Click it and Unblock the Notifications
Just In
Don't Miss
-
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ... -
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
ദാവൂദ് ഇബ്രാഹിമിന്റെ 'മാരക' രോഗത്തിന്റെ സത്യാവസ്ഥ ഷോട്ടാ ഷക്കീല്‍ പറയുന്നു....
അധോലോക നായകന്‍ ദാവൂദ് ഇബ്രാഹം തന്റെ അവസാന നാളുകളിലാണ് എന്ന് അടുത്തിടെ വാര്‍ത്തകള്‍ പരന്നിരുന്നു. മാരകമായ ഗാന്‍ഗ്രീന്‍ എന്ന രോഗമാണ് ദാവൂദിന് എന്നും രണ്ട് കാലുകളും മുറിച്ചുമാറ്റേണ്ടി വരും എന്നുമായിരുന്നു റിപ്പോര്‍ട്ടുകള്‍. കാലുകള്‍ മുറിച്ചുമാറ്റിയാലും ദാവൂദിന്റെ ജീവന്‍ രക്ഷിക്കാന്‍ പറ്റിയേക്കില്ല എന്ന് ഡോക്ടര്‍മാര്‍ പറഞ്ഞതായും വാര്‍ത്തകളുണ്ടായി.
എന്നാല്‍ ഇത്തരം പ്രചാരണങ്ങള്‍ തെറ്റാണ് എന്നാണ് ദാവൂദിന്റെ അടുത്ത അനുയായിയും ഡി കമ്പനിയിലെ പ്രമുഖനുമായ ഛോട്ടാ ഷക്കീല്‍ പറയുന്നത്. ദാവൂദ് ഇബ്രാഹിമിന്റെ ആരോഗ്യസ്ഥിതി മോശമാണ് എന്ന റിപ്പോര്‍ട്ടുകള്‍ തെറ്റാണ്. രഹസ്യാന്വേഷണ ഉദ്യോഗസ്ഥരെ ഉദ്ധരിച്ച് പുറത്തുവന്ന ഈ വാര്‍ത്തകള്‍ തെറ്റാണ്. ദാവൂദ് പൂര്‍ണ ആരോഗ്യവാനാണ് എന്നും ഷോട്ടാ ഷക്കീല്‍ പറയുന്നു.
എന്നാല്‍ ഛോട്ടാ ഷക്കീല്‍ പറയുന്ന കാര്യം തീര്‍ത്തും വിശ്വാസയോഗ്യമല്ല എന്ന് കരുതുന്നവരുമുണ്ട്. ദാവൂദ് ഇബ്രാഹിമിന്റെ കറാച്ചിയിലെ വീടിന് സമീപത്ത് ഡോക്ടര്‍മാരുടെ സംഘത്തെ കഴിഞ്ഞ ദിവസം കണ്ടിരുന്നു. ലിയാഖത് നാഷണല്‍ മിലിറ്ററി ഹോസ്പിറ്റലിലെ വിദഗ്ധ ഡോക്ടര്‍മാരാണ് ദാവൂദിനെ ചികിത്സിക്കുന്നത് എന്നായിരുന്നു റിപ്പോര്‍ട്ടുകള്‍.
1993ലെ മുംബൈ സ്ഫോടന കേസിന്റെ സൂത്രധാരനായ ദാവൂദ് ഇബ്രാഹിം പാകിസ്താനിലാണ് എന്ന് നേരത്തെയും റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ഇക്കാര്യം പാകിസ്താന്‍ ഒരിക്കലും അംഗീകരിച്ചിരുന്നില്ല. ശരിയായി രക്തം എത്താത്തതിനെത്തുടര്‍ന്ന് കാലുകളില്‍ വ്രണം ഉണ്ടാകുകയും നിര്‍ജീവമാകുകയും ചെയ്തു എന്നാണ് തിങ്കളാഴ്ച പുറത്തുവന്ന റിപ്പോര്‍ട്ട്. ദാവൂദിന്റെ നിര്‍ജീവമായ രണ്ട് കാലുകളും മുറിച്ചുമാറ്റാന്‍ ഡോക്ടര്‍മാര്‍ നിര്‍ദേശം നല്‍കുകയായിരുന്നത്രെ.
