബ്ലിക്കൻ കക്ഷിനില 50-50 എന്ന നിലയിലാകുമ്പോൾ കമല ഹാരിസിന്റെ വോട്ട് സുപ്രധാനമാകും.
അമേരിക്കയിൽ ജനാധിപത്യം പുലർന്നു; ജയിച്ചത് താനല്ല, അമേരിക്കൻ ജനതയെന്ന് ജോ ബൈഡൻ
അമേരിക്കയുടെ ആദ്യത്തെ വനിതാ വൈസ് പ്രസിഡണ്ടായി കമല ഹാരിസ്, ഇന്ത്യയ്ക്കും അഭിമാന നിമിഷം
ഇനി അമേരിക്കയിൽ ബൈഡൻ യുഗം; സംഘത്തിൽ 20 ഇന്ത്യൻ വംശജർ..13 പേരും വനിതകൾ
Recommended Video