ദന്പതിമാര് പകര്ത്തിയ സെല്ഫിയില് പ്രേത സാന്നിധ്യം, ശരിയ്ക്കുള്ള പ്രേതം ഭാര്യയോ? ഭീകര സെല്ഫി
സെല്ഫി ഭ്രമം ഇല്ലാത്തവര് ചുരുക്കമാണെന്ന് പറയേണ്ടി വരും. പക്ഷേ ഒരു സെല്ഫി കണ്ട് ആളുകള് അടുത്തിടെ ഇത്രയൊന്നും ഭയന്നിട്ടുണ്ടാകില്ല. ഫോട്ടോ ഷെയറിംഗ് വെബ്സൈറ്റായ 9GAG പുറത്ത് വിട്ട ഒരു സെല്ഫിയാണ് ഓണ് ലൈന് ലോകത്തെ ഒന്നടങ്കം പേടിപ്പിയ്ക്കുന്നത്. മറ്റൊന്നുമല്ല ഈ സെല്ഫിയുടെ ബാക്ക് ഗ്രൗണ്ടില് പ്രേതത്തെ കാണാം!
ദമ്പതിമാര് പകര്ത്തിയ സെല്ഫിയാണ് നിഗൂഢതകള് ഒളിപ്പിച്ച് ഓണ്ലൈന് ലോകത്ത് ചര്ച്ചയാകുന്നത്. ഒരു ജനല് ചില്ലിനെ ബാക്ക്ഗ്രൗണ്ടാക്കിയാണ് സെല്ഫി പകര്ത്തിയത്. ഭാര്യയും ഭര്ത്താവും ക്യാമറയിലേയ്ക്ക് നോക്കി ചിരിയ്ക്കുന്നു. പിന്നില് കാണുന്ന ജനല്ച്ചില്ലില് രണ്ട് പേരുടേയും പിന്ഭാഗമാണ് കാണേണ്ടത്. ഇതല്ലേ ശാസ്ത്രം?
പക്ഷേ ഇവിടെയാണ് ഈ സെല്ഫി അല്പ്പം പേടിപ്പെടുത്തുന്ന ഒന്നായി മാറുന്നത്. കണ്ണാടിയില് പതിയുന്ന ദമ്പതിമാരുടെ രൂപങ്ങളില് ഭാര്യയുടെ തലയുടെ പിറക് വശം കാണേണ്ടതിന് പകരം ചിരിയ്ക്കുന്ന മുഖം തന്നെ കാണുന്നു. എന്താ ഈ സെല്ഫി ഇങ്ങനെ എന്നൊന്നും ചോദിയ്ക്കരുത് . പ്രേതകഥകളില് മുങ്ങിത്തപ്പുന്ന ഓണ്ലൈന് ലോകം വൈകാതെ ഇതിനൊരു ഉത്തരം നല്കുമെന്ന് മാത്രം പ്രതീക്ഷിയ്ക്കാം.