ഹിലരിയുടെ അവിഹിതം: ബില് ക്ലിന്റണ് പറയുന്നു
ന്യൂയോര്ക്ക്: തന്നെക്കാളേറെ സ്ത്രീകളുമായി ഭാര്യയായ ഹിലരി ക്ലിന്റണ് ബന്ധപ്പെട്ടിട്ടുണ്ടാകുമെന്ന് മുന് അമേരിക്കന് പ്രസിഡണ്ട് ബില് ക്ലിന്റന് പറഞ്ഞതായി റിപ്പോര്ട്ട്. അമേരിക്കയുടെ മുന് സ്റ്റേറ്റ് സെക്രട്ടറി കൂടിയായ ഹിലരിയെക്കുറിച്ച് ബില് ക്ലിന്റന്റെ മുന്കാമുകിയായ ജെന്നിഫര് ഫ്ലവേഴ്സാണ് ഞെട്ടിപ്പിക്കുന്ന വിവരങ്ങള് പുറത്തുവിട്ടത്.
ഹിലരിയെക്കുറിച്ച് ബില് ക്ലിന്റണ് തന്നെയാണ് തന്നോട് പറഞ്ഞതെന്നും ജെന്നിഫര് വെളിപ്പെടുത്തുന്നു. മെയില് ഓണ്ലൈന് നല്കിയ അഭിമുഖത്തിലാണ് 63 കാരിയായ ജെന്നിഫര് ഇക്കാര്യങ്ങള് പറഞ്ഞത്. കൂടുതല് കാര്യങ്ങളൊന്നും തനിക്ക് അറിയില്ലെന്നും ഹിലരി പുരുഷന്മാരുമായും സ്ത്രീകളുമായും ലൈംഗിക ബന്ധം പുലര്ത്താനാഗ്രഹിക്കുന്ന ആളാണ് എന്ന് ക്ലിന്റണ് തന്നോട് പറഞ്ഞിട്ടുണ്ട് എന്നുമാണ് ഇവര് അഭിമുഖത്തില് വെളിപ്പെടുത്തിയത്.
1992 ല് പ്ലേ ബോയ് മാസികയുടെ കവര് ചിത്രത്തില് പ്രത്യക്ഷപ്പെട്ട മുന് മോഡലിന് ഇപ്പോഴും ബില് ക്ലിന്റണോട് പ്രണയമുണ്ട്. മുന് കാമുകനായ ബില്ലിനോട് തനിക്ക് ഇപ്പോഴും സ്നേഹമുണ്ട്. മാസികകളില് വായനക്കാരുടെ ലൈംഗിക സംശയങ്ങള്ക്ക് മറുപടി എഴുതുന്ന കോളമിസ്റ്റാണ് ജെന്നിഫറിപ്പോള്.
മോണിക്ക ലെവിന്സ്കി എന്ന വൈറ്റ് ഹൗസ് ജീവനക്കാരിയുമായി ലൈംഗിക വിവാദത്തില്പ്പെട്ട നേതാവാണ് ബില് ക്ലിന്റണ്. പ്രസിഡണ്ട് ക്ലിന്റന്റെ രാഷ്ട്രീയജീവിതത്തില് ഏറെ ഒച്ചപ്പാടുണ്ടാക്കിയ സംഭവമാണ് അത്. അതേസമയം ഹിലരി ക്ലിന്റണ് സ്വവര്ഗാനുരാഗിയാണ് എന്ന് നേരത്തെ തന്നെ പരസ്യമായ കാര്യമാണെന്നും റിപ്പോര്ട്ടുകളുണ്ട്. 2016 ല് നടക്കാനിരിക്കുന്ന തിരഞ്ഞെടുപ്പിലൂടെ അമേരിക്കന് പ്രസിഡണ്ട് കസേരയിലാണ് ഹിലരിയുടെ നോട്ടം.