ഇറാന് മുന് പ്രതിരോധ ഉദ്യോഗസ്ഥനെ തൂക്കിലേറ്റി; കടുത്ത പ്രതിഷേധവുമായി ബ്രിട്ടന്
ടെഹ്റാന്: പ്രതിരോധ മന്ത്രാലയത്തില് ഉന്നത പദവിയിലിരുന്ന മുന് ഉദ്യോഗസ്ഥന് അലി റസാ അക്ബരിയെ ഭരണകൂടം തൂക്കിലേറ്റി. അമേരിക്കയുടെയും ബ്രിട്ടന്റെയും കടുത്ത എതിര്പ്പ് അവഗണിച്ചാണ് ഇറാന്റെ നടപടി. ഒരിക്കലും അംഗീകരിക്കാന് പറ്റാത്ത നടപടിയാണ് ഇറാന് ഭരണകൂടത്തിന്റെ ഭാഗത്ത് നിന്ന് ഉണ്ടായിരിക്കുന്നതെന്ന് ബ്രിട്ടീഷ് പ്രധാനമന്ത്രി ഋഷി സുനക് പറഞ്ഞു. ഇറാന്റെ നയതന്ത്ര പ്രതിനിധിയെ ബ്രിട്ടീഷ് വിദേശകാര്യ മന്ത്രാലയം വിളിച്ചുവരുത്തി പ്രതിഷേധം അറിയിക്കുകയും ചെയ്തു. ഇറാന്റെയും ബ്രിട്ടന്റെയും പൗരത്വമുള്ള വ്യക്തിയായിരുന്നു അലി റസാ അക്ബരി.
ഇറാനിലെ ജുഡീഷ്യറിയുമായി സഹകരിച്ച് പ്രവര്ത്തിക്കുന്ന മിസാന് ന്യൂസ് ഏജന്സിയാണ് അക്ബരിയുടെ വധശിക്ഷ ആദ്യം റിപ്പോര്ട്ട് ചെയ്തത്. അതേസമയം, ദിവസങ്ങള്ക്ക് മുമ്പ് തന്നെ അക്ബരിയുടെ വധശിക്ഷ നടപ്പാക്കിയെന്ന് നേരത്തെ വാര്ത്തകള് വന്നിരുന്നു. ബ്രിട്ടീഷ് ചാരസംഘടന എംഐ6ന് വേണ്ടി അക്ബരി ചാരപ്രവര്ത്തനം നടത്തി എന്നാണ് ഇറാന്റെ ആരോപണം. ബ്രിട്ടനില് നിന്ന് അദ്ദേഹത്തിന് പണം ലഭിച്ചിരുന്നുവെന്നും ബ്രിട്ടീഷ് പൗരത്വം ഇതിന് വേണ്ടി ഉപയോഗിച്ചുവെന്നും ഇറാന് പറയുന്നു.
സര്ക്കാര് ഉദ്യോഗത്തില് നിന്ന് പിരിഞ്ഞ ശേഷം സ്വകാര്യ എന്ജിഒ നടത്തുകയായിരുന്നു അക്ബരി. 2019ലാണ് ഇറാന് പോലീസ് ഇദ്ദേഹത്തെ അറസ്റ്റ് ചെയ്തത്. എന്നാല് അടുത്ത കാലത്താണ് അക്ബരിയുടെ കേസ് പുറംലോകം അറിഞ്ഞത്. അതേസമയം, അക്ബരിയുടെ വീഡിയോ അടുത്തിടെ ഇറാന് ഔദ്യോഗിക ടെലിവിഷന് പുറത്തുവിട്ടിരുന്നു. കേസില് കുറ്റസമ്മതം നടത്തുന്ന രീതിയില് സംസാരിക്കുന്നതാണ് വീഡിയോ. എന്നാല് ഇത് എഡിറ്റ് ചെയ്തതാണെന്ന് വിമര്ശനം ഉയരുകയും ചെയ്തു.
അതേസമയം, അക്ബരിയുടെ ഓഡിയോ സന്ദേശം ബിബിസി പുറത്തുവിട്ടിരുന്നു. തന്നെ ക്രൂരമായി പീഡിപ്പിച്ചു എന്ന് വെളിപ്പെടുത്തുന്നതാണ് ഈ സന്ദേശം. തോക്കിന്മുനയില് നിര്ത്തി കുറ്റം സമ്മതിപ്പിക്കുകയായിരുന്നുവെന്നും അദ്ദേഹം പറയുന്നു. ഈ റിപ്പോര്ട്ടിനോട് ഇറാന് ഇതുവരെ പ്രതികരിച്ചിട്ടില്ല. പ്രതിഷേധിക്കുന്നവരെ തൂക്കിലേറ്റുന്ന നയം ഒരിക്കലും അംഗീകരിക്കാന് സാധിക്കില്ലെന്ന് ഇത്തരം പ്രവര്ത്തനങ്ങളില് നിന്ന് ഇറാന് പിന്തിരിയണമെന്നും യുഎന് മനുഷ്യാവകാശ ഏജന്സി അധ്യക്ഷന് താക്കീത് നല്കി.
-
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ -
ഖത്തറിന് മറ്റൊരു വന് തിരിച്ചടി; ഡൊണാള്ഡ് ട്രംപ് പോലും വീഴും, ആരും അറിയാതെ എത്തുന്ന കെണി -
ഗൾഫ് രാജ്യങ്ങളിലെ വിദ്യാർത്ഥികൾക്ക് ആശ്വാസം; ബദൽ മൂല്യനിർണയ പദ്ധതിയുമായി സിബിഎസ്ഇ -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
ഇറാനൊപ്പം ചേര്ന്ന് ഹൂതികളും...! ഇസ്രായേലിലേക്ക് മിസൈല് വര്ഷം, യുദ്ധം പുതിയ തലത്തിലേക്ക് -
സൗദി അറേബ്യ മൂന്നാം സ്ഥാനത്ത്; എല്പിജി കൂടുതല് ഉല്പ്പാദിപ്പിക്കുന്നത് മറ്റൊരു രാജ്യം, ചൈന മുന്നില് -
ക്ഷമ നശിച്ച് യുഎഇ; അമേരിക്കയ്ക്കൊപ്പം ഇറാനെതിരെ യുദ്ധക്കളത്തിലേക്ക്? യുദ്ധഭീതിയിൽ പ്രവാസി ലോകം -
സംഘർഷം തുടർന്ന് ഇറാൻ; പ്രസിഡൻ്റിൻ്റെ മുന്നറിയിപ്പിന് പിന്നാലെ ദുബായിലും കുവൈത്തിലും വീണ്ടും ആക്രമണം -
പാകിസ്താന് തന്ത്രത്തില് നീങ്ങുന്നു; സൗദി, തുര്ക്കി നേതാക്കള് ഇസ്ലാമാബാദില്, ഇറാനിലേക്ക് ചരക്കുകള് -
അമേരിക്കൻ സർവ്വകലാശാലകൾ തകർക്കുമെന്ന് ഇറാൻ; പശ്ചിമേഷ്യ കത്തുന്നു -
ഇറാനെ വിഴുങ്ങാൻ അമേരിക്കൻ പട? പെന്റഗണിന്റെ 'രഹസ്യ' നീക്കം പുറത്ത് -
ഇറാന്റെ തന്ത്രം 'പൊളിക്കാന്' യുഎഇ, സൗദി, ഇറാഖ് നീക്കം; എങ്കിലും അളവ് എത്തില്ല, 3 കുഴലുകള്
Click it and Unblock the Notifications
Sign in with Google