Click it and Unblock the Notifications
Just In
Don't Miss
-
ശിവലിംഗത്തില് ജലാഭിഷേകം നടത്തുന്ന കടല്ത്തിരകള്; ദിവസത്തില് രണ്ടുതവണ കടലില് മുങ്ങുന്ന ക്ഷേത്രം -
IPL 2024: 7 കളി, 130 റണ്സ് പോലുമില്ല; ജയ്സ്വാള് ലോകകപ്പിന് പുറത്തേക്ക്! കോലി ഓപ്പണറാവുമോ? -
മാഗ്നൈറ്റ് വാങ്ങിയവർ ഈ പ്രശ്നം നേരിടുന്നുണ്ടോ? ഷോറൂമിൽ കൊണ്ടുവന്നാൽ ഫ്രീയായി മാറ്റിത്തരാമെന്ന് നിസാൻ -
കൊടുമുടി ഇറങ്ങാതെ സ്വർണം, റെക്കോർഡ് കുതിപ്പിന് കാരണം ഇതാണ്, ഇന്നത്തെ നിരക്കറിയാം -
'ബിഗ് ബോസ് കഴിഞ്ഞാല് ജാസ്മിന് നല്ല ചീത്തപ്പേര്, വിവാഹം പോലും നടക്കില്ല; ഗബ്രി പൊടിയും തട്ടി പോകും' -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ
കൊറോണ വൈറസ്; സൗദിയില്‍ 30 മലയാളി നഴ്‌സുമാരെ മാറ്റി പാര്‍പ്പിച്ചു, എംബസിക്ക് പരാതി
റിയാദ്: സൗദിയിലെ അബഹയിലുള്ള ആശുപത്രിയില്‍ ജോലി ചെയ്യുന്ന മലയാളി നഴ്‌സിന് കൊറോണ വൈറസ് ബാധ സ്ഥിരീകരിച്ചു. കൂടെയുണ്ടായിരുന്ന 30 മലയാളി നഴ്‌സുമാരെ ആശുപത്രിയിലെ പ്രത്യേക വാര്‍ഡിലേക്ക് മാറ്റി. ഇവരുടെ മൂക്കിലെ സ്രവത്തിന്റെ സാംപിള്‍ പരിശോധനയ്ക്ക് അയച്ചിട്ടുണ്ട്. ആദ്യഘട്ട പരിശോധനയില്‍ കുഴപ്പമില്ല. എന്നാല്‍ പ്രത്യേക മുറിയിലേക്ക് മാറ്റിയ നഴ്‌സുമാര്‍ക്ക് മതിയായ ചികില്‍സയും ഭക്ഷണവും ലഭിക്കുന്നില്ലെന്ന് എംബസിക്ക് പരാതി ലഭിച്ചിട്ടുണ്ട്.
ഖമീസ് മുശൈത്തിലെ അല്‍ ഹയാത്ത് നാഷണല്‍ സ്വകാര്യ ആശുപത്രിയില്‍ ഫിലിപ്പിന്‍സ് സ്വദേശിയായ രോഗിയില്‍ നിന്നാണ് മലയാളി നഴ്‌സിന് വൈറസ് പകര്‍ന്നത്. പനിയും ശരീര വേദനയും അനുഭവപ്പെട്ട ഫിലിപ്പിനോയ്ക്ക് നാല് ദിവസം കഴിഞ്ഞാണ് രോഗം സ്ഥിരീകരിച്ചത്. തുടര്‍ന്നാണ് അവരെ ശുശ്രൂഷിച്ച നഴ്‌സുമാരെ നിരീക്ഷിച്ചത്.
കോട്ടയം ഏറ്റുമാനൂര്‍ സ്വദേശിയായ നഴ്‌സിന് കൊറോണ വൈറസ് ബാധ സ്ഥിരീകരിച്ചു. ബാക്കിയുള്ള 30 പേരുടെ സ്രവത്തിന്റെ പരിശോധന ഫലം കാത്തിരിക്കുകയാണ്. ആദ്യഘട്ട റിപ്പോര്‍ട്ട് ലഭിച്ചപ്പോഴാണ് ഏറ്റുമാനൂര്‍ സ്വദേശിക്ക് വൈറസ് ബാധ കണ്ടെത്തിയത്. ബാക്കിയുള്ളവരുടെ വിശദമായ പരിശോധന ഫലത്തിന് വേണ്ടി കാത്തിരിക്കുകയാണ്.
അല്‍ ഹയാത്ത് ആശുപത്രിയില്‍ കൊറോണ വൈറസിനുള്ള ചികില്‍സയില്ല. വൈറസ് ബാധിച്ച നഴ്‌സിനെ അസീര്‍ സെന്‍ട്രല്‍ ആശുപത്രിയിലേക്ക് മാറ്റി. നേരത്തെ വൈറസ് ബാധ കണ്ടെത്തിയ ഫിലിപ്പിനോയുടെ നില ഗുരുതരമാണ് എന്നാണ് റിപ്പോര്‍ട്ടുകള്‍. വൈറസ് പടരുമെന്ന് ഭയന്ന് അല്‍ ഹയാത്തിലെ ജീവനക്കാര്‍ പലരും ജോലിക്ക് വരുന്നില്ലെന്നാണ് വിവരം.
